إيه سبب تبطيل المحرك عند بداية التحرك وإيه الخطوات الازم نعماها عشان متتكررش
عرض للطباعة
إيه سبب تبطيل المحرك عند بداية التحرك وإيه الخطوات الازم نعماها عشان متتكررش
سخن العربية كويس خصوصا لو كاربيراتير
التسخين الكويس و اتأكد من ان الكهرباء مظبوطة و ان خرطوم البنزين يكون طوله معقول لان مرة الميكانيكي غيرلي خرطوم البنزين و حطلي واحد صغير بقي متني من الناحيتين و مزنوق فالعربية البنزين بيوصلها قليل و بيقطع فتبطل مني غيرت الخرطوم و اتحلت المشكلة و الكربرانير يكون متنضف كويس او الانجكشن.............
Ibiiiiiiiiiiiiiiiiiiiiiiiiiiiiiiizzzzzzzzzzzzzzzzz zzzzzaaaaaaaaaaaaaaa For Ever
1-العربيه كربراتير ولا انجكشن ؟؟
...................................
2-ولما يتزود فى السلانسيه .......
*بتبططل بردو ؟؟
*مابتبططلش بس بتقططع؟؟
*مابتبططلش..ولا بتقططع...بس حاسس انها مخنوقه؟؟؟
............
جاوب على الاسئله دى...وهتكسب ربع جنيه....جهجهجهجهجه:D:D (بهزر)
................
ياريت ياباشا تجاوب على الاسئله دى....وان شاء الله ربنا يوفقنى واقوللك على السبب اليقين...عشان الاسباب كتير
...
سخن العربية كويس علشان العربيات الكاربيراتير عادى تعمل كدة و هية باردة
يمكن يكون عيب فى السواقة (تظبيط الدبرياج مع البنزين ) لو انت لسه متعلم جديد
أنا فعلاً متعلم جديد وعايز أعرف السبب العلمى فى تبطيل العربية علشان أتفداه وأنا فاهم
العربية انشكشن ولسه جديدة ولكن لسه بتعلم
يا جماعه دماغكوا راحت لبعيد خالص .. الراجل بيسأل بتبطل ليه في الطلعه مع اللي لسة متعلم جديد , ميقصدش مشكلة فنية و لا الكلام دة خالص
---------------
بالنسبة للطلعة فانت المفروض انك بتدوس مقدار معين من البنزين و بتشيل من على الدبرياج بالتدريج .. لو العربية بطلت يبقى انت دايس بنزين قليل ابقى كترة شوية .. بس مش معنى كدة انك تتمادى و تقرص اوى على الموتور .. بالمعقول و انت مع الوقت هتعرف القدر المطلوب بالظبط , وطبعا لو انت واقف على مطلع بتدوس بنزين اكتر شوية من الطريق العادى
شكراً يا عم Casper1500
طيب ده له علاقة بالتسخين ولا لاْ
كلامى بقوله على عربيه متسخنة و سليمة و مفيش فيها مشكلة , انا بتكلم عن السواقة بس .......
انما طبعا لو العربية مش متسخنة كويس لازم تبطل
وانت ممور العربية الماتور بيكون بيلف بس مش مربوط مع العجل والعربية بتكون واقفة
لما تيجى تعشق الاول وتبتدى تطلع
العربية بتكون واقفة والكاوتشات بتكون واقفة على الارض عندما يحدث الاتصال بينهم العربية بتكون محتاجة عزم كبير عشان تتحرك فلو مزودتش البنزين بيكون اسهل ان الكاوتشات ما تتحركش وتوقف هية الماتور اما لو زودت البنزين فالماتور هو اللى بيكسب ويحرك الكاوتشات
ارجو ان اكون وضحت لك السبب
اخي العزيز المعلومة الأولى أن السيارات الانجكشن لايوجد فيها تسخين لو نظام تحكم بالنسبه للوقت البارد كحساس درجة حرارة الماء ودرجة حرارة الهواء أما بالنسبه للتبطيل السياره فهو تعود وعدم ممارسه اما بالنسبه للجزء العلمي فالأخ momo44 وضحه
س لو ما سبتهاش تسخن ومشيت صوتها يعلى ...وعن تجربه..اما تبطل خللى قلبك ميت واضغط على الاكسراتير شويه:Dاقتباس:
المشاركة الأصلية كتبت بواسطة zizo_motors
شكراً يا جماعة على التوضيح
بس لى سؤال آخر لو سمحتولى
إيه هية أحسن سرعة فى استهلاك البنزين( مطلقاً و فى كل غيار )
مثلا (90 كم/س ) مطلقا
أول غيار ولا آخر الغيار
اخر غيار طبعا
شكككككككككككككككككككككككك كككككككككككرا
يا جماعة انا لسة متعلم جديد وخايف من اللى بشوفة فى لاشارع وحاسس انى مش هعرف اسوق حاسس ان العربية هتبطل منى فى اى ملف مثلا خايف شوية
فعلا لو جديد هيبقى عيب عدم تظبيط الدبرياج مع البنزيناقتباس:
المشاركة الأصلية كتبت بواسطة ams
متخافش يا باشا كل دي مواقف حتي لو حصلت بتعدياقتباس:
المشاركة الأصلية كتبت بواسطة sherifesmat
لأنك هتاخد عالسواقة و اللي في الشارع
يعني حتي لو بطلت منك في ملف متخافش تعامل مع الموقف بهدوء
انا مرة و انا بتعلم كنت داخل كمين و الضابط موقفنيش .. قامت العربية تقريبا معجبهاش و بطلت :troll: في وسط الكمين .. رحت عامل نفسي مش من هنا و مدور و ماشي عادي جدا
أهم حاجة مرن نفسك كتير عالفصل بين البنزين و الدبرياج .. بحيث متبقاش رجلك خفيفة اوي فا العربية تبطل .. او تقيلة اوي و تحرق بنزين كتير و تعلي لفات الموتور عالفاضي و العربية تنط
اخى العزيز الأمر تفسيره العلمى بسيط جدا، الموتور طالعة منه قوة بمقدار معين متناسب مع كمية البنزين اللى رايحاله ، طول ما العربيية ممورة او انت حاطط رجلك على الدبرياش فالقوة المطلوبة من الموترو هى القوة اللازمة لتحريك اجزاء الموتور فقط وهى قوة مش كبيرة، لما نات بتديها الأولانى، وتبدى تشيل رجلك من على الدبرياش فانت كدة بتحط حمل جديد على المحرك هو حمل تحريك العربية بحالها، وبالتالى لو مديتلوش بنزين زيادة يتناسب مع الحمل الجديد الموتور هيبطئ لحد ما سرعته توصل لصفر وساعتها هيهمد تماما لأن الموتور مافيهوش قدرة للبدء من السكون بدون مساعدة خارجية* ، علشان كدة لازم لما نبدأ الحركة بالعربية نديها شوية بنزين اضافيين علشان العربية تتحرك
المبتدئين عادة بيدوا شوية البنزين الأول، فصوت الموتور يعلا وبعدين يبتدوا يشيلوا رجلهم من على الدبرياش فالحمل الإضافى يخفض عدد لفات المحرك الى الطبيعى، لكن مع الوقت انت بتتعلم انك تديها بنزين اثناء رفع الدبرياج ، وكمان بتبتدى تحس امتى المحرك صوته وطى جدا لدرجة انه ممكن يبطل فبتدى شعرة بنزين زيادة
برضه لازم تلاحظ ان كمية البنزين اللى بتديها لازم تتناسب مع الحمل اللى انت هتحطه على المحرك، يعنى ايه؟ يعنى لو انت متعود تدوس على البنزين بقدر معين علشان العربية تبتدى تتحرك على ارض مستوية، ممكن تلاقى نفس الدوسة مش بتكون كافية لبداية الحركة على مطلع والعربية بتبطل منك ، لأن القودة المطلوبة لتحريك سيارة ضد مقاومة الإحتكاك فقط اقل بكثير للقوة المطلوبة لتحريك سيارة ضد الجاذبية الأرضية، لذلك انت لو واقف على مطلع هتحتاج بنزين اكتر
كذلك لو العربية محملة ناس او شنط هتلاقى انك محتاج تديها بنزين اكتر
فى حين انك لو واقف على منزل ممكن تحرك العربية برفع قدمك اليسرى من على الدبرياج فقط دون ان تدوس بنزين لأنك مش محتاج بنزين كتير لأن الجاذبية الأرضية هنا بتكون معاك وهكذا
___________________________________
*احنا لما بندور العربية الصبح بندى الموتور مساعدة خاجية من خلال الوحدة المسماه المارش، وبدونها لا يستطيع المحرك بدء الحركة منفردا-حتى لو المارش بايظ وحبينا ندور العربية لازم ندى الموتور مساعدة خارجية عن طريق دفع السيارة نفسها ومن ثم تعشيق الموتور على العجلات ليأخد حركة من العجلات ويدور)
شيك قوي رد سبعاوي ، فعلا مع إنها معلومة معظم الناس اللي بتسوق فاهماها بس في أناقة و بساطة في الرد
شكرا على الاهتمام يا باشمهندس سبعاوى ربنا يبارك فيك
ربنا يبارك فيك علي افادتك لكل المبتدئين وانا واحد منهم
تعرف اول ما اتعلمت السواقة اتعلمتها في الركنة لاني كنت غاوي و كان سني صغير و مكانوش بيرضوا يخلوني اسوق في الشارع برة كتير و بعد ما اتعلمت شوية في الركن و عرفت ازاي البنزين و الدبرياج و الكلام ده بدات اخرج للسارع واحدة واحدة و اول مرة خرجت اسوق علي العمومي برة وقفت بالعربية علي جنب و قعدت ابص في المرايا و حواليا و قلت انا مش هعرف اسوق سرفيس و عربيات كبيرة و صغيرة و نقل عام و كل ده اعمل ايه بس و كنت اكاد و الله اني اعيط و ابكي لاني بحب السواقة اوي و ازاي بعد ده كله معرفش اسوق؟؟!!
لكن واحدة بواحدة اتعلمت و اخدت علي الموضوع و خاصة اني بحب السواقة و بقت الحكاية سهلة و حلوة خالص و الموضوع بييجي بالتدريج و وحياتك انت السرفيس حاليا بيشتكي مني ناس كتير لما يجي السرفيس يكسر عليهم يقفوا فورا لكن انا بدوس كلاكس و رعاش و بكمل و بيقف زي الجزمة و بالذات بيبص في المراية عنده يا عيني يلاقي اكصدام لادا بس صراحة لو كنت سايق حاجة جديدة باخد بالي لانه ممكن ساعتها يكسر بقلب ما هو عارف اني حقف له و هخاف.
المهم انت متعقدش الحكاية و صدقني حتيجي لوحدها و بالممارسة.
التسخيييييييييييييييييييي يييييييييييين