عايز حد بتاع تكيف يكون امين و شغله نضيف و مش غالى ضرورى لحسن رحت عند واحد فى شارع دمشق عملى بحر
عرض للطباعة
عايز حد بتاع تكيف يكون امين و شغله نضيف و مش غالى ضرورى لحسن رحت عند واحد فى شارع دمشق عملى بحر
ايه يا جماعه محدش يعرف بتاع تكيف ؟!!
فيه في المعادي الجديدة مركز محترم جداً بالقرب من ش فلسطين ,
لو عايز تروح ممكن اشوفلك العناون بالضبط
بعيد عليا قوى المعادى بس ماشى لو سعره مناسب قشطه شفهولى كده يا اكرم بعد اذنك
و لو فى حد تانى عنده معلومات يفيدنى ياريت
فية واحد استاذ ركبت عندة تكيف بالكامل مش تظبيط لآ تركيب من ألالف الى الياء و شحنت برضو عندة العربية التانية هو فى عين شمس و كهربائى سيارات يعنى يعمل ضفيرة عربية كمان
متابع باهتمام
متابع انا كمان d:
هيا مدينه نصر دي مفيهاش صنايعي تكييف عدل يوحد ربنا
لازم الواحد يدب مشوار لعين شمس ولا العمرانيه ولا ارض اللواء عشان يظبط التكييف
:)
عاوزين حد في مدينه نصر كويس ياجدعان
صبحى باشا أزيك بص عاوز نصيحة أخوك أنا من سنتين عملت التكيف عند واحد فى مدينة نصر قريب من البيت عندى مكان ما قابلتك بص دة تلميذ و شغلة على أدة قوى و الى فى شارع الطاقة كلهم بيحورو فى الكلام أوعى يا ريس حا يسوحوك .
فية واحد تانى ورا المخابرات الى عند رابعة العدوية روحتلة كويس بس غالى و يعنى .
الراجل الى بقول علية بالرغم من شكل الورشة بتاعتة صدمانة و عدمانة بس كويس جدا بس مشوارة أسود يا ريس أنا كرهت حياتى من المشوار دة بس المحصلة النهائية أستاذ . أدخل على رابطة التمبرا و شوف الشغل الى أتعمل و أنت حا تقيم الشغل من الصور دة عملى ضفيرة العربية و العربية أنجيكشن و كلها بلاوى و عملها زى الجن
هوا عادي ياباشا انا رحت عين شمس كتير بس المشوار من عندنا يهد الحيل كان نفسي اشوف حد في مدينه نصر
واللي ورا رابعه ده كذا واحد شاتمين فيه
غالي وكمان مش اد كده
واحد كان قايل في موضوع قبل كده انه خرم له ماسوره الفريون وهوا بيفك
عالعموم خير
حشوف موضوع عين شمس ده
اهو علي الاقل اقرب من ارض اللواء
انت قصدك زيدان هو و لا مش هوة بص هو بياع يعنى ممكن يدخلك فى سربنتينة تلاجة و كلة مصلحة هههههههههههههه . الراجل التانى خد السربنتينة و لحمها و ظبط المسائل السبب انى روحتلة انة فاهم التمبرا جدا جدا و دى كهربا التكيف بتاعها فيلم هندى صعب جدا جدا جدا هو الى فك كل حاجة بأيدة من نص عربية من العزبة و أنا معاة و خدنا المسامير و الافيزات البلاستيك و ركبنا استنى حا أنزلك كام صورة على الماشى أنت حبيبى يا ريس ههههههههههههه
طيب يمشى معاك عابدين؟
:0
بص يا باشا الكشف على دورة التبريد يشمل حاجات كثيرة لازم يكبس كل جزء لوحدة لمعرفة مكان العيب من فين يعنى يكبس السربنتينة و يكشف على الخراطيم و يكبس التلاجة الى راكبة تحت التابلوة و يكبس الكومبريسور و يكشف على الابر الى فى خراطيم الشحن .
لو المشكلة من الكباس لازم يعملة حاجة أسمها طقم اصلاح يعنى بالبلدى بيغير شوية اويل سيلات كدة و يزيتة و بص الصور دى و أنت تعرف ازاى بيتنظف و يتروق
http://img546.imageshack.us/img546/5...0320115280.jpghttp://img69.imageshack.us/img69/1512/300320115281.jpghttp://img838.imageshack.us/img838/9...0320115259.jpg
انا عندى واحدفى مصر الجديدة فى ترينف مممكن ادلك علاية كويس وحنين اوى فى فلوسة نمرتى اة لو عايز ترحلة كلمنى وانا اوصفللك 0105178725
ياهشام باشا انا لسه مغير كباس السنه اللي فاتت وكان بيعمل معايا ايام الحر اوي اللي كانت بتعدي علينا دي حاجه غريبه
يفصل والاقي هوا سخن طلع
وميشتغلش الا اما اكبس بنزين جامد اوي الاقيه جاب تاني
من ساعه ما الشتا دخل بقي وانا مشغلتوش جه يوم حر بشغله لقيته قاطع النفس
اخري اتنين وعابدين والله مقدرش انزل عن كده
:16::16:
والله ما عارف اقولك ايه كاسيت وتكييف
معندكش عروسه بقي تبقي زبطتني من كله
ابعتلي رقمك ياباشا لو الراجل ده كويس اعدي عليك بكره بعد الشغل لو وقتك يسمح
ماهي المشكله في مين بقي اللي يعمل كده من غير ما يطلع عليا مصلحه ويخليني اشحن من غير لازمه
لآ الموضوع مش هزار لو هو كشف و قالك تمام و شحن و بعدين الشحن سرب بيبقى ملزوم يشحنلك مرة أخرى من غير و لا مليم طبعا لانها تبقى غلطتة مش هو الفنى الى كشف . أنا مرة شحنت مرتين بتمن شحنة واحدة بسبب غباء الصنايعى و طبعا شحن المرة التانية ببلاش دة فى مدينة نصر , لعلمك الشحن مش بيكلفة كدة لان الاسطوانة نسبيا رخيصة يعنى الراجل بيبقى كسبان كسبان
فيه واحد فى سفير مصر الجديده اسمه الشيخ محمد لو عايز تروح له اشوفلك العنوان بالظبط
دلوقتي انا قدامي 4 اماكن عاوز ترشيح لافضلهم
محمد العاقل الحرفيين
المطراوي شارع دمشق
المراكبي جسر السويس
مقار مدينه نصر
ها
اروح لمين بقي
الاربعه دول الناس كلها بتشكر فيهم عالنت مش هنا بس علي كل المواقع
رحت انهارده لمقار وانا رايح الشغل بصفته اقرب واحد ليا
بص عالكباس وقاللي شغل
وبعدين قاللي الكباس مش شغال هوا بيشغل التكييف بس مبيلفش عشان يدي هوا ساقع
المهم جاب عصايه كده
وضربها في جمب البكره بتاعت الكباس اشتغل
:)
راح قاللي بقي ده عاوز يطلع بره يتنضف
ونده عالمهندس اللي جوه اداني تكلفه
شحن 160 جنيه
فك وتركيب الكباس 50 جنيه
ابره 35
زيت 30
الاجمالي 275 جنيه
:)
ايه رأيكم بقي كده
التكييف شغال اصلا دلوقتي وهوا قاللي حيشتغل معاك وممكن يفصل
الفصل ده بقي ان الكباس عاوز يتنضف
طب انتا ايه رأيك
انا حاسس ان التكييف مفيهوش حاجه والراجل ده بيشتغلني
هوا شغال دلوقتي
استني لو فصل تاني واروح
ولا اروح من باب الاحتياط
انا كده كده حستني عشان مش معايا اصلا فلوس دلوقتي
وحجرب واشوف
بس عاوز اعرف كده الموضوع صح ولا فيه اشتغاله
طالما شغال ما تروحش تانى بس لو قطع روح و خلية يعملة من غير ولا مليم أنا حاسس أن المشكلة ممكن حاجة بسيطة فى الكهرباء . بس بما أنة شحن الفريون يبقى فية تسريب فى الفريون و دة كان لازم تعرف التهريب دة منين بالظبط
مشحنش حاجه
هوا بيقولي طالما الكباس حيتفك يبقي حنشحن
طبعا لو فك الكباس يبقى الفريون حا يطير فى الهواء . بص أنت أية الى مريحك أكتر . لو عاوز نقولك الراجل دة فين و تروحلة ماشى و شوف حا يقولك اية و اية الكلام و هو بتاع تكيف و كهربائى و بيكبس الخراطيم عندة كمان يعنى كل حاجة بيعملها ماعدا لحام السربنتينة لو فيها خرم بيبعتها تتلحم
طيب اوصفلي المكان بالظبط بدايه من ميدان الف مسكن عشان ده اللي اعرفه
بص فية طريقين الاول مشى من الالف مسكن فى شارع جسر السويس و تدخل يمين من عند التجنيد لغاية ما توصل ميدان المطرية حا تلف و كأنك راجع تانى لجسر السويس حلو قبل مطلع الكوبرى الى عند الحلمية لازم تدخل يمين و تلف شمال علشان ما تطلعش الكوبرى و تبقى ماشى من تحتة و تعدى من تحت الكوبرى شمال حا تلاقى سور مترو الانفاق بقى على يمينك تفضل ماشى مع سور المترو حا تلاقى محطة المطرية عديها و تكمل حا تلاقى محطة عين شمس كمل هو بعد المحطة بحوالى 300 متر كدة .
أو تنزل لروكسى و من عند قصر الطاهرة تطلع الكوبرى الى بيعدى مترو الانفاق اول ما تنزل من الكوبرى حا تلاقى شارع على يمينك دة شارع ترعة الجبل تمشى فية للأخر حا تلاقى نفسك غصب عنك لازم تعدى من تحت الكوبرى الى فى الحلمية و تكمل باقى الطريق عادى جدا