سعر ماكينه دايو لانوس 2000

**ahmedaliaeg** · 30-04-2011 08:14 AM

طيب ال 1500 2 كامه بتركب على نفس الكونترول القواعد وحده كمبروسر التكييف فى نفس المكان ولا بتعمل تعديل وزن الماتور واحد
قطع الغيار متوفره واماتور الاستيراد هل بيحتاج شمبر ولا لاء والمواتير الكبراتير ممكن تدور الماتور عند البيياع للتجربه انما الانجكشن ايه حلو للتجربه لازم نسقط المكنه؟ واسف للاطاله

**basm** · 01-05-2011 12:24 AM

المشاركة الأصلية كتبت بواسطة ahmedaliaeg

طيب ال 1500 2 كامه بتركب على نفس الكونترول القواعد وحده كمبروسر التكييف فى نفس المكان ولا بتعمل تعديل وزن الماتور واحد
قطع الغيار متوفره واماتور الاستيراد هل بيحتاج شمبر ولا لاء والمواتير الكبراتير ممكن تدور الماتور عند البيياع للتجربه انما الانجكشن ايه حلو للتجربه لازم نسقط المكنه؟ واسف للاطاله

متابع جدا

**frontera09** · 01-05-2011 12:52 AM

المواتير الاستيراد بتبقى حظوظ من اربع سنين غيرت مكنة اللانوس من تاجر فى مرسى مطروح كنت معدى بالصدفة ولاقيتة بيقطع لانوس شكلها نظيف جدا وعدادها مش عامل غير 20 الف بس وانا ايمها كنت عامل 550الف وكانت المكنة بتاعتى جايبة اخرها اخدت المكنة بالدفيرة والدنمو والمارش والرشاشات وكل حاجتها معادا الفتيس ب 2600جنية

**othmanelshaikh** · 02-05-2011 01:02 AM

ايه يا جماعة... يعني الواحد يجيب عربية قديمة لانوس ويغيرلها موتور بـ 2500 جنيه ويجددها؟؟!!!
اللانوس حتغير فكرتي في العربيات!! هل هي حاجتها رخيص أوي كده
أنا بصراحة كنت ناوي أشتري لوجان جديده ايه رأيكم؟
ولا للانوس ولا فيرنا؟؟ بليز يا جماعة النصيحة

**محمد الشامي** · 02-05-2011 09:32 AM

المشاركة الأصلية كتبت بواسطة othmanelshaikh

ايه يا جماعة... يعني الواحد يجيب عربية قديمة لانوس ويغيرلها موتور بـ 2500 جنيه ويجددها؟؟!!!
اللانوس حتغير فكرتي في العربيات!! هل هي حاجتها رخيص أوي كده

بالظبط كده , وفعلا في قطع كتير في اللانوس سعرها رخيص جدا , وعشان كده هي تعتبر من انجح العربيات الاقتصاديه في مصر

المشاركة الأصلية كتبت بواسطة othmanelshaikh

أنا بصراحة كنت ناوي أشتري لوجان جديده ايه رأيكم؟
ولا للانوس ولا فيرنا؟؟ بليز يا جماعة النصيحة

اللانوس عربيه اقتصاديه وفي متناول الجميع تقريبا , وموتورها معمر جدا بالاضافه لرخص اسعار قطع غيارها , ولكن اسوأ عيب فيها من وجهه نظري ان صاجها خفيف وانها منخفضه شويه زياده , وعشان كده مع تحميل اوزان بتلاقي العربيه بتحك في معظم المطبات العشوائيه

الفيرنا عربيه سحبها فوق الممتاز وصاجها حلو وفراملها افضل من اللانوس بفرق ملحوظ , ولكن اسمع والله اعلم ان صيانتها اصعب من اللانوس وان مشاكلها في كتير منها معقد , وبصراحه انا شخصيا محبتش قاعدتها من جوا وكمان التابلوه بتاعها بحس انه مش قيم

اللوجان معرفش عنها كتير , لكن اللي اعرفه انها تقريبا بتجمع بين صفات اللانوس الكويسه وصفات الفيرنا الكويسه
لكن بخصوص الصاج وتصميم الكابينه و و و مش عارف لاني مجربتهاش

و ال3 عربيات في بينهم عامل مشترك وهو انهم من نفس الفئه السعريه

لو حضرتك تحب مقارنه مفصله بشكل اوضح و اوفى ممكن تبحث في قسم المقارنات وان شاء الله تجد المطلوب :-)