محتاج مساعدة المدقدقين في الشوارع عندنا.. من النزهة الجديده للقصر العيني

السلام عليكم ورحمة الله وبركاته
صباح الخير ياشعب

عندي مشكله كبيره
انا يوميا بنزل القصر العيني وبيتي في النزهة الجديده

الصبح الطريق بياخد من 20 الى 40 دقيقه وده بستحمله
وانا راجع بقا باخد الطريق في ساعتين!!!

وابتديت اتعب والحر جاي ومعتقدش اني هستحمل اكتر وياسلام رمضان جانا وهوب انا هضيع
هههههههههههههههههههههه
طبعا اعتقد ابتديتو تفهمو
انا بدور على شوارع بديله لصلاح سالم (ومحدش يقولي كوبري اللعنه كوبري اكتوبر)

ياترى ايه كل البدائل المطروحه

هل في حاجه من شارع النصر مثلا؟؟
هل في حاجه من وسط البلد (انا عارف ان في شوارع وتوصل لكن انا بتكلم عن بدايل فعاله تخفف عني عبئ الطريق)؟؟؟

ساعدوني الله يرضى عنكم ويوفقكم


وللعلم عملت موضوع في منتدى الطرق بس محدش رد عليا
تحياتي للجميع

هو اكيد اللى هيفرق معاك ميعاد الرجوع ولكن لما بتحكمنى الظروف ارجع من وسط البلد للشيراتون .بخش على نفق الازهر من عبد الخالق ثروت وصلاح سالم للشيراتون ومبقفش فى صلاح سالم كتير.ممكن 30-40 دقيقة لحد الشيراتون وده ما بين الساعة 3-5.

تركن العربية فى محطة سراى القبة و تركب مترو الانفاق و تريح نفسك من نزول وسط البلد و قرف الركن و الزحمة

اهم حاجه حضرتك بترجع الساعه كام من هناك يعنى بتبتدى تتحرك امتى ؟

اقتباس:

---

المشاركة الأصلية كتبت بواسطة heshamzaky

تركن العربية فى محطة سراى القبة و تركب مترو الانفاق و تريح نفسك من نزول وسط البلد و قرف الركن و الزحمة

---

وترجع ماتلاقيهاش
مش اليومين دول يا استاذ هشام الكلام ده

ياشباب انا بنزل يوميا لان انا شغال هناك

اكبر مشكله في الطريق بتبدأ من عند ارض المعارض ولحد كوبري ميدان الطيران
هل من بدائل للمنطقه دي؟؟؟

انا يوميا بروح الساعه 2ونص للاسف

شكرا لكل اللي ردو

تحياتي

اقتباس:

---

المشاركة الأصلية كتبت بواسطة a.saad

وترجع ماتلاقيهاش
مش اليومين دول يا استاذ هشام الكلام ده

---

كنت هقول كده بس الراجل جي يساعد ومرضتش اكسفه

ههههههههههههههههههههههه

وبكرر يوميا بتحرك 2 ونص بالظبط

المسافة قصيرة والبديل لفة شوية.

من صلاح سالم خش امتداد رمسيس واطلع وصلة اكتوبر الجديدة وانزل طريق النصر ومن بعد المنصة شمال على صلاح سالم تانى.

اقتباس:

---

المشاركة الأصلية كتبت بواسطة heshamzaky

تركن العربية فى محطة سراى القبة و تركب مترو الانفاق و تريح نفسك من نزول وسط البلد و قرف الركن و الزحمة

---

هانت كلها 10 سنين والمترو يوصل النزهه

اقتباس:

---

المشاركة الأصلية كتبت بواسطة a.saad

وترجع ماتلاقيهاش
مش اليومين دول يا استاذ هشام الكلام ده

---

هههههههههه يا راجل لية بس ههههههههههههههههه . أنا بعمل كدة لما بنزل البلد بركن فى سراى القبة و بركب المترو ربع ساعة ابقى فى التحرير و الحمد لله سراى القبة زحمة دة ممكن تدور على مكان تركن خصوصا فى الشارع الى أمام المحطة الى يوديك على شارع سليم زحمة جدا و كلة عربيات

ممكن تطلع الدائري من طلعه كورنيش النيل هيبقي الطريق اطول بس الدائري لو سالك هتوصل اسرع بكتير بس لو لاقدر الله في حادثه علي الدائري هتترحم علي كوبري اكتوبر و صلاح سالم

اقتباس:

---

المشاركة الأصلية كتبت بواسطة hm414

كنت هقول كده بس الراجل جي يساعد ومرضتش اكسفه

ههههههههههههههههههههههه

وبكرر يوميا بتحرك 2 ونص بالظبط

---

لا 2.30 دى ملهاش حل كل الطرق بتبقى منيله بنيله انا كنت فاكر مثلا 5 ولا حاجه وكنت هاقولك اتاخر ساعه الطريق بيتظبط شويه

اقتباس:

---

المشاركة الأصلية كتبت بواسطة korkor

هانت كلها 10 سنين والمترو يوصل النزهه

---

و الله يا ريت هما شغالين فى المرحلة بتاعت المترو ممكن تبقى ساعتها تركن عند كلية البنات فى شارع الميرغنى و المترو أرحم من نزول التحرير بالعربية

اقتباس:

---

المشاركة الأصلية كتبت بواسطة heshamzaky

و الله يا ريت هما شغالين فى المرحلة بتاعت المترو ممكن تبقى ساعتها تركن عند كلية البنات فى شارع الميرغنى و المترو أرحم من نزول التحرير بالعربية

---

لو على مرحله كليه البنات على اكتوبر 2013 وتشتغل ان شاء الله وممكن على اخر السنه دى تروح تركن فى العباسيه وتاخد المترو من هناك للتحرير بس هتبدل فى العتبه

اقتباس:

---

المشاركة الأصلية كتبت بواسطة hm414

السلام عليكم ورحمة الله وبركاته
صباح الخير ياشعب

عندي مشكله كبيره
انا يوميا بنزل القصر العيني وبيتي في النزهة الجديده

الصبح الطريق بياخد من 20 الى 40 دقيقه وده بستحمله
وانا راجع بقا باخد الطريق في ساعتين!!!

وابتديت اتعب والحر جاي ومعتقدش اني هستحمل اكتر وياسلام رمضان جانا وهوب انا هضيع
هههههههههههههههههههههه
طبعا اعتقد ابتديتو تفهمو
انا بدور على شوارع بديله لصلاح سالم (ومحدش يقولي كوبري اللعنه كوبري اكتوبر)

ياترى ايه كل البدائل المطروحه

هل في حاجه من شارع النصر مثلا؟؟
هل في حاجه من وسط البلد (انا عارف ان في شوارع وتوصل لكن انا بتكلم عن بدايل فعاله تخفف عني عبئ الطريق)؟؟؟

ساعدوني الله يرضى عنكم ويوفقكم


وللعلم عملت موضوع في منتدى الطرق بس محدش رد عليا
تحياتي للجميع

---

احنا كده طلعنا جيران احنا لازم نتلم فى المنطقه ونعمل ائتلاف نايل موتورز النزهه الجديده

اقتباس:

---

المشاركة الأصلية كتبت بواسطة emo_ayman

المسافة قصيرة والبديل لفة شوية.

من صلاح سالم خش امتداد رمسيس واطلع وصلة اكتوبر الجديدة وانزل طريق النصر ومن بعد المنصة شمال على صلاح سالم تانى.

---

و اللفه دي بتبقى سالكه يبقى تمام التمام
انا معنديش مشاكل اني امشي مسافه اكبر بس تكون سالكه
بكره الوقفه وبكره الاول والتاني

ههههههههههههههه


تحياتي لكل اللي ردو وهجرب غالبا اول بديل النهارده ان شاء الله


تحياتي

جاري العزيز أقولهالك وعلى بلاطة كده مفيش فايده كله تقريبا نفس الوقت بالظبط حلك الوحيد الي ممكن يكون معقول الدائري هياخد منك ساعة إلا لكن من عند طريق الإسماعليه لحد النزهة جوه من 10 دقائق لساعتين إنت وحظك
ونصيحة لو هتاخد الطريق ده إنزل السلام مش الإسماعليه ولف وأرجع تاني من تحت أسرع مليون مرة

اقتباس:

---

المشاركة الأصلية كتبت بواسطة yoko

جاري العزيز أقولهالك وعلى بلاطة كده مفيش فايده كله تقريبا نفس الوقت بالظبط حلك الوحيد الي ممكن يكون معقول الدائري هياخد منك ساعة إلا لكن من عند طريق الإسماعليه لحد النزهة جوه من 10 دقائق لساعتين إنت وحظك
ونصيحة لو هتاخد الطريق ده إنزل السلام مش الإسماعليه ولف وأرجع تاني من تحت أسرع مليون مرة

---

و الله ياعزيزيانا ماشي من القصر العيني 2 ونص بالدقيقه ولسا حالا حالا حالا داخل البيت

مش قاااااااااااااااااااااااا ااااااااااااااااااااادر

هههههههههههههههههههههه
انا عموما لقيت الحل






















ابيع الماروتي واجيب طيارة بسواقها ونبقى نروح كلنا سوا ومتقلقوش مش هاخد منكم اجره
ههههههههههههههههههههههههه ههههههههههههههه


الحمد لله على كل حال

والله انا طالع من الشغل 6.30 وصلت حوالى 8 برده بس جيت من الدايرى ماوقفتش غير فى نفق السلام وبقيه الطريق لوز الجوز

الا صحيح حضرتك ساكن فين فى النزهه

اقتباس:

---

المشاركة الأصلية كتبت بواسطة heshamzaky

هههههههههه يا راجل لية بس ههههههههههههههههه . أنا بعمل كدة لما بنزل البلد بركن فى سراى القبة و بركب المترو ربع ساعة ابقى فى التحرير و الحمد لله سراى القبة زحمة دة ممكن تدور على مكان تركن خصوصا فى الشارع الى أمام المحطة الى يوديك على شارع سليم زحمة جدا و كلة عربيات

---

انت مش بتقرا مواضيع سرقة العربيات اللى مليا المنتدى يا h

إحنا لازم نعمل مقابله لبتوع النزهة الجيدة على قهوة النخيل أو كشك أنتكة

اقتباس:

---

المشاركة الأصلية كتبت بواسطة yoko

إحنا لازم نعمل مقابله لبتوع النزهة الجيدة على قهوة النخيل أو كشك أنتكة

---

على فكره كشك انتكه ده كان الكشك الوحيد اللى فاتح ساعه الاسبوع الاولانى من الثوره ساعة اللجان الشعبيه والوحيد برده اللى كان عنده كروت موبيل اذا هو من قلاع الوطنيه الشامخه فى النزهه الجديده

اقتباس:

---

المشاركة الأصلية كتبت بواسطة korkor

الا صحيح حضرتك ساكن فين فى النزهه

---

شارع المدينة المنورة

اقتباس:

---

المشاركة الأصلية كتبت بواسطة korkor

على فكره كشك انتكه ده كان الكشك الوحيد اللى فاتح ساعه الاسبوع الاولانى من الثوره ساعة اللجان الشعبيه والوحيد برده اللى كان عنده كروت موبيل اذا هو من قلاع الوطنيه الشامخه فى النزهه الجديده

---

هههههههههههههههههههه
انا جديد في النزهة بس مش عارف فين كشك انتكه ده؟؟؟ بس شكله حاجه جامده
ههههههه


تحياتي

علي فكرة الطريق دة ملوش حل
اناا قعدت خمس سنين بعاني في الكلية من الطريق

وعلي فكرة الكشك اللي قدام اللؤلؤة برده كان فاتح طول فترة اللجان الشعبية مش كشك انتكة بس

اقتباس:

---

المشاركة الأصلية كتبت بواسطة heshamzaky

تركن العربية فى محطة سراى القبة و تركب مترو الانفاق و تريح نفسك من نزول وسط البلد و قرف الركن و الزحمة

---

+1
المترو هو الحل

اقتباس:

---

المشاركة الأصلية كتبت بواسطة ralliart

+1
المترو هو الحل

---

ززززززززوم شوف حوار المترو والله احسن واقولك ع حاجه اذا فى اي حد عند مترو ممكن تركنها قدامه او تشوف اي حتى هناك فيها سايس او بواب وكدة ويعنى تديله اللى فيه نصيب وياخد باله منها او تشوف بردو مكان هناك قريب من محطه بس يكون حيوي وتركن هناك وربنا ييسرها عليك ((:

اقتباس:

---

المشاركة الأصلية كتبت بواسطة hm414

شارع المدينة المنورة



هههههههههههههههههههه
انا جديد في النزهة بس مش عارف فين كشك انتكه ده؟؟؟ بس شكله حاجه جامده
ههههههه


تحياتي

---

حضرتك عارف الشارع اللى فى كنتاكى والشبراوى امشى فى شويه لقدام هتلاقى الكشك منور كده

اقتباس:

---

المشاركة الأصلية كتبت بواسطة walidmhafeez

علي فكرة الطريق دة ملوش حل
اناا قعدت خمس سنين بعاني في الكلية من الطريق

وعلي فكرة الكشك اللي قدام اللؤلؤة برده كان فاتح طول فترة اللجان الشعبية مش كشك انتكة بس

---

فين اللؤلؤه دى بعد اذنك

أيوه فعلا الكشكين كانوا فاتحيين بس أنتكه مشهور أكتر وكان عنده كروت

مش هعمل مصروف للعربيه مخصوص لركنتها عند المترو
مش ناقصه
هههههههههههههههههههه
وبعدين انا بعد اللي حصل فيا امبارح انا اتعلمت الادب ومش هجرب ولا اي حاجه
خلاااااااااااص توبه
هههههههههههههههههههههه

حيث كده ياشباب لازم نعملنا مقابله في اول طه حسين المكان واسع وفاضي
منورين نايل موتورز والنزهة كلها

ولا ايه؟؟

اقتباس:

---

حيث كده ياشباب لازم نعملنا مقابله في اول طه حسين المكان واسع وفاضي
منورين نايل موتورز والنزهة كلها

---

وليه مش عند كنتاكي واهو برده نبقى بنشجع الثورة
ولا إيه؟
بدام كل واحد بيدور على الاقرب لبيته :mmm:

اقتباس:

---

المشاركة الأصلية كتبت بواسطة yoko

وليه مش عند كنتاكي واهو برده نبقى بنشجع الثورة
ولا إيه؟
بدام كل واحد بيدور على الاقرب لبيته :mmm:

---

هههههههههههههه
لا انا كنت اقصد ان المكان واسع وفاضي ناخد راحتنا فيه

وعموما اي حته مفيش مشاكل


:Oc_sun1[1]::Oc_sun1[1]:

عارف والله أنا بهزر

اقتباس:

---

المشاركة الأصلية كتبت بواسطة a.saad

انت مش بتقرا مواضيع سرقة العربيات اللى مليا المنتدى يا h

---

و الله الحمد لله لسة النهاردة برضو كنت راكن فى سراى القبة و بركب المترو . أنا حاسس أن بعض الناس متخيلة أن محطة سراى القبة دى فاضية و صحراء دة أنت حا تدور على مكان علشان تعرف تركن و الشارع الى أمام المحطة حيوى جدا جدا جدا