الحمد لله ............ إستلمت التيدا

**modisallam** · 04-04-2011 12:33 AM

الحمد لله يا إخوانى إستلمت التيدا
هى سيدان - لونها فضى - الفئة المتوسطة
الحمد لله العربية فعلا تستاهل ما يقال عنها وأكتر
سحبها قوى _ عفشتها ناعمة _ التقفيل حلو _ الخامات ممتازة
إللى ضايقنى الفوجات , مش بتشتغل إلا مع الكشافات لما تشتغل

صحيح :: عند الإستلام قالولى أتصل بنمرة كده علشان أفعل الضمان, ممكن أعرف ما فائدة هذا وأين أفضل مكان لعمل الصيانات ؟؟؟ وما هى نصائحكم للمحافظة على العربية ؟؟؟

أكرر شكرى لكل من أسدى لى النصيحة لإن العربية فعلا تستاهل وهى فعلا قيمة وربنا يكفينا شرها ويعطينا خيرها

أخوكم المهندس/ محمود سلام

**Bishoy.Girgis** · 04-04-2011 12:51 AM

الف الف مبروك يا باشمهندس محمود علي العربية الجميلة و مبروك علينا عضو نيساني جديد في القسم .. ربنا يديك خيرها علي طول و فعلا اختيارك صواب 100% و التيدا عربية قمة في الاحترام و قيمة جدا

لكن عشان تتعرف علي العربية و تتجول جواها يبقي لازم لازم تتجول جوا قسم نيسان .. عشان كده هعطي لحضرتك اللينك المباشر اللي فيه كل اجابات اسئلة حضرتك و الف مبروك مرة تانية

http://www.nilemotors.net/Nile/171459-a.html

**SonaSteel** · 04-04-2011 12:58 AM

السلام عليكم
يا هلا وسهلا .... اخ عزيز وصديق كريم وصقر جليل انضم لعائلة الصقور
الف الف الف مبارك عليك ياهندسة علي التيدا .... ربنا يرزقك خيرها ويكفيك شرها
وطبعا في انتظار تقريرك المميز عن التيدا وعن استلامها
حول بس متقرصش علي العربية ومتعديش ال3000 عل الRPM لغاية 600 كيلو مثلا
بعد كده حبة بحبة ... لغاية صيانة الالف ان شاء الله .... ووحاول تغير سرعتك متثبتش علي سرعه واحده
بالنسبة للرقم اللي قالك اتصل بيهم 16244 لتفعيل الضمان لما تتصل بيهم هاياخدوا منك بعض البايانات وهايدوك كود الضمان لما تروح الصيانة ان شاء الله بعد كده هايطلبوه منك ... وده ضروري جدا جدا
ومراكز الصيانة كلها محترمة وشغلهم عالي ..... انا مجربتش غير السبع ... وعجبني بصراحة وشغلهم منظم جدا .
ولو عوزت حاجة احنا تحت أمرك يا هندسة
أقعد بالعافية

**Ahmed.TV** · 04-04-2011 01:49 AM

ايوة كدا هيلو هيلو , اهلا بالحبايب

عشان مبقاش وحيد لوحدى فى القسم

الف مليون مبروك عليك التيدا

ربنا يعطيك خيرها ويكفيك شرها

اضافة على كلام اخوانى الاعزاء

حاول تخلص الالف كيلو فى اسرع وقت

حاول يكون اغلب مشاويرك طوالى ويفضل تكون مسافات مش اقل من 100 كيلو تمشيهم بالعربية

تجنب الفرامل الفجائية اول 100 كيلو الى 200 كيلو فى البداية عشان لسه الفرامل بتطبع

اظبط ظغط الهواء بتاع الكاوتش على المقاسات المكتوبة فى قايم الباب

حاول تحط نيتروجين افضل من الهواء فى الكاوتش

واخيرا اتمتع بالعربية وربنا يكفيك شرها

واتمتع بموضوعات قسم نيسان , لان حتلاقى فيه نصائح ومعلومات حتفيدك جدا سواء عن التيدا او الصنى ,

مع اننا من ملاك التيدا , بس فى تجارب بنستفاد منها من ملاك الصنى ايضا

وتحياتى ليك

**AbuHusam** · 04-04-2011 02:25 AM

[mark=#ffffd]مليون مبرووووووووك على التيدا.. نفسنا كل يوم يكون فيه تيدا جديدة
زي ما قالك أخونا بيشوي لازم تعمل جولة في موضوعات القسم وهاتستفيد منها كتييييييييييييير
ونفذ بدقة نصائح كبير النيسانوية أحمد بك مصطفى.. وخلي بالك ما تمشيش المسافات الطوالي دي بسرعة واحدة.. غير سرعاتك علشان تلين تروس مختلف السرعات.. لكن طبعاً ما تزودش عن 100.. وما تحرقش غيارات وماتشغلش التكييف.. واتمتع بالعربية ونعومتها وسلاستها في القيادة.. وفي انتظار انطباعاتك عنها وأي استفسار كل الناس هنا متعاونة وفي الخدمة[/mark]