يا ريت حد يقولى سعر ماكينه دايو لانوس1 موديل 2000 استيراد بتعمل كام دلوقتى
عرض للطباعة
يا ريت حد يقولى سعر ماكينه دايو لانوس1 موديل 2000 استيراد بتعمل كام دلوقتى
بحوالى 2500 من الحرفيين
سؤال
بما ان اللانوس لسة بتنزل زيرو لغاية دلوقتى
هل فى مواتير جديدة ( مثلا من التوكيل او خلافه )؟
بحيث ان الواحد يفك ويركب علطول .... وتبقى حاجة مضمونة
طبعا
الموتور الجديد بيعمل حوالى 25 الف جنية (تمن 10 مواتير استيراد تقريبا)
MMamdouh
لو الكلام دة صح مكنش حد اشترى مكن استيراد ولا حتى عمل عمرة لمكنتة القديمة
المكنة ال 1600 استيراد بتعمل حوالى 2500 جنية... مستحيل يبقى الفرق بينها و بين الجديد الفين جنية فقط و المكنة دى جديدة ب25 الف... مستحيل تبقى دى ب 25 الف و مكنة اللانوس hال1500 ب 4 فقط
MMamdouh
ياه على كده الواحد عمره ما هيجيب مكنة زيرو ! بس المكن الزيرو برده بيقعد حوالى 7 سنين على ما يشتكي .. الاستيراد بيقعد قد ايه و لا هيا ظروف ؟
فيه استيراد كويس جدا
المكنه ال 1600 اكيد اقوي من ال 1500 0 تقريبا 102 حصان وطبعا هتحتاج تعديل في الفرامل
بس انا معرفتش المكنه ال 1500 بكام استيراد؟
حسب انت حتعمل ايه... يعنى الموضوع لو شمبر فقط يبقى تغيير الموتور ملوش اى داعى... انما لو حتغير بساتم و تخرط البلوك او تعمل شميز و الوش محتاج قواعد و دلايل و يتقشط يبقى "تخلص من حمامك القديم"
اللانوس نزل فيها 4 انواع مكناقتباس:
وهل فى فرق بين الماكينة ال 1500 وال 1600
مكنة 1350 شبة بتاعتنا تمام و بتعمل 75 حصان و ملهاش اى 3 لزمة و غالبا موجودة فى انجلترا و ايطاليا
مكنة 1500 كامة واحدة و دى بتاعتنا اللى بتعمل 86 حصان
مكنة 1500 اتنين كامة و 16 صباب بتعمل 110 حصان و موجودة فى كوريا و بعض دول جنوب شرق اسيا
مكنة 1600 اتنين كامة (زى بتاعت النوبيرا) و دى بتطلع 106 حصان
الله يخلليكاقتباس:
ومتشكر لحضرتك على سرعة التفاعل
MMamdouh
شوف خليك احسن فى ماكينة استيراد لان العمرة بعد فترة بتخلى المكنة خفيفة فاحسن لك استيراد من الحرفيين فى حدود 2000 - 2500 ولازم تاخد معاك ميكانيكى عشان يقيس كبس المكنة ويخترها كويس وطبعا بتفرق 1500 عن 1600 فى كل حاجة فمدخلش نفسك فى متاهات وخليك فى المكنة بتاعتك
yes
بس بشرط انك تحرق عليها لان ال110 حصان دول بيطلعوا عند حوالى 6200 او حاجة كدة فى مقابل 5800 للمكنة ال1600 اللى بتطلع 106 حصان
MMamdouh
المكنة ال1600 بتطلع 143 نيوتن عند 3400
المكنة ال1500 بتطلع 137 نيوتن عند 4200
MMamdouh
طيب يا ممدوح ممكن تدينا اسعار باه بأدوات تغزية و منغير ادوات تغزية.... من فضلك لان مكنتي باظت وعايز اجيب مكنة ..
انا معرفش بدون ادوات تغذية بكام... المكنة كاملة بحوالى 2500 جنية... انت مش حتحتاج لا تغير فتيس ولا ضفيرة ولا كونترول... انت محتاج بس تعدل الفرامل
MMamdouh
و علي فكرة لو فاصلت كويس هتجيب بسعر اقل من كدة لأن انا جبت مكنة 2000 سي سي ب 2200 جنية
هو ممكن ال2000 تكون سعرها كويس لان الطلب عليها مش كتير لكن ال 1500 الطلب عليها كتير
طيب اية رأيك تاخد المكنة القديمة بتاعتي 1500 اتنين كامة وكنت بجيب بيها 180 ايام ماكنت علي عربيتي النوبيرا الون و سبب تغيري ليها اني دمي كان بيتحرق لما اكون شادد علي الطريق وحد يعدي من جنبي بغباوة
و هديهالك بسعر ان شاء الله يبسطك
و هي معاك لحد ما تركب وتجرب و تقيسها في محطة كبس وتبقي راضي عنها و بعدين مش هنختلف في الفلوس
فكر و كلمني علي الخاص
مرسي يا موكو بس للاسف انا جبت المكنة ال 1500 2 كامة استيراد بـ 1800 من الحرفيين
و بصراحة مكنة هايلة جدا بس فعلاً لازم تحرق عليها زي ما الاخ ممدوح قال و شديت مع بي ام 320 الجديدة و سديت و الله الحمد لله
هعمل للمكنة صيانة كاملة سيور و فلاتر و تنضيف رشاشات و هقولوكو بعد كده النتيجة ايه .....
ربنا يباركلك فيها
و انا معاك لو احتجت حاجة
الاسعار دي للمكنه بس ولا للمكنه والكونترول والضفيره
زمان كنت بقفل عربيه دوجان ورحت اشترى لها متور من الشركه كان ثمنه 18الف جنيه بدون الحوايج اى الفتيس الدينامو المارش الكربراتير الاسبراتير وطبعا شاهين مش دايو اعتقد ان محمد ممدوح عامل معاك واجب فى السعر الى قاله كمان
دا موتور جديد زيرو؟؟
MMamdouh
طيب ال 1500 2 كامه بتركب على نفس الكونترول القواعد وحده كمبروسر التكييف فى نفس المكان ولا بتعمل تعديل وزن الماتور واحد
قطع الغيار متوفره واماتور الاستيراد هل بيحتاج شمبر ولا لاء والمواتير الكبراتير ممكن تدور الماتور عند البيياع للتجربه انما الانجكشن ايه حلو للتجربه لازم نسقط المكنه؟ واسف للاطاله
المواتير الاستيراد بتبقى حظوظ من اربع سنين غيرت مكنة اللانوس من تاجر فى مرسى مطروح كنت معدى بالصدفة ولاقيتة بيقطع لانوس شكلها نظيف جدا وعدادها مش عامل غير 20 الف بس وانا ايمها كنت عامل 550الف وكانت المكنة بتاعتى جايبة اخرها اخدت المكنة بالدفيرة والدنمو والمارش والرشاشات وكل حاجتها معادا الفتيس ب 2600جنية
ايه يا جماعة... يعني الواحد يجيب عربية قديمة لانوس ويغيرلها موتور بـ 2500 جنيه ويجددها؟؟!!!
اللانوس حتغير فكرتي في العربيات!! هل هي حاجتها رخيص أوي كده
أنا بصراحة كنت ناوي أشتري لوجان جديده ايه رأيكم؟
ولا للانوس ولا فيرنا؟؟ بليز يا جماعة النصيحة
بالظبط كده , وفعلا في قطع كتير في اللانوس سعرها رخيص جدا , وعشان كده هي تعتبر من انجح العربيات الاقتصاديه في مصر
اللانوس عربيه اقتصاديه وفي متناول الجميع تقريبا , وموتورها معمر جدا بالاضافه لرخص اسعار قطع غيارها , ولكن اسوأ عيب فيها من وجهه نظري ان صاجها خفيف وانها منخفضه شويه زياده , وعشان كده مع تحميل اوزان بتلاقي العربيه بتحك في معظم المطبات العشوائيه
الفيرنا عربيه سحبها فوق الممتاز وصاجها حلو وفراملها افضل من اللانوس بفرق ملحوظ , ولكن اسمع والله اعلم ان صيانتها اصعب من اللانوس وان مشاكلها في كتير منها معقد , وبصراحه انا شخصيا محبتش قاعدتها من جوا وكمان التابلوه بتاعها بحس انه مش قيم
اللوجان معرفش عنها كتير , لكن اللي اعرفه انها تقريبا بتجمع بين صفات اللانوس الكويسه وصفات الفيرنا الكويسه
لكن بخصوص الصاج وتصميم الكابينه و و و مش عارف لاني مجربتهاش
و ال3 عربيات في بينهم عامل مشترك وهو انهم من نفس الفئه السعريه
لو حضرتك تحب مقارنه مفصله بشكل اوضح و اوفى ممكن تبحث في قسم المقارنات وان شاء الله تجد المطلوب :-)