كله كوم و أبو جلابية ده كوم
أنا حاسس إنه كان في موقعة الجمل و تاه
كله كوم و أبو جلابية ده كوم
أنا حاسس إنه كان في موقعة الجمل و تاه
الكارثة اننا لن نستطيع ان نثق بالشرطة
و لن نثق بها --- عندهم فرص كتير و فرصه ورا فرصه بيضيعوها
المفروض كان يخرجو الاعبين والحكام والجهازين والمصورين والصحفين والباقى يضرب لما يتكسرو ويخرجو كلهم بعاهات مستديمة
دا الحل من البلطجة لا البلطجى بيقسها بالقوة فلازم دايما يلاقى الاقوى منة الى يكسرة
والى قال الامن المركزى لازم يقللو اعدادة بالعكس وتزيد كمان يا ريت عشان تتصدى للغوغائية والقطيع الى شوفناة
مادا اللي بيحصل في اي مصيبه الايام دي زائد ان دا اللي حصل في الثوره بردوا و استغلوا ان الناس المحترمه نازله الميدان تطالب بحقوق مشروعه و استغلوا قله الامن المركزي و ابتدوا الضرب فيهم لحد ما الامن المركزي طاح في كله و مافرقش بين بلطجي و محترم و هيج الراي العام كله عليهم مع وجود بعض التصرفات الاحترازيه زي القناصه و كده
والله دا اللي بقوله من زمااااااااااااان
هو الموضوع حسن استغلال للاحداث اللي علي الساحه في صالح الفوضي
زي ماحصل في جمعه من جمعات الثوره لما جيش قعد يضرب في الناس اللي كانت في الحرير بليل لو حد فاكر الواقعه دي كانت بدايتها ان واحده كانت بتخطب و قعدت تشتم في الجيش جامد و بعدين كان معاهم طوب كتير قعدوا يحدفوا علي الجيش لحد ما عسكري اتصاب و بعدها الجيش ابتدي يضرب في الناس علشان يفرقهم و طلع اعتذار تاني يوم علي يالصفحه الرسميه
الموضوع ده هايفضل مستمر علشان في عقليات متفاوته من الشعب لن تستطيع التحكم فيها و انا سهل التأثير عليها او بمعني اصح بتسخن و خلاص في الهيصه
كان الاستاذ كريم منير الله يكرمه كاتب مقوله في توقيعه من بداية الثوره هاكتبها تاني بعد اذنه
ما أسوء ان يسوق ذكاء الشر مجموعه من قطيع الغباء ...... بالتالي ستصبح النتيجه سودااااااااااااااااااااء
دا مجرد رأي الشخصي علشان محدش يقول اني ضد الثوره ولا تبع حزب ولا اسف ياريس و كل الكلام ده
انا لما قرأت ان حد بيقول الموضوع مؤامره قعدت اضحك.. بس لما تابعت شويه وشوفت فيديوهات بجد الموضوع شكله كدا فعلا..وطبعا ساعدهم بعض الجهله من الاستاد الى زاطوا فى الزيطه...
-------
زعلت جدا من ردود بعض الاعضاء الى بتقول شعب همجى وفوضوى ولا يستحق الديمقراطيه..مينفعش ومش عايز اقول عيب اوى اسلوب التعميم كلنا متفقين على سوء الى حصل بس منغلطش فى كل المصريين عشان شويه همج عملوا كدا
يا ريت اللي بيثول كده يورينا مجهوداته الفظيعه في نبذ التعصب و الهمجيه .....
هو انت مش من الشعب ياض ؟؟؟؟؟؟ قوام وحشك الكرباج و الرشوه والطوارىء؟؟؟؟؟؟؟
للي بيقول هو الشعب المصري كده :
اتكلم عن نفسك .....عايز البلد بحلوها بمرها و عايز تصلحها ...اهلا وسهلا
مش عايز ...يكون احسن ......خد اقرب طياره و فارقنا بناقص عبقري
إلغلوا الكوره شويه ونهتم بالجد والعلم والعمل لحد منبنى البلد على اساس سليم وقوى وننظر للمستقبل وبعد كده نلعب كل الالعاب ::::: مصر تستاهل مننا شوية جد وحب اكتر من كده ::::::::::ربنا يولى من يصلح:::::آميييييييييييييييي يين
مش انت
انت قلت محاسبة
فيه مشاركة في موضوع تاني هنا بتقول اقالة وزير الداخلية
مباشرة اقالة ومتهيالي كدة واضح ان انا وانت معترضين على الاسلوب ده
بلاش ابراهيم حسن يتكلم علشان مدير الافريقي التونسي طالب من هناك انه يتحمي منه واتحادهم بلغ الاتحاد المصري ودخل اتخانق معاهم هو وميدو بين الشوطين وتاريخه اسوا واسفل من ان يصدقه احد
وبوابات ايه اللي ممكن تصمد امام الاف في حالة هياج ولا يوجد من يمنعهم وعارفين انه لن يوجد من يحاسبهم
للاسف الشديد كلامك كله صح
فرص ايه يا طارق
اذا اردت ان يطاع فأمر بما يستطاع
في حالة النهاردة تحديدا تفتكر لو فيه امن مركزي وكان منع الناس اللي عايزين ينزلوا واشتبك معاهم واصيب كام واحد من المتفرجين تفتكر كان هايبقي الكلام ايه وقتها وكام موضوع كانوا هايتعملوا هجوم عنيف على الشرطة الكلاب والامن المركزي السفاح اللى لسة فاكر نفسه عايش قبل الثورة وفيديوهات تملا النت وووووووووو
اخي الكريم دكتور محمد اكتب ردي بعد ردك مباشره وبعد قراءه كل الردود
ولا تتخيل حجم الاحباط الذي احس به من داخلي
اقسم بالله انا ما اقوله سمعته باذني من لحظات من ابن اختي وهو ناشط كبير من ناشطي الاولترس ( وقد منعناه من فتره من الذهاب الي اي مباره )
كان الاتفاق اه في حاله عدم التاهل الانتظار حتي قرب النهايه والنزرول الي الملعب وتبويظ المباراه وضرب لاعبي الفريق التونسي والحكم لو الحكم كان غلط
الاتفاق دا من يومين مش النهارده ولا امبارح ايوه الموضوع منظم بس لا ثوره مضاده ولا غيره اقولك دي بلطجه منظمه يا دكتور
بلاش بقي نحط راسنا في الرمله ونعمل زي النعامه وتبقي عيوب الدنيا كلها من الثوره المضاده
يعني المخالفات اللي ماليه الدنيا كلها ثوره مضاده
الثوره المضاده بتبني علي الراضي الزراعيه وبتبني فوق العمارات ادوار مخالفه
الثوره الضاده لو قالت لكل اتنين يتخانقو يضربو بعض بالاسلحه ناريه او بيضاء
التدخين في مترو الانفاق الثوره الضاده بعتاهم
وما تقوليش الشرطه لو ضابط كلم واحد النهارده تبقي ليلته سودا وهيشوف اللي ما حدش شافه ويضرب ويتسحل وكمان يتوقف ويتسجن
يا راجل دا في واحد من الشباب نازل بيزعق في الراجل بتاع الامن كانه هيموته (اول اتنين نزلو لما بتاع الامن راح يمسكهم اتفرج عليهم بيعملو ايه معاه وبيزعقو ليه ازاي)
حان الوقت للاعتراف بالمشكله لكي يبدا الحل اما طول ما احنا ملايكه والثوره المضاده هيه اللي عامله كل حاجه يبقي خلينا بقي نحارب الثوره المضاده
اخي الكريم الشوم اللي حضرتك بتتكلم عليها دي للاسف الاعلانات اللي تم تحطيمها واستخدامها وعلشنا كده كله ماسك عصيانه من الخشب الابيض اللي هو ماده تصنيع اللوحات الاعلانيه
علي فكره الجمهور دا من المستحيل السيطره عليه وعاده بيكون الطريق هيبت القانون (اللي هيه بي باي)
لا الامن ما انسحابش وقدام عينك كان بيحمي لاعبي الافريقي والحكم اللي اول ما نزلو كانو ريحين يضربوه
اكثر المستفيدين
1. الواد ابو جلبيه بقي اشهر واحد في مصر
2. الراجل اللي ورا عمر سليمان
3.فريق الافريقي
4. جمهور الاهلي اللي هيشمت في الزمالك لما العقوبات تطلع وعلي الاكتر هتكون عقوبات مصيبه
5. اه صحيح الثوره المضاده (بس مش عارف ايه دخلهم بس ايوه هيه كده)
بمناسبه الثوره المضاده شوفوا الفيديو ده :untitled 1:
هل ده هما اللى عايزن يوصلوا ولا ايه ؟!!!
[youtube]http://www.youtube.com/watch?v=on7kMgX2QP8&feature=player_embedded[/youtube]
طبعاً كأغلب الناس أنا مش مقتنع انها ثورة مضادة وفلول الحزب الوطني.
بس شوفوا الراجل ده وعقليته
YouTube - ‫ظپظ„ظˆظ„ ط§ظ„ط.ط²ط¨ ط§ظ„ظˆط·ظ†ظٹ ظ‡ظ„ ظ‡ظٹ ط§ظ„ط³ط¨ط¨ ظپظٹ ظ…ظ‡ط²ظ„ظ‡ ط§ظ„ط²ظ…ط§ظ„ظƒ ط§ظ„ط§ظپط±ظٹظ‚ظٹ‬‎
YouTube - ‫ظپط¶ظٹط.ط© ظ…ظˆط¯ط±ظ† ط³ط¨ظˆط±طھ‬‎
في ناس بتكره الثورة وعايزة تلصق جميع أمراض المجتمع بالثورة.
والله عارف ان كلامك صح
فيه ناس من كتر حبهم للثورة عاملين زي الاب او الام اللى مش بيشوفوا عيوب اولادهم من كتر حبهم ليهم
وناس تانية بردو زي الاب او الام بيحاولوا يقوموا سلوك اولادهم وبيعترفوا باخطائهم
بعد المبارة بشوية الساعة 10 وشوية نزلت رحت مكان ما قابلت فيه واحد لابس فانلة الزمالك اعرفه قالى انه كان في الاستاد وان العصي كانت بتاعة الاعلانات اللي اتكسرت ميت حتة
قلت له طيب العصي الطويلة المرنة دي بتاعة ايه قالي دي بتاعة الاعلام ولما ركزت بعد ما رجعت في اللقطات اكتشفت ان فعلا كان فيه اعلام متركبة في عصي طويلة هي نفسها اللى نزلوا بيها ارض الملعب والمنافق شلبوكة عمال يعيد فيها ويقول كلهم مسلحين
حسبي الله ونعم الوكيل
الفيديو بتاع الراجل الى قاعد يقول ولا يوم من ايام حسنى مبارك ودى ثوره كلاب وحراميه... مش عارف اقول ايه ولا ايه والله مش عايز اتوقف..
هما عايزين يوصلونا لمرحله عشان نندم ونقول نفس الكلام الى بيرددوا الراجل دا وامثاله
ده في ناس مبتصدق رجليها تخبط في الترابيزه عشان يقولوا البوقين دول ........
انا جالي بتاع 5 6 مكالمات من اصحابي ((للاسف)) بتوع ال 6 شهور و انتو خربتوا البلد
((مش هو ده الشعب اللي انت كنت عاملنا فيها بتاع و رايح تعتصم عشانه .....اشرب بقا ))
نفس البوقين .....و الله لولا انهم اصدقاء منذ الصغر لكنت ,,,,,,, :untitled 1:
يا جماعة ركزوا في الفيديو
الفيديو في برنامج شلبوكة
وانتم عارفين نفاقه من زمان
وهو اعاد الفيديو مرتين وكلنا سمعنا كلام التافه اللى اتكلم عن الثورة
وبعدها يجي شلبوكة ببراءة الاطفال ويهاجم من قال ذلك رغم ان اكيد الفيديو قبل ان يذاع على الهواء الاخراج بيسمعه خوفا مما قد يكون فيه يعني اذاعوا الفيديو وهما عارفين اللى فيه
والفيديو الموجود هنا بيبين المخرج وهو بيقول لتامر يشتغل
الفيديو واضح انه معمول مخصوص لكسب شعبية غير حقيقية بالدفاع عن الثورة من شلبوكة
ههههههههههههههه
بجد يا شيتوس انتم نحس
مش كدة كل شوية يحصل حاجة انا بدات اتشائم
ممكن اقولكم على فكرة
انتم تقولوا هانعمل مليونية يوم الجمعة
ويوم الخميس تلغوها ومفيش اي حد يخرج حتي من بيته يوم الجمعة
ونشوف ايه اللى هايحصل يوم الجمعة والسبت
لو محصلش حاجة يبقي اتاكد نحسكم
لو حصل يبقي انتم براءة
ههههههههههههههههههههههههه هه
عملت ايه في الامتحان ؟؟؟؟؟؟؟؟؟؟
ههههههههههههههههههههههههه هههههه
فكره .......
عارف يا دكتور انا اكتشفت ميزه فينا كشبابا اليومين دول
التناحه والرزاله : اللي هو قاعدين بنتفرج على المهازل و المؤمرات ........
و بكل برود : طيب و بعدين .......وريني اخرك
و هكذا ....ده كفايه شعار ((مش هنمشي.....هو يمشي )))
تحس قد ايه انك عنيد ........في الميدان مع تزايد صيحات خربتوا البلد و الفتنه وارجعوا حرام عليكم
كان برده العند و مش هنمشي هو يمشي
((لا يضبع حق ورائه مطلب ))
ما علينا
الامتحان كنت رايح اصلا مش شايف قدامي
ومحضر مانيفستو اعزار للدكتور ......مظاهرات و عيان فعلا و و و
اتاخر ...كلمته قالي جاله دور برد من الوقفه في التحرير هو كمان .......
كنت عايز اقله اشطه علي يابو الدكاتره هههههههههههه
خلاها الاتنين :Oc_sun1[1]:
شكرا لسؤال حضرتك
اللي حصل النهارده ادخل الفرحه في قلب الصهاينه بعد كأبة شهرين...
مش للدرجه .......
اتفرج على ماتشات اوروبا و امريكا اللاتينيه و انت تعرف ان اللي حصل ده demo
بتحصل يعني قصدي
عارف ((كان )) البيبسي ........
رجه جامد و افعصه و اخبطه في الارض .......
و افتحه مره واحده كده
شوف هيحصلك ايه
بس في الاخر هتشرب الباقي اللي ما فرش
فاهم حاجه ؟؟؟؟؟؟
حسبي الله ونعم الوكيل فيكم انتم الاتنين
يعني علشان تخرجوا المظاهرة تهملوا في شغلكم ؟؟؟؟؟؟؟؟؟؟
حتي لو عنده دور برد كان المفروض بردو يروح يقوم بشغله
اتذكر انى على مدار سنوات طويلة لم اغب الا يوم واحد فقط كنت عامل فيه حادثة جامدة بالعربية
عموما مصلحة ليك
بس زاكر بقة علشان يوم الاتنين واهو فرصة اخلص منك شوية في المنتدي واتكلم براحتي بدل ما انت طالع لي في كل موضوع زي الشريك المخالف
بتتحسبن في وشي يا دكتور :Oc_sun1[1]: ههههههههههه
ماشي ....
بس عامة هو راجل كبير حوالي 70 سنه و من النوع اللي عنده حساسيه
فدور برد بنسباله بيرقده جامد .....
كمان انا كنت مزاكر برده ده امتحان مشروع كنت بعمله من قبل الثوره ((فيللا لعينه )) هههههههه
ومش همشي حضرتك مش هتمشي برده .......:tongue:
حلوة وملعوبة فعلا
فلول النظام السابق والحالي والمتجمهر
هما السبب
هوا فيه ظابط شرطةى شغال بحق ربنا دلوقتي "الا ما رحم ربي"
البهوات قاعدين فيالشوارع ولا كانهم عاملين اي حاجة
كان سواق حمار هايخبطني ولما جيت اكلم امين شرطة اللي واقف في الاشارة و اعرفه
قالي يا بيه نعمل ايه
عندنا اوامر اننا نقعد ساكتين وما نعملش حاجة
بالذمة دا كلام
طبق اللي حصل معايا علي الاستاد
شوف تراخي الامن المركزي بعد الناس مانزلت وضربت الحكم
يا ساتر
بتمشيوا علي الكورنيش
لو عالقانوني دكاترتنا كلهم باي باي ....
دحنا بالعافيه بالعافيه اقنعنا كبير دكاترة ماده عندنا انه يستبعد دكتور مشهور عندنا من تدريسنا السنه دي
الراجل عنده بتاع 90 سنه ......ربنا يديه الصحه .......بس لا يعترف باستخدام الاله الحاسبه حتى
ده ابسط عيب .....غير ان نتيجته وصلت ل 70 % سقوط في سنه
ونفذها ......70 % من الدفعه كانت بتمتحن نوفمبر
وفعلا كرموه و بقا في منصب تاني حاجه كده
و نبنبي فيلل قصور عشش ان شاء الله اودة بواب ههههههههه
منذ 4 سنوات و نحن في مقدمة المدافعين عن سمعة و كيان نادي الزمالك و كان حرصنا الأكبر و الأعظم أن يكون نادي الزمالك دائما هو اولويتنا و من منطلق هذا الحرص كان نشاطنا ...
4 سنوات كان شغلنا الشاغل هو التفكير في رفعة الكيان و مساندته بكل ما أوتينا من جهد ووقت ومال .. لم نطلب يوما مساعدة من احد .. عرًض الكثير منا حياته الدراسية و المهنية للخطر بسبب الحرص على مساندة الكيان في اي وقت و في اي مكان .
منذ نهاية مباراة الذهاب في بطولة دوري الابطال الافريقي مع اشقائنا فريق الافريقي التونسي و بالنتيجة المخزية التي عاد بها (( أبطال )) نادي الزمالك و نحن لم نتوقف عن الاجتماعات للتفكير في الطريقة التي سنساند بها الفريق للخروج من تلك الأزمة ... قمنا بعمل 3 دخلات في مباراة واحدة وهو ما لم يحدث من قبل و قمنا باشعال عدد كبير من الشماريخ و الالعاب النارية لتحميس لاعبي الفريق حتى يتمكنوا من كسر الحاجز النفسي لصغر سنهم و قله خبرتهم الافريقية.
لم يكن مخططا على الاطلاق ما حدث في نهاية المباراة من مظهر غير حضاري لا يعبر بأي حال من الاحوال عن الصورة المعتادة لجماهير الزمالك الوفية المخلصة ونحن لا نعفي أنفسنا من المسئولية عما حدث حيث خرجت بعض العناصر المتهورة عن النص و قامت بالقفز داخل أرض الملعب و تبعها عناصر أخرى لمحاولة أرجاعها الى المدرجات حينها ظن البعض ان ذلك نزولا جماعيا الى ارض الملعب وهو ما لم يكن صحيحا فتبعه نزول المئات الغير منتمين الى المجموعة و هم من قاموا ببث الفوضى و تكسير لوحات الاعلانات المحيطة بالملعب و حرصا منا على محاولة لم الأمور و اعادتها الى نصابها نزل العديد من أفراد المجموعة و اتجهوا لقلب الملعب لمحاولة حماية لاعبي الفريق الضيف و حكم المباراة.
و نحن إذ نكرر اننا لا نعفي أنفسنا من المسئولية فإننا نتقدم باعتذار الى كل جماهير نادي الزمالك و كل الشعب المصري و كل من أصابه أذى من رؤية ما حدث باستاد القاهرة بالامس
و نقدم إعتذارنا أيضا لإخوتنا و اشقائنا التوانسة و نؤكد لهم ان ما حدث كان غير مخططا و انه اذا كان مخططا ما كنا لنحتفل بهم في دخلتنا الأولى (( أحرار ))
و ختاما فإن إدارة مجموعة التراس وايت نايتس تعلن عن تجميد نشاط المجموعة بكافة صوره إلى أجل غير مسمى لحين عمل إعادة هيكلة موسعة تشمل جميع الافراد المحسوبين على المجموعة.
و الله ولي التوفيق,,
وانتهت نظريه المؤمره