أجمل وأظرف الأمثال الشعبية ... شارك معنا

**aif** · 14-04-2008 01:38 PM

احنا عندنا في مصر امثال شعبية وحكم غريبة جدا وظريفة جدا ... واعتقد ان كل منا عنده بعض هذه الامثال ... إية رايكم كل واحد يقول اللي عنده .. مع الشرح اذا لزم الامر
انا ح ابدأ بنفسي ... المثل ده زي العسل :
الخنفسه شافت ولادها علي الحيط .... قالت ده لولي وملضم في خيط

تخيلو بقي الخنافس بقت لولي ... وملضوم في خيط كمان ...

**m_aash** · 14-04-2008 02:18 PM

يا سايقين يكفيكوا شر الطيارين
قصدى بتوع الديليفرى

**DODY** · 14-04-2008 02:20 PM

المشاركة الأصلية كتبت بواسطة aif

احنا عندنا في مصر امثال شعبية وحكم غريبة جدا وظريفة جدا ... واعتقد ان كل منا عنده بعض هذه الامثال ... إية رايكم كل واحد يقول اللي عنده .. مع الشرح اذا لزم الامر
انا ح ابدأ بنفسي ... المثل ده زي العسل :
الخنفسه شافت ولادها علي الحيط .... قالت ده لولي وملضم في خيط

تخيلو بقي الخنافس بقت لولي ... وملضوم في خيط كمان ...

المثل ده هو الثرجمة الافرنجى للقرد فى عين أمه غزاااااااااااااااااااااال

**DODY** · 14-04-2008 02:26 PM

ان كان حبيبك عسل (ابيض) ماتلحسوش كله

**mohamed_88sk** · 14-04-2008 02:29 PM

الحظ لما يأتي يخلي الأعمى سعاتي....

على ماقد ماهو مثل ظريف وفيه سخرية جامده ..
بس للأسف السخرية دي على توزيع الأرزاق وللأسف تأخد علينا (المصرين) حكاية الأمثال اللي تصطدم بالعقيدة..

**DODY** · 14-04-2008 02:33 PM

الشاطرة تغزل برجل حمار من عند اى جزار

**mohamed_88sk** · 14-04-2008 02:40 PM

الشاطرة تغزل برجل حمار من عند أي جزار
ههههههههههههههههههههههههه ههههههههههه

جامده أوي ههههههههههههههههههههههههه هه

وكمان بتاعة إستار أكاديمي ههههههههههههه
تحليل منطقي هههههههههههههههههههههه

**Ghamrawy** · 14-04-2008 02:45 PM

يا واخد السمنة من *** النملة يحرم عليك التقلية

طمعنجى بناله بيت فلاسنجى سكنله فيه (الحكومة و مشروع الضرائب العقارية)

**محمد المشد** · 14-04-2008 02:45 PM

اليكم بعض الامثلة المنتقولة عن الغباء بعيد عن الجميع
أرسلت حسن يجيب حسين راحوا ولا جوني الاثنين
أساله عن أبوه يقول لي هارون أخوه
إن عمل ولا ما عمل متعوس وخايب الأمل
انتهت الزفة وضرب الدفوف وجات الهبلة تقول عايز اشوف
ايش فهم الثور إني دكتور
الحمار القصير زي الجحش كل من جاء يركبه
الخايب خايب يطلع من الدنيا بلا نائب
الطول طول الباب والعقل عقل الذباب
الناس في الناس والهبله تفلي الرأس
اللي ما يأثر الكلام فيه ضرب السيف أولى بيه
اللي ما يعرف للصقر يشويه
اللي ما يعرف الحلبة يقول عليها عدس
تيتي تيتي زي ما رحتي زي ما جيتي
ثور الله في برسيمه
جاء يكحلها عماها
حب يقهر مراته قام حلق شنباته
دبور زن على خراب عشه
راح يدور الفايدة ورجع خسارته زايدة
رزق الهبل على المجانين
زي اللي جاء يعزي وما يعرف مين مات
زي اللي جابو الريحان للحمار علشان يشمه قام أكله بفمه
هرب من المطر ووقف تحت المرزاب
قالوا للبغل مين ابوك قال الفرس خالي
كم تعلم في المتبلم يصبح ناسي
لا يهش ولا ينش
ما يكابر في الامور الا غبي أو مغرور
ما جات تحبل الا من الأهبل
ما يعرف التمرة من الجمرة
ما يعرف كوعه من بوعه
نقول له ثور يقول أحلبه
هبله ومسكوها طبله
يتعلموا الغشامى في رؤس اليتامى
ياما جاب الغراب لآمه

الموضوع: أجمل وأظرف الأمثال الشعبية ... شارك معنا

LinkBack

أدوات الموضوع

عرض

أجمل وأظرف الأمثال الشعبية ... شارك معنا - انشر الموضوع فى :

-

-

-

-

المواضيع المتشابهه

أسعار قطع غيار اللانسر فى التوكيل (شارك معنا)

رابطة ملاك القشقاي اتفضل و شارك معنا

جمعية نايل موتورز ... شارك معنا

شارك معنا في حملة لا للاباحية

ما هى أسعار قطع غيار الياريس فى التوكيل وخارجه شارك معنا

الكلمات الدلالية لهذا الموضوع

المفضلات

المفضلات

ضوابط المشاركة