وتم ترخيص العربيه وفحصها!!!
النهارده بحمدالله
روحت رخصت العربيه وفحصتها في مرور البساتين
بس لسه شغل الرشاوي شغال من بعض العاملين بالمرور
زي مثلا مهندس الفحص اللي جنني علشان يفحص العربيه وانا كنت واخد البصمه وارقام الشاسيه والموتور
قعد يتلكك علشان اطلعله المعلوم
قالي فين المثلث و شنطه الاسعافات مع انه مركزش مع حد عليهم
روحت اشتريتهم ورجعتله
قالي الطفايه قولتله ختمتها من كشك بفاريا
قالي وريني العربيه قولتله انت ساند عليها
بص قالي ماشي
قلتله متنساش تثبت الخرابيش اللي في الجنب في الرخصه
بصلي بصه استحقار وسكت بس فرحت اني حرقتله دمه
دخلت اقدم الملف الست تقولي هاتلي بيبسي قولتلها شطبت فلوس
حبه تتلكك علي الملف كنت مقدملها ملفين كاملين اضطرت اسفه انها تمشيني
وبعدين استلمت الرخصه فيها خطا في شركه التامين ورقم الوثيقه
خليتهم يعيدو الرخصه تاني
وخدت الرخصه مميكنه