الموضوع: اريد حلا انا غيرت ترس البندكس 3 مرات

انا بشكر كل واحد دخل ورد واهتم بمشكلتي
انا عندي استفسار داوقتي لو المارش فية مشكلة اصلحة (علما اني صلحتة في رمضان اللي فات بس مش فاكر الجزء اللي اتصلح كان اية بالظبط بس كان نفس المشكلة الونة وعدم الدوارة) هل اصلح المارش القديم ولا اجيب واحد جديد

بص موضوع تصليح المارش ده مش كويس لسبب انت صلحته في رمضان الي فات واكيد صرف بتاع 50 جنيه ومش كمل السنه معاك طيب انت دلؤقتي لو حسبتها كل كام شهر تصلح المرش ب 50 جنيه وغير عطلت الوقت والحجات الي بتبوظ نتيجة المارش البايظ زي الترس الي بيبوظ عندك يا ريت لو المارش بايظ اسلم حل تغير ولو بواحد صيني انا زي ما قولت لحضرتك الصيني لاول مره بعترف بيه في قطع غيار معمره للعربيه دي بس تجيب الدرجه الاولي مش تشتري الدرجه التانيه او التالته ومش تتغر في السعر بردو يعني ممكن يكون القطه سعرها غالي بس مش خامه كويسه يعني عند المرايا الصيني سعرها كام المرايا 110 نفس سعر الاستراد لو بصيت للاستراد تلاقي المرايا اتقل وثبات عن المرايا العاديه وبعدين لما بتتخبط بتلف في الاتجاهين ومش بيحصل ليها حاجه انما التانيه لو لو مسكتها بايدك وضعط عليها بتتكسر
انا حسبتها يوم لما قولت اشتري المارش بتاع العربيه قولت الاستراد تمنه قد الصيني مرتين يعني لو الاستراد هيجي يعيش سنه ولي اتيين الصيني هيعيش سنه وبسعر اقل يعني انا الي كسبان ولحد النهارده انا بحافظ علي العربيه جدااا
يعني لما بدور العربيه بدوس قبلها تكتين بنزين وبشغل كان العربيه كانت لسه شغاله من 5 دقائق مش اشتغلت بستني لحد لما التروس تاخد وضعها واشغل مع دوسة بنزين خفيفه العربيه تشتغل علي طول ده بيحصل لو العربيه فضلت اسبوع في المدخل بدون ما حد يدورها انما لو كانت قبل بيوم بره بدور عادي جدااا
ويا ريت تحافظ علي البطريه كمان لانها هي الي بتقوم المرش وطبعا لو البطريه ضعيفه هتاخد وقت كبير(من وجهة نظري)
وبعدين انت بشكرنا علي ايه احنا هنا عشان نساعد بعض وانا او يحد فينا عنده مشكله بيقولها وكل واحد بيحاول يساعد علي قدر استطاعته

اخي الكريم XMANX51 انا لازم اشكرك واشكر كل واحد اهتم وحاول يديني حل او نصيحة
وفعلا انا كنت ناوي اشتري مارش جديد وانا كنت جربت قطع غيار صيني ماركة فيكا وانا شيف انها ممتازة و انا مش عايز اوفر بس عايز افهم قبل مدفع عشان مجبش جديد وابوظة عشان كدة قولت افهم من اخونا هنافي المنتدى عشان اتصرف صح فانا ان شاء الله حجيب مارش جديد وحشيك على ترس الفيلام واحتمال اجيب واحد جديد عشان اامن نفسي ويكون كل جديد في جديد وربنا يسهل والموضوع يتحل وربنا يكرمك ويجزيك كل خير انت وكل من حاول المساعدة
معلش عندي استفسار هو تاخير الدوارة ممكن يكون راجع لنوع البنزين المستخدم 80 او 90 لان الميكانيكية محيرني؟ وانت بتستخدم بنزين اية؟
انا فتحت العمة وبصيت على الكربراتير لقتية مش اسود ولا حاجة ولونة معدني فهل يكون المارش هو سبب تاخير الدوارة؟

انا بستخدم بنزين 80 من يوم لما اشتريت العربيه لحد النهارده والعربيه تمام بس معتقدش ان البنرين بيفرق في التدوير الصبح لان معظم العربيات بتستخدم 80 وكله تمام
ولو انت شاري العربيه جديد وكان الي قبلك بيستخدم بنزين 90 اظبط الكربرتير عند واحد علي 80 الاختلاف في ان صوت العربيه بيكون هادي حاجه بسيطه وعملة السحب اعلي شويه
ويا ريت تشوف ميكانيكي بيفهم تتعامل معاه حضرتك عايش في القاهره وانا في الزقازيق معرفش ميكانيكا كويسه عندكم اكيد في اعضاء من القاهره هيفدوك في موضوع الميكانيكي الي تتعامل معاه

انا الحمد لله روحت للميكانيكي وفتح الفتيس ولقى ترس الفيلام اطرافة مكسورة وكذلك ترس البندكس بتاع المارش فانا مرضتش اصلح المارش وخليتة عندي وجبت ترس فيلام صيني فيكا 65 جنية وجبت مارش صيني فيكا 365 جنية والحمد لله حاليا العربية بتدور بسهولة وصوت المارش ناعم جدا ما شاء الله وبالمرة سكلت الكربراتير وغيرت البوجيهات وركبلي جلدتين بتوع الشكمان وربطلي غطا التكيهات وكنت اشتريت كمان مساعدين الشنطة فيكا 40 جنية ركبهم بالمرة واخد مقابل الشغل دة 150 جنية والحمدلله العربية تمام دلوقتي ويارب ميطلعش المشكلة دية تاني وشكرا لكل من حاول المساعدة