الموضوع: الفرصة الضائعة في راي:لماذا لا نستورد السيارات التي تعمل بالديزل؟

شكرا ليك يا أخ سبعاوي النقطة دي ماكنتش عامل حسابها,
لكن انا سمعت اكتر من مرة ان الحكومة هتشيل الدعم على البنزين لانهم بيعتبوره موجه للفئات غير المستحقة (اللي هم احنا....تخيل) و بالتاي دعم السولار برضه هيقل نسبيا زي ما حصل من حوالي سنتين و اسعار البنزين و السولار زادت,و بالتاي هتكون العربيات الديزل اوفر لو فتحوا استيرادها كسيارات خاصة.و السعر اللي حضرتك ذكرته نسبيا هيبقى موفر جدا.

الأستاذ سبعاوى محق و هو ده السبب فعلا فى منع استيراد الديزل أو الحد منه.
لازم نوضح انو محركات الديزل فيها مشكلة أساسية, و هى سرعتها البطيئة, لأن محرك الديزل أتقل من محرك البنزين, و به تفاصيل أكبر, و عشان كده هتلاقى أى عربية نقل ديزل أقصى سرعة للمحرك 3000 أربى أم أو 4000 أربى أم, فى المحركات الصغيرة بعض الشىء ممكن يوصل ل5000 أر بى ام, و هو بيدى عزم أكبر من البنزين, لكن على صعيد التسارع و السرعة القصوى أقل من محرك البنزين بمراحل, و عبر اعتماد تقنية التربو ديزل و الحقن المباشر, أى اضافة شاحن تربو لمحرك الديزل و الحقن المباشر الى الاسطوانة, استطاعوا رفع القوة الحصانية لمحرك الديزل بشكل كبير, و لكن مازال محرك البنزين هو الخيار الأمثل للسيارات الرياضية, و نادرا ما تزود سيارة رياضية بمحرك ديزل. و عموما هو محرك موفر و عمره طويل (عمر محرك الديزل 4 مرات عمر محرك البنزين), لكن غير عملى و أداءه أقل من محرك البنزين.

المشاركة الأصلية كتبت بواسطة CAMARO

المحركات الديزل أصلاَ حقن مباشر لأن محرك الديزل يعمل عن طريق ضغط الهواء لرفع درجة حرارته لدرجة معينة ثم حقن أو رش الوقود عبر الرشاشات ليحترق بفعل درجة حرارة الهواء المضغوط و المحركات الديزل فيها محركات ثنائية الشوط و هي محركات بطيئة و محركات رباعية الشوط و هي محركات سريعة .

لا محركات الديزل حاليا أصبحت كلها حقن مباشر لكن منذ وقت قريب كان فيه محركات ديزل حقن غير مباشر و كانت أكثر انتشارا, الحقن المباشر اختراع حديث نسبيا فى محركات الديزل, و كان أول تطبيق له على مستوى سيارات الركوب الفيات كروما سنة 1986.
الحقن غير المباشر يعنى وجود غرفة لتجميع الخليط قبل دخوله المحرك, تماما مثل محركات البنزين ذات الحقن, و هناك حقن مباشر فى محركات البنزين و لكنه فشل تماما و موجود على نطاق ضيق فى بعض سيارات أودى و هوندا. و ميزته الوحيدة فى محركات البنزين توفير الوقود و لكنه يقضى على المحرك تماما, أما فى الديزل فميزته توفير الوقود و زيادة العزم و لا يؤثر على عمر المحرك بشكل كبير.

بما انك من طنطا "بلادياتي يعني" يا بشمهندس محمد (كامارو)ارجو منك نصيحة عن افضل مكان لعمل عمرة لعربيتي اللادا .
انا اسف لان ده خارج الموضوع اولا
ثانيا انا كمان من عشاق الكاماروخاصة الكونسيبت اللي في ملف حضرتك والاكثر طبعا هو عشقي للتحفة GEN2ان شاء الله ربنا يرزقني بيهاوطبعا شكرا جزيلا لكل المشاركات المفيدة:)