الموضوع: فرش للشارك من عند جينز كار

مبروك على الفرش

محدش عارف قيمه العربيه ديه غير مالكيها

الف مبروك بجد شغل تحفه مقولتلناش على التكلفه

الف الف الف مبروك على الفرش
و عقبال الكروز ان شاء الله

معلش عاوز اسألك و اسأل الاعضاء كام سؤال كده
هي العربية دي خزان الوقود بتاعها قد ايه؟؟و هل الشارك الباور بتاعها كهرباء ولا هيدروليك عادي؟؟؟؟
و هل العربية دي ثابتة فعلا على السرعات العالية؟؟؟و هل مريحة في القاعدة بتاعتها و الكراسي و كده مريحة ولا ولا؟؟
و هل بتحتاج صيانات كتير ولا حاجة؟؟؟و تكلفتها اخبارها ايه؟؟؟؟؟
معلش يا جماعة اسألتي كتير,,اصلي بفكر اشتريها ان شاء الله من الرواس موديل 2009,,,لاني بش عارف حتى التوكيل الجديد حينزل امتى بالسيارات بتاعته ولا حيبدأ امتى و بش عراف برده لو نزل الشارك حينزلها بكام و كده
و عاوز اطمن منكو ان شاء الله

معلش سؤال كمان

تكييف الشارك عامل ايه ؟؟؟بالنسبة للي قاعد قدام واللي قاعد وراء؟؟؟

بالنسبة للإخوة اللي بيسألوا على التكلفة فكانت ولله الحمد 1000 جنيه بالضبط بعد الخصم واختيار اعلى خامة موجودة في اللونين ..

وبالسنبة لإستفسارات الزميل العزيز ..

معلش عاوز اسألك و اسأل الاعضاء كام سؤال كده
هي العربية دي خزان الوقود بتاعها قد ايه؟؟و هل الشارك الباور بتاعها كهرباء ولا هيدروليك عادي؟؟؟؟
و هل العربية دي ثابتة فعلا على السرعات العالية؟؟؟و هل مريحة في القاعدة بتاعتها و الكراسي و كده مريحة ولا ولا؟؟
و هل بتحتاج صيانات كتير ولا حاجة؟؟؟و تكلفتها اخبارها ايه؟؟؟؟؟
معلش يا جماعة اسألتي كتير,,اصلي بفكر اشتريها ان شاء الله من الرواس موديل 2009,,,لاني بش عارف حتى التوكيل الجديد حينزل امتى بالسيارات بتاعته ولا حيبدأ امتى و بش عراف برده لو نزل الشارك حينزلها بكام و كده
و عاوز اطمن منكو ان شاء الله

خزانها الحقيقة مش متأكد منه هوة كام لتر ولكن من الفراغ امبارح واخد مني بـ 68 جنيه بالضبط وكانت لسة اللمبة منورتض ولكن يكفي اني اقولك انها سافرت فيها الساحل وقضت حياتها هناك ورجعت بيها كمان :d
والتفويلة زي ما حضرتك شايف في الصورة 450 كيلو :d
بالنسبة للصيانات فأنا اللي بعملها الصيانة وبحلف لحضرتك إنه صيانتها كانت الصيانات في التكيل فقط وغير كده الكبوت متفتحش ولا مرة والله غير الأسبوع اللي فات كنت بغير بطارية عشان مرور 3 سنين على القديمة ..
عايز اقول لحضرتك التيل داخل على الـ 40 الف ولسة متغيرش ما شاء الله ولا حول ولا قوة الا بالله :d :d :d
40 الف بتيل الفابريكة :d :d
يعني اعتقد انتا متخيل قطع الغيار وضعها ايه في التعمير :d :d :d
وبالنسبة للتكيف والله عشان برضوا مأكدبش هوة انا كان عندنا بوما 2007 البوما تكيفها يكسب ولكن دي مع الفيميه بتاع الهاي لاين والتكيف على الوسط في عز الصيف برضوا اقدر اقولك ممتاز .. يعني لو على مقياس من 1 - 10 اديلوا مثلا .. 7.5
وبالنسبة للراحلة والله بجد اكثر من مريحة 100 مرة ومش ها اقول لحضرتك غير اني ركبت كل ما قد تتخيل من سيارات حتى سيارات اوروبية وامريكية وغيرها ودي تعتبر قعدتها مريحة بل وممتعة كمان والساوند سيتيتم فيها ممتاز ورائع كمان .. اما بالنسبة لحتة الباور دي بصراحة فمأخدتش بالي منها ولكن زي ما حضرتك قريت انا معجب بيه جدا بغض النظر عن هوة ايه ولكن هوة ممتاز وخلاص :d :d
اي استفسارات اخرة انا تحت امر حضرتك ..