كل يوم بتظهر على حقيقتك يا برادعي

الحمدلله كل يوم في تقدم يابرادعي مع حفظ الألقاب

براءه من إحتلال العراق
براءه من زواج بنتك من ليبرالي كافر
براءه من الجنسيه الأمريكيه
براءة زوجتك من الجنسيه الإيرانيه

باقي تُهمة إرتداء إبنتك مايوه في حمام سباحه داخل بيتك اللي مهما حاولت أسوار منزلك أن تواري مثل هذه الجريمه فلدينا من المُتلصصين يستطيعون كشف مثل هذه الجرائم


http://i56.tinypic.com/2j5jkvn.jpg
دكتور محمد البرادعي وزوجته عايده الكاشف وإبنه مصطفى
وحمام سباحه وكراسي وشجر ونجيل ومعرفش بقى إذا كان في نباتات مُحرمه ولا لاء دي محتاجه متخصصين مقدرش أفتي
ياترى مين بقى اللي كان بيصورهم الصوره دي.



[youtube]http://www.youtube.com/watch?v=TKpNcAq9BKg[/youtube]

والله ليس تأيدا للرجل كمرشح رئاسي..ولكن احتراما له. البرادعي ظلم كثيرا بالكذب وربنا نجاه..من حق اي مواطن ان يرى ان البرادعي لا يصلح رئيسا لمصر، ومن حق البرادعي الا نكذب عليه..حبا في الله لا تكذبوا على الرجل

حاطط رجل على رجل و عايزنا نرشحه


تبقى فضيحه دي :36_1_50[1]:

هههههههههههههههههه
نباتات محرمه
والله راجل محترم وحاسس انه هياخدها

فيه ناس متخصصة فى تشويه صورة البرادعى و طبعا كلنا عارفين هما مين بس ان شاء الله ربنا هايخيب كل مخططتهم

اقتباس:

---

المشاركة الأصلية كتبت بواسطة cheetos_892005

حاطط رجل على رجل و عايزنا نرشحه


تبقى فضيحه دي :36_1_50[1]:

---

خلي بالك كمان انه لابس الحذاء بدون جوارب
خلي بالك

سقطت من نظري يابرادعي:grin54:

اه صحيح ملحوظه حلوه ......

شكل غسيله اتسرق .....

واحد مش عارف يحمي غسيله هيحمينا ازاااااااااي

اقتباس:

---

المشاركة الأصلية كتبت بواسطة dr.amr

خلي بالك كمان انه لابس الحذاء بدون جوارب
خلي بالك

سقطت من نظري يابرادعي:grin54:

---

+1
من غير شراب:untitled 1::untitled 1:

انا هرشح احمد شفيق بيلبس بلوفر حلو

تحياتى لصاحب الموضوع علشان قال اللى نفسة أقوله
ياريت ياجماعه ياريت والله نشوف الراجل ده كان بيقول ايه زمان لما أعلن ترشحه للرئاسه وكان فى حاجات مصمم عليها
اللى هيحاول يفكر بما يرضى الله هيعرف إن الراجل ده فعلاً سياسى محنك
مش موظف دولى وميعرفش حاجه فى السياسه.....أتقوا الله ياللى عارفين نفسكم

مهما حاولت مفيش فايدة
الناس دخلت المعلومات في دماغها وقفلت عليها ومهما تفهمهم يرجع تاني يوم يقولك بنته متجوزة مش عارف مين ولو زنقته في الكلام يقولك اصل ودانه شكلها وحش!!
انا متأكد انه مش هيكسب في الانتخابات بسبب الكلام اللي اتقال عليه مع ذلك صوتي هيروحله

برغم عدم اتفاقي معاه ايديولوجيا و بالتالي فانا لا أفضله كرئيس , الا اني اشهد انه اتظلم كتير و اتشوه اكتر

و لا البهوات اللي بيقولوا اصله شبه عم شكشك

ماحنا قعدنا 30 سنة مع لافاش كيري و ادي اللي وصلنا له ماهي مش بالشكل !!!!!

منتظر أسمع اتهام بإنه ماسونى..علشان يبقى وصل لأعلى مراتب قائمة الاتهامات زى إللى حصل لوائل غنيم كده...و يتعمل له فيديو برضه :)

اقتباس:

---

المشاركة الأصلية كتبت بواسطة أحمد كمال

و لا البهوات اللي بيقولوا اصله شبه عم شكشك

ماحنا قعدنا 30 سنة مع لافاش كيري و ادي اللي وصلنا له ماهي مش بالشكل !!!!!

---

هههههههههههههه

لن يحكمني شخص لا يلبس شراب...
والواد ابنه ماله كده مش مالي مركزه ..يمسيك بالخير يا جيمي كان عليك نفخة صدر وعنتظه مشفنهاش علي حد

اقتباس:

---

المشاركة الأصلية كتبت بواسطة casperinoo

لن يحكمني شخص لا يلبس شراب...
والواد ابنه ماله كده مش مالي مركزه ..يمسيك بالخير يا جيمي كان عليك نفخة صدر وعنتظه مشفنهاش علي حد

---

وصباع جيمي كان ليه زي

الموضوع هيقلب حفله :)
الله يمسيه بالخير كوره مصريه

سايب مراته واقفه وقاعد حاطط رجل على رجل وعامل سى السيد كده خسر اصوات الستات دا غير اللى عارفين نفسيهم

دي مشاركة منقولة من موقع حملة دعم ترشيح البرادعي تعليقا على حواره الأخير

.... لسه قدامنا كتير




الدكتور كان فين

بواسطة:خالد الشرقاوى

بتاريخ:السبت 02 أبريل 2011

ايام غزو امريكا على العراق والاطاحه باهلها مش ده السبب الرئيسى لحتلال العراق لما قال فى نووى اصحو يشباب مصر والله مصر بتضيع وده الى جاى من عند الامريكان هيكمل عليها خرابا يشباب فى ناس كتير اوى تستحق هذا المنصب اللهم ولى خيارنا

ثانيا هو لابس نضارة
افرض النضارة اتكسرت هيشوف مشاكلنا ازاي ويحلها
هنقعد نستنى بقى لما يعمل نضارة جديدة تكون البلد خربت.

فعلا البرادعي كل يوم بيثبت انه يستحق يبقى رئيس مصر وكل يوم بيعلى في نظرنا لأن موقفه وااااااااااااحد وثااااااااااابت ولم يتغير من زمااااااان من قبل لقاءه مع عمرو اديب. وفعلا كل حاجة كان بيقولها كانت بتطلع صح
ربنا ينصره ان شاء الله
بس اللي انا خايف منه ان فعلا فيه ناس كتيييييييييييييير جدا ماتعرفشي البرادعي كويس غير اللي قرا عنه وديه مصيبة
بس ان شاء الله حملته تعرف الناس بيه اكتر

وده فيديو للشيخ حازم شومان يعتذر للبرادعي

[youtube]http://www.youtube.com/watch?v=uOTPO-Lz-LM&feature=player_embedded[/youtube]

للأسف الناس معملوها غسيل مخ رهيب وبالذات الناس اللى مستواهم التعليمي قليل .... الواحد بيعض يتاتي فيهم ومفيش فايدة التلفزيون المصري عاملهم غسيل رهيب

الناس الفاسدة الغير نظيفة خايفة منه لأنهم عارفين إنه لن يتهاون مع فسادهم .. عكس ناس تانية مستعدة تتغاضى عن الفساد إلى حد ما

و اللي على راسه برادعي بيحسس عليه

بعد اذن صاحب الموضوع عملت اقتباس للموضوع فى احد المواقع
موضوع جامد يا باشا

لكل الاسباب المذكورة الجزيرة والبي بي سي يدعمون البرادعي وحريصين على تحسين صورته بمناسبة ومن غير مناسبة !!!!!!!!!!!!!!

بطيء كالسلحفاة و لكن فعال لاقصى درجة

اقتباس:

---

المشاركة الأصلية كتبت بواسطة human12

بطيء كالسلحفاة و لكن فعال لاقصى درجة

---

يعني ايه ده ؟؟

الراجل من الناس المحترمه جدآآآآآآآآآآآ وفعلآ راجل دا قال للغوله عينك حمرا في وشها مخفش من بطش النظام وبعدين محدش سال نفسه ايه مصلحته ان امريكا تدخل العراق راجل مالوش مصلحه غير شغله وبس وبعدين الراجل دا لو فعلآ اصبح رئيس مصر هيتعامل معانا بالمنهج الاوروبي الي احنا مبهورين بيه من حقنا ان نكون دوله متحضرة

اقتباس:

---

المشاركة الأصلية كتبت بواسطة abomar77

وده فيديو للشيخ حازم شومان يعتذر للبرادعي

[youtube]http://www.youtube.com/watch?v=uotpo-lz-lm&feature=player_embedded[/youtube]

للأسف الناس معملوها غسيل مخ رهيب وبالذات الناس اللى مستواهم التعليمي قليل .... الواحد بيعض يتاتي فيهم ومفيش فايدة التلفزيون المصري عاملهم غسيل رهيب

---

ما هو اعتذر بس بعد ما الناس كلها نشرت الفيديو الاولاني وللأسف محدش منهم هينشر فيديو الاعتذار لانهم معندهمش نفس الشجاعة بتاعت الدكتور حازم للاعتراف بالغلط

اقتباس:

---

المشاركة الأصلية كتبت بواسطة cheetos_892005

يعني ايه ده ؟؟

---

خطواته بطيئه لكن فعال لاقصى درجه

اقتباس:

---

المشاركة الأصلية كتبت بواسطة human12

خطواته بطيئه لكن فعال لاقصى درجه

---

اكتر حاجه عجباني فيه انه مبيتصلبتش و يقعد يشتكي و يعمل فيها شهيد

كلمه البرداعى عن البعض = مايوه+علمانى+متطرف+براشوت+ا سقط العراق وايران والدوله الفاطميه والدوله الفلفليه..
اذن..فلنأخذ من كل قبيله برادعى ...