دراسة تؤكد زواج الرجل بإمرأة ثانية يعود بالنفع على زوجته الأولى مطروح للنقاش

**shaddadfalcon1** · 03-04-2011 04:41 PM

احلي حاجه الرجاله الكبيره
انا حما اختي متزوج اتنين في شقتين جنب بعض والعيشه كلها في شقة الجديده وبالليل كل واحده تروح شقتها وخلاص

**shaddadfalcon1** · 03-04-2011 04:43 PM

المشاركة الأصلية كتبت بواسطة eng_ahmed_90

معتقدش ان دي دراسه صحيحه او ممكن اصحاب الدراسه بيهيسوا , الزواج الثاني في الاسلام له شروط مش معني ان معاك قرشين زياده تقول عايز اتجوز تاني .

علي حد علمي الشروط هي المقدره الماديه والجسديه والعدل

لو في حاجه تانيه ياريت تقولها لينا

**zakiali** · 03-04-2011 04:56 PM

لما ربنا الواحد يبتليه بمصيبة ويجيب لنفسه مصيبه تانيه يبقي مجنون

**swimmer25** · 04-04-2011 12:50 PM

دي مقالة بتتكلم في موضوع الزواج الثاني:
صفحة المقالات - أسباب تعدد الزوجات في الإسلام

ودي مجموعة اسئلة واجوبة:
الموسوعة الشاملة - فتاوى واستشارات الإسلام اليوم

انما رايي الشخصي مع الزواج الثاني وإلا لماذا أحله الله الذي لا يرضي لنا إلا الخير بل وأيضا رغب فيه مع شرط وحيد وهو العدل

بالنسبة لاراء معظم النساء...ممكن تقعد تتناقش مع الزوجة وتجيبلها البراهين وكلام شيوخ وعلماء الدين وهتقدر تسلك معاها إن ده حق أي زوج
بس غالبا هيكون ردهم....يبقي مش معايا....وتبدأ نقاش جديد أنه لا يحق لها أن تطلب الطلاق لهذا السبب إلا إذا أدي إلي عدم العدل بين الزوجات....هنا بقي مش هتقتنع وده شعور غيرة وحب عادي من الزوجة..لأنها مش عايزة تقتنع
نيجي بقي من ناحية الزوج...تفتكر الراجل هيقدر...مسئولية الزواج من واحدة كبيرة جدا (ده للي بيشيل المسئولية) لان فيه ازواج بيكبروا دماغهم من أي مسئولية وأهو بيجيب الفلوس وخلاص..وده غلط

ليه غلط...لأن الزواج حكمته في التكاثر والاستقرار وتربية النشئ تربية دينية صحيحة وده مش بالفلوس بس
والتكاثر والاستقرار الاتنين طبعا بيغطوا كل ما يحتويه الزواج من فوائد

طيب نكمل..طيب إذا الزوج قرر خلاص وهيتجوز...إدخل بقي في موال (ده من غير الصراع مع الزوجة الأولي...ده بس مسئولية الزوج)...يقنع أهله بالفكرة...يبحث عن الزوجة..وبروح يكلم أهلها...ويتفق علي متطلبات الزواج...ويدور علي شقة...ويشطبها ...ويفرشها...ويجهزها..والفرح.. .وبعد الانتهاء من كل ده...ابدأ بقي العدل وأوعي تفرق بينهم في معاملة أو فلوس وإلا وقعت في المحظور...يعني دائما ما تكون يقظ

غير كل ده لو الزوج عنده أولاد وبيحبهم وبيتقي الله فيهم هيفكر مليارات المرات قبل ما ياخد قرار زي ده لأنه هيخاف عليهم...طبعا معظمنا معندوش ثقافة التوكل علي الله في كل حاجة زي ما سيدنا إبراهيم عليه السلام ترك زوجته وإبنه في الصحراء..
ده غير إن أصلا المجتمع غير المجتمع والدنيا إتغيرت

فكر كده مع نفسك قبل ما تسال زوجتك...تفتكر عايز تتجوز تاني...تفتكر تقدر تعدل
إذا كان أه عايز وتقدر تعدل........توكل علي الله والله الموفق

رسالتي بقي للي مش متجوز....إذا كان عندك أقل مقومات الزواج...توكل علي الله بنية حسنة بنية إرضاء الله ورسوله و العفة والتكاثر وإنشاء أسرة إسلامية وتعفيف بنت من بنات المسلمين وإسعادها وإرضاءها وإسعاد أهلك وتشجيع باقي أصحابك علي الزواج لما رأوه فيك من سعادة بعد زواجك

عارف بكل النيات دي وإذا لاقيت تاني كمان...هتلاقي الدنيا بسيطة وسلسة جدا وربنا هيفتح لك الابواب أمامك لأن التوفيق من عند الله وأنت بقي تريد أن تفعل ما أمر الله به

**swimmer25** · 04-04-2011 01:04 PM

المشاركة الأصلية كتبت بواسطة zakiali

لما ربنا الواحد يبتليه بمصيبة ويجيب لنفسه مصيبه تانيه يبقي مجنون

المشاركة الأصلية كتبت بواسطة human12

مش كده برضه!

ده مش مصيبة...بالعكس ده رزق.....أنا عارف إني هتضرب دلوقتي..

زيادة الخير خيرين وثلاثة وأربعة...ولا إيه...؟

أنا عارف إن معاملة الزوجات فعلا من أصعب ما يكون بس أكيد إن حكمة ربنا ليست ضد الخير لعباده

**human** · 04-04-2011 01:29 PM

المشاركة الأصلية كتبت بواسطة swimmer25

ده مش مصيبة...بالعكس ده رزق.....أنا عارف إني هتضرب دلوقتي..

زيادة الخير خيرين وثلاثة وأربعة...ولا إيه...؟

أنا عارف إن معاملة الزوجات فعلا من أصعب ما يكون بس أكيد إن حكمة ربنا ليست ضد الخير لعباده

طيب ممكن تخلى المدام تقرا التعليقات و اللى حضرتك كاتبه

و اشوف وشك بخير

**cyborg_ift** · 04-04-2011 01:30 PM

المشاركة الأصلية كتبت بواسطة human12

اللى يتجوز اتنين يا قادر يا فاجر

ههههههههه يا بينتحر

**nevozaky** · 04-04-2011 01:36 PM

اسمحوا لى اقول رايى فى الموضوع بما انى انثى .وطرف اخر غير الرجال الزملاء اللى اتكلموا قبل كده .صعب اوى تلاقى زوجة ترضى بفكرة الزواج التانى .الا اذا كان فى اسباب او موانع .لكن فكرة الزواج للزواج فقط ما افتكرش ان طبيعة الانثى تستحمل حاجة زى دى .وفكرة الزواج التانى للى فاهم القراءن كويس تكاد تكون مقننة .اسمحوا لى اطول عليكم شوية ونتكلم فى نقطة نقطة .الاول تساْل نفسك انت عايز تتجوز تانى ليه هتقول علشان الملل .انت وزوجتك حسب شخصية كل واحد ممكن تخلى حياتك مش مملله دى متوقفة عليكم انتوا الاتنين .طيب انت بتقول انك مليت ومين قالك انها ما عندهاش نفس الاحساس بالملل .يبقى لازم نساعد بعض علشان نعدى فترة الملل ونجدد حياتنا بالطريقة اللى تتناسب مع كل واحد .السبب التانى انك تعبان من مراتك مثلا ومش مرتاح معاها يبقى من الاولى انك تتركها نهائيا افضل لكم انتم الاتنين .وبلاش نتحجج بالاولاد .الاولاد جزء من الجواز بس مش الجواز كله .وربنا جعل الرجل وزوجته وما بينهما من محبة ومودة ورحمة وسكن اساس اقامة العلاقة بين الرجل وزوجته .يبقى لازم نتعب نفسنا شوية وندور على السعادة والسكن مع الزوجات .والله يا جماعة ده رايى احنا بشر مش ملايكة وطبيعة المراْة خلقة ربنا كده انها بتغير .ازاى هتعيش سعيدة وهيه غيرانة .الافضل اننا من الاول كنا نختار صح ويكون الزواج قائم على الاختيار الصح .مش بعد ما نتجوز نقول اليه اللى عملناه فى نفسنا ده .ده رايى .والله الموفق لنا جميعا