عرض للطباعة
السلام عليكم
باختصار ياجماعة انا خريجة جديدة لسه متخررجة من صيدلة وعاوزة اقدم فى شركات ادوية وببساطة جدا برضه معنديش وسايط ومش عارفة اقدم ازاى وهل ممكن اتقبل فى شركات كبيرة وللا لا
معرفش حتى لو قدمت وقبلوا السى فى هيعملوا ايه فى الانترفيو انا مش فارقة معايا اكون ميديكال ريب او اشتغل فى المصنع لانى عارفة ان المصانع محتاجة واسطة جامده
بليز حد يساعدنى انا حاسة انى جالى اكتئاب من قبل ماابتدى حياتى العملية:cry:
أهلا أهلا يادكتورة
عاوزة تشتغلي في شركة أدوية ؟؟؟
ممكن تراسلي الشركات على مواقع الالكترونية...وبلاش حكاية الميديكال ريب دي يادكتورة
بلاااااااااااااااش
بهدلة وقلة قيمة والله صدقيني
د/ احمد يارب تكون بخير ومبروك تظبيط العربية
والله انا زهقت من قعدة البيت ومليش فى شغل الصيدليات خالص وبتخنق منه جدا وعاوزة اشتغل وبعدين انا شايفة ان فيه خطوات كويسة دلوقتى للميديكال ريب
ربنا يعمل الخير بس انا فعلا حاسة انى تايهة ومش عارفة اعمل اى حاجة فى اى حاجة وجالى اكتئاب خلاص
بصي
أنا شغال في صيدليتي أهوه..ومع ذلك قرفاااااااااان من كل حاجة..من الناس والروتين والملل..و........و.........و............. .
لو عاوزة تشتغلي .. ممكن تشتغلي في صيدلية مؤقتا لحد ماتلاقي شغل أحسن..واهو تعرفي الدنيا عندنا ماشية إزاي
وجودك في الصيدلية والاختلاط بالادوية والمندوبين والمخازن والشركات..هتعرفك بواطن الأمور في مهنتنا مش هتعرفيها من أي مكان تاني
أو تسجلي صاحب أو مدير لأي صيدلية براتب مجزي جداااااااا
لكن
بلاش الميديكال ريب .. وخصوصا إنك بنت
بس إيه رأيك في العربية؟؟؟
صيدليات مفيش بينى وبينها عمار خااااااااااااااالص انا اتدربت قبل كده واتخنقت جدا
انا ممكن افتح صيدلية فيما بعد ان شاء الله بس هتبقى بتاعتى مش هشتغل فى صيدلية حد وده مشروع مؤجل عامة
انا من اول مادخلت الجامعة وانا عاوزة اشتغل فى شركة وبالنسبة للمديكال ريب محدش بيبتدى كبير لو متعبتش وانا صغيرة هتعب امتى
بصي انا مع راي الدكتور احمد ان المجال ده متعب بالنسبة للرجال فمابالك بالبنات
بس لو مصممه
فيه موقع اسمه EgyMedicalRep وده موقع كويس جدا
هتلاقب فبه ازاي انك تعملي cv وازاي انك تعدي انترفيوه وفرص العمل كل اسبوع ومعلومات عن الشركات وطبيعة العمل
واي سؤال انا تحت امرك
بالنسبة للشغل في الشركات الكبيرة والاجنبية
علشان ابقي منصف 60% واسطه و 40 % مجهود ودي نسبه مش قلبله
انا علي فكره شرقاوي
وممكن تتبعي في نقابة الاطباء علي فرص العمل كل اسبوع بيبقي موجود فرص تقريبا
مساء الخير يادكتورة .. انا رأيى فى الموضوع ده بالذات -بعد إذن العمدة العلاوى- تسألي نفسك انا عايزة ايه؟ ليكي ف شغل التجارة وخلقك واسع تاخدي وتدي مع الناس وتعرفى تظبطى كميات الدوا ع الرفوف (مخزنجية يعنى) اشتغلي ف صيدلية .. لقيتي نفسك ميالة للدعاية قدمي السيرة الذاتية وان شاء الله تقبلي ف شركات كبيرة بدون واسطة .. علي فكرة شركات الدوا بتاخد كفاءة مش صلة قرابة بس مشكلتها الشحططة واللف ع الدكاتره والصيادلة وقله قيمة زي ماقال العلاوى .. لقيتي نفسك مالكيش ف الدعاية او التجارة توكلي علي الله واشتغلي ف مصنع .. معايا ناس اصحابي شغالين كواليتي كونترول ف مصنع ايفا فارما (اخت احمد الصغيرة) ومبسوطين جدا ومرتاحين وافتكر فيه مصنع جديد بيتبنى ومحتاجين ناس تشتغل قدمي ورقك وربنا يوفقك .. اما لو مارتحتيش ف أي حاجه من دول يبقا استلمي التكليف وبكدة هاتخدي مرتب بدون شغل و نرتاح كلنا
جلادياتور جابلك الخلاصة أهوه
وياريت الميديكال ريب تعب وبس......
طيب هتعرفي تلفي ع الدكاترة والصيدليات .. وتتعاملي معاهم على العلم إن مش كلهم بيرحبوا..
أنا أعرف واحد صاحبي شغال ميديكال ريب..إنطرد من عيادات دكاترة مرتين في يوم واحد بسبب إن الدكاترة ماكانوش فاضيين وهو (صاحبي)رغااااااي
والصيادلة هيقرفوكي ع الخصومات بتاعت الصنف
غير طبعا التعامل اللزج من بعض الناس معاكي كــ (بنت)
==========================
وسيم بيه(أطال الله عمرك)
الدكتورة ياعمنا مش بتاعت صيدليات زي حالاتي وحالاتك.
الدكتورة (حسب منا فاهم)عاوزة شغلانة حلوة ومحترمة ورابتب مجزي طبعا ..وهيا بتقول إنها ممكن تتعب
بس للأسف (زي مانا قلت) الميديكال ريب مش متعب بسس..ده متعب ومقرف وقلة قيمة أحيانا وخصوصا لو صيدلي
الميديكال ريب يتساب لخريجين علوم وبيطري(مع الاحترام ليهم طبعا) لكن الصيدلي ياإما صيدلية .. أو شركة .. أو مصنع بسسسسسسسسس
أختي (إيفا فارما) بتسلم عليك وبتبوسك من هنا ومن هنا
انا اعرف ان الكوالتى كنترول محتاجة واسطة ومش اى حد بيشتغل فيها وياريت حضرتك تقولى شركة ايه اللى بتعمل مصنع وفين وازاى اقدم لو حضرتك عندك المعلومات دى وعلى فكرة لسه بدرى اوى على التكليف بتاعى يعنى لو مشتغلتش هتجنن من القعدة قريب وهيبقى ذنبى فى رقبتكو :dاقتباس:
المشاركة الأصلية كتبت بواسطة wassim_nasser
ابعت ازاى مش فاهمةاقتباس:
انا علي فكره شرقاوي
وممكن تتبعي في نقابة الاطباء علي فرص العمل كل اسبوع بيبقي موجود فرص تقريبا
اولا ليا تعليق علي جمله
وهيا الميد ريب يتساب للبيطري وعلوم (وكان هما اللي المفروض عليهم بس التعب (ومش بايدهم)
نرجع للموضوع
انتي لما تفرئي الاعلان بيكون مكتوب فيه الايميل اللي هتبعتي عليه او رقم تليفون لمدير المنطقه
او ممكن يبقي اعلان في الجرنال بيبقي سايب الايميل فيه
طب وموضوع نقابة الاطباء ده؟؟؟؟
ربنا يوفقك يا داكتورة
ماتفهمنيش غلط..اقتباس:
المشاركة الأصلية كتبت بواسطة gladuter
أنا أقصد إن الصيدلي بيتعلم علشان يصنع دواااا ..أو يمارس مهنته الطبيعية
وخريجي العلوم مالهمش مجال عمل في في بعض المجالات ومنها الميديكل ريب
وخريجي الطب البيطري مجالاتهم في الشغل محدودة برضوو في مصر والميديكال ريب منتشر جدا في الاطباء البيطريين
بسسسسسسسسس
النقابة كل خميس بيبقي فيها اعلانات حائط متعلقة علي الاماكن المطلوب فيها
على فكرة بقى ده فيه مطالبة من الصيادلة حاليا ان مهنة الميديكال ريب تقتصر عليهم بس وميزاحمهمش البيطرى وعلوم خاصة لان دى ادوية بشرية وميفهمش فيها اد الصيدلىاقتباس:
المشاركة الأصلية كتبت بواسطة a7med_pharma
انا معرفش فين النقابة دى اساسا عشان اعرف اعلانات الحائط بتاعتهم:36_1_50[1]:اقتباس:
المشاركة الأصلية كتبت بواسطة gladuter
اولا انا بيطري
ثانيا النقابة عند كوبري العبور امام مستشفي العبور
لو انت عارفه محل الغزاوي اللي علي البحر بعديه هتلاقي عمارة البوسته علي نفس الصف
لو سالت هناك الف مين يدلك
وربنا يوفقك
الموضوع سهل خالص .. هاتاخدي الميل ده وتبعتي عليه السى في
hr@evapharma.com
وتكتبى ف أول السى فى
Applying to work as :
-production specialist
Or -quality control specialist or microbiology specialist
طبعا الاوبشن الاخرانى ده لو انتي شاطرة ومذاكره حلو والشغل ف المصنع مش محتاج وسايط .. قدمي وربنا يوفقك
معلش ياجماعة هو سؤال ملوش لازمة
لو الشركة طالبة ناس لكذا حاجة وحطة كود لكل وظيفة مممكن اكتبلهم كودين يعنى مثلا اقبل انى اشتغل فى الكواليتى او ميديكال ريب؟؟؟
متهيألي إنه منطقي وطبيعياقتباس:
المشاركة الأصلية كتبت بواسطة rerii
ممكن تقدمي لأكتر من حاجة حتى لو في نفس الشركة ...إلا لو كانت لوائح الشركة بتمنع كده
شغلانة الميدكال رب مرتبها حلو لكن مستقبلها غامض والشغل فى المصنع مرتبه قليل بس مستقبله واضح شويه وعلى كل المستقبل بيد الله
انا رأيى تبتدى ك ميدكال رب فى شركه مالتى ناشيونال وبعد كده تشفتى على اى مصنع
شوفى كده شركة جلاكسو كنت سمعت خبر ان مرتبات مندوب الدعايه هناك على شهر 7 هيبقى 5700 جنيه مصرى
جلاكسو صعب الشغل فيها وانا معنديش واسطة :36_1_50[1]:اقتباس:
المشاركة الأصلية كتبت بواسطة ahmedfathi
مانا مش عارفة لوائح الشركة دى انا قريت فى الاعلان بس مش مكتوب حاجة عن الموضوع ده هى شركة ايفا فارما عامة وانا لسة مبعتش ال cv لانى اصلا مش عارفة اقرا الاكواد من الاعلان :Oc_sun1[1]:اقتباس:
المشاركة الأصلية كتبت بواسطة A7MED_PHARMA
وعلى فكرة الشغل اللى عملته فى العربية جامدد ربنا يباركلك فيها يادوكتر :16: