مووووجودين معاك يا بطل الكيا البرايد يا موهاك
عرض للطباعة
مووووجودين معاك يا بطل الكيا البرايد يا موهاك
أنا شايف الناس نايمة خالص مفيش غيرى أنا وانت بس
انا مبسوطة انى معاكم فى المنتدى
ومبسوطة انى بادخل معاكم فى الموضوع الهايل بتاع الكيا دة
.................................................. .....
الإعلانات التجارية ممنوعة طبقاً لنظام المنتدى دون الرجوع والتنسيق مع إدارة المنتدى.
لقد خالفت القواعد لذا تتطلب انذارك مع وقف العضوية لمدة شهر
يرجى مراجعة قواعد المنتدى
مشرف 7ب
7/5/2011
شكرا اوى على الاضافه دى يا ميراا
مواهااام اااانت فين؟؟:)
موجود يا باشا بس الناس مش عايزة تتفاعل ولازم نفضل نزق فى الموضوع كل شوية ، ما تشوف كده الاسئلة اللى كنت سألتها قبل كده وتجاوب عليها علشان تنشط الموضوع كده
عاوز مرايات الابواب من النوع الكهرباء بس بتاعة البرايد السايبا اللى بتتقفل ومش عارف الاقيها فين ياريت حد يدلنى ولكم جزيل الشكر.....:angry06:
أهلا بيك فى الرابطة
جربت تسأل عند الجندى وحلمى سليمان ؟
شكرا على ردودكم لاكن للاسف انا سالت فى المحلات دى مش موجود غير المرايات الاصلية اللى مبتتقفلش
يبقى كده لازم يتدخل استاذ توفيق بالرد لانه عنده سابا وممكن يفيدك بدهاليز قطع غيارها
سلامو عليكو
انا أيمن و يا ريت تقبلوني معاكو في الرابطه بتاعت احلي ارخص اكفء اعجب عربيه
والله عربيه حقها مهضوم و لازم نهتم بيها اكتر من كدا بكتير
انا مش بفهم اوي في العربية من حيث الميكانيا و كدا بس هيا بقالها 11 سنه بسم الله ما شاء الله عليها و ماشيه زي الفل
و انا تحت امركوا في اي سوال اقدر اجاوب عليه
بجد بارك الله فيكم وجزاكم كل خير ..... بصراحة بفكر اشترى العربية ديه بس ياترى لو حالتها كويسة تعملها كام
أبو حميد أنا شايف فى معلوماتك انك معاك السيدان glx هى دى اللى فيها سبويلر ؟ وهل فيه من السيدان كذا موديل يعنى gl و glx وكده ؟ وايه الفروق بينهم ؟
اهلا بيك يا ماى مون بجد فى القسم بتاع العربيه المحترمه دى واللى كانت فكرت القسم اساسا موهاك وفعلا زى ما قال موهاك احنا محتاجين لخبراتك فى العربيه دى
اهلا بيك يا كريم بالقسم واعتقد لو هاتش باك وحالته كويسهخ هتلعب ما بين 28 الى 30 الف اقصاها
امال لو سيدان بصراحه مش عارف السعر وطبعا يرجى التاكد من باقى الاعضاء والخبراء هنا فى القسم
بقالها 11 سنه و انا عندي 20 سنه يعني اصغركوا سننا "مش معناه انكوا كبار او عواجيز":grin54:
بس ما فيش مانع ابقي العمده هههههههه:Oc_sun1[1]:
لا بهزر انا ابتديت افهم فيها ييجي من 5 او 6 سنين و ان شاء الله افيدكوا و ممكن اسال والدي عن اي استفسار مش هاعرف اجاوبكو عليه ان شاء الله
اخوكم الصغير "بردوا مش معناه انكوا كبار و عواجيز ههههه " ايمن
دا رابط الموضوع و فيه تسعير العربيه
http://www.nilemotors.net/Nile/16394...post3873224370
و دا رابط للموضوع كلو
http://www.nilemotors.net/Nile/163941-a.html
ايه يا جماعة هى العربية بسم الله ما شاء الله محدش بيوديها لورشة أو بيغيرلها قطع غيار ولا ايه ؟ عايزين خبراتكم وتجاربكم علشان نستفيد كلنا
وحاقولكم على اخر المستجدات للافادة العربية عندى بقالها كام شهر بتطلع البوجيهات مفحمة والدخنة من الشكمان هباب اسود وسحبها بقى تعبان شوية روحت للميكانيكى قالى ده الكربراتير هات الاسبراى اللى بينضفه وحاظبطلك الدنيا جيبت المنظف ونضفنا وجيبت بوجيهات جديدة الحال اتحسن والدنيا اتظبطت وهوب مفيش شهر والقصة رجعت تانى ـ قالى الميكانيكى روح لواحد بتاع كاربرتيرات يفكهولك ويغسلهولك ويغير أى حاجة محتاجة تغيير وبالفعل عملت كده وروحت لواحد فى السواح فك وغير ونضف وجيبت بوجيهات جديدة بس نوع تعبان قوى والكلام ده عمله 70 جنيه برضو العربية ظبطت فى الاول ولقيت البوجيهات لسه بتطلع مفحمة والشكمان بيطلع دخنة سودة ، روحت لميكانيكى تانى شاطر وامين قالى انت مشكلتك فى الكربراتير واللى روحتله معرفش يظبطهالك وراح مورينى ازاى ان فيه هوا بيدخل زيادة بيعمل المشكلة دى وقالى انت عايز تروح لحد بيفهم وبعدين تغير فلتر هوا وبوجيهات وشوف الدنيا حاتعمل ايه ، وعليه أنا دلوقتى سمعت عن واحد كويس فى شبرا اسمه ابراهيم ناوى اروحله على أول الشهر لما الماديات تتظبط وحابقى اقولكم على المستجدات إن شاء الله .
1- انا اعرف ازاي البوجيهات شغاله تمام ولا فيها حاجة يا باشا
2- طب انا العربيه كانت بتطلع نقط مياه و عرفت ان كدا كويس دا كدا زي العربيات الزيرو بتعرق
بس من مده ضغيرة كدا بقت تطلع نقط سودا لما بدورها الصبح و باقي اليوم مش بتطلع النقط دي
ياتري حد عارف ايه النقط دي
اقرا الموضوع ده وادعيلىاقتباس:
1- انا اعرف ازاي البوجيهات شغاله تمام ولا فيها حاجة يا باشا
http://www.nilemotors.net/Nile/168201-a.html
http://www.nilemotors.net/Nile/53571-a.htmlاقتباس:
2- طب انا العربيه كانت بتطلع نقط مياه و عرفت ان كدا كويس دا كدا زي العربيات الزيرو بتعرق
بس من مده ضغيرة كدا بقت تطلع نقط سودا لما بدورها الصبح و باقي اليوم مش بتطلع النقط دي
ياتري حد عارف ايه النقط دي
أنا فى الخدمة يا جماعة
يا عم جون أنت مش واخد بالك انى غيرت اسمى ولا ايه ؟ شكلك كده الاسم القديم لسه معلق معاك :)
انا بقول نسخن الموضوع دا شوية لذلك هاسال و مالكي البرايد يجاوبو
1- يتحط لعربيتك بنزين كام و سحبها عامل ايه علي حسب نوع البنزين دا
2- بتستهلك كام ليتر بنزين لكل 100 كيلو
3- "انا مش بحب السؤال دا بس ماشي مش مهم" اقصي سرعه جبتها بالبرايد كام و علي طريق ايه و سحبها كان عامل ازاي و ثباتها كان عامل ازاي
4- ثبات و سحب العربيه كويس لحد السرعه كام و بتنقل علي ار بي ام كام
5- بتعمل صيانه دوريه للعربيه ولا زيت و بنزين و كاوتش و بطاريه بس و مطنش للسيور و الكاوتشات و الذي منو
بس مش اكتر من كدا اتفضلوا ردوا علي دول و هابقي احط حبه كمان لما نخلص دول
ايوه بقى يا أيمن :16:
دلوقتى بحطلها 92 علشان عندى مشاكل فى الكربراتير والعربية بتفضل تسقف وسحبها بيبقى وحش وبتبقى بهدلة مع 80 مجرد ما اظبط الدنيا ممكن ارجع ل 80 تانى بس العربية بتبهى رهوان مع ال 92 وبتفوق قوىاقتباس:
1- يتحط لعربيتك بنزين كام و سحبها عامل ايه علي حسب نوع البنزين دا
العربية وصلت معايا لمعدلات عالية جدا فى الاستهلاك بسبب ميكانيكى مابيفهمش يعنى كنت بعمل 10 لتر فى الـ 100 كيلو فى الطريق الطوالى على سرعة 90 من غير تحميل بعدين روحت لواحد تانى وظبطت شوية تظبيطات بقت بتوصل دلوقتى ل 7 لتر ومتوقع انها ممكن تنزل ل 5.5 أو 6 لما اظبط العربية إن شاء اللهاقتباس:
2- بتستهلك كام ليتر بنزين لكل 100 كيلو
أنا مرة وصلت ل 150 وكانت حاتجيب 160 بس قلبى ما طاوعنيش لان العربية كانت زى الريشة فى الهوا وكنت فى طريق مصر اسماعلية الصحراوى وماجيبتش السرعة دى غير لما حرقت على كل غيار وخليته ياخد حقهاقتباس:
3- "انا مش بحب السؤال دا بس ماشي مش مهم" اقصي سرعه جبتها بالبرايد كام و علي طريق ايه و سحبها كان عامل ازاي و ثباتها كان عامل ازاي
أنا ماعنديش ار بى ام وبنقل على حسب صوت الموتور وبالنسبة للسرعات فأنا من بعد كام تجربة فى بلدنا العظيمة بقيت عمرى ما ازود على 100اقتباس:
4- ثبات و سحب العربيه كويس لحد السرعه كام و بتنقل علي ار بي ام كام
أنا بصراحة مواظب على الزيوت والسيور والبطارية والاساسيات بس فيه حاجات مأجلها علشان الدنيا ماديا مش مظبوطة بس هى كلها حسبة 1500 جنيه والعربية ترجع عروسة بإذن اللهاقتباس:
5- بتعمل صيانه دوريه للعربيه ولا زيت و بنزين و كاوتش و بطاريه بس و مطنش للسيور و الكاوتشات و الذي منو
هيا بتفوق اه علي ال92 بس ال80 بيمشيها اصلا ولا هاتفضل تسقف و ما ترضاش تسحب
انا بتعمل معايا ببنزين 92 حوالي 8 لتر في ال100 كيلو بس بسرعه مش اقل من 110 او 120 ز سمعت اني لو حطيت 90 او 80هاتعمل اكتر لان حرقوا بيبقي اصعب و مش فاكر الصراحه لما بسوق بالراحه بتعمل كام بس المفروض تعمل كلوهات اكتر من كدا في كلتا الحالتين سريع او بطيئ لان المعدل دا قليل بالنسبه لموتورها هيا دي سيدان مش هاتشباك ف انا مش متاكد بعدين مش بحرق علي الغيارات خالص الا الرابع و دا لو مسافر غير كدا عادي من 2 و ريع ل 2 و نص ار بي ام
ههههههه للاسف كل اللي ساقوا العربيه دي في العيله جابوا بيها ال150 و والدتي ربنا يديها الصحه علي اسكندريه الصحراوي مشيت الطريق كلو علي 170 بس انا كنت حاسس ان العربيه بتطير و دا كان اخرها مع الحرق علي الغيار الرابع شويتين
انا الصراحه زيوت اه بطاريه كاوتش ... سيور كانت مره واحد غالبا و العفشه و الحاجت دي بردة مش فاكر كام مرة بس باين واحده ما عدا الكبالن للاسف بتبوظ بسرعه مش عارف عيب ف السواقه ولا العربيه
معلش يا رجالة الأول مساء الخير عليكوا وشكراً للمجهود الجبار اللي إنتوا عاملينوا
بس أنا عندي سؤال
أنا لسه شاري كيا ريو 2001 مستعملة بس إظاهر إنها خدت عين محترمة المهم إن الإكصدام الأمامي باظ خالص وكنت عاوز واحد تاني فسألت عليه فى التوكيل قاللولي ب 700 جنيه فهل ممكن أجيبة بسعر أقل من كدة ولو حتي إستيراد
وللمعلومات أنا سألت في الحرفيين ملقتش غير الجديد وبرضو ب 700 جنيه.
أرجو الإفادة سريعاً لأني من يوم مإشتريت العربية مركبتهاش غير مرة واحدة بس.
وشكراً
السلام عليكم ورحمة الله وبركاته
احب اعرفكم بنفسى الاول
اسمى كريم ومن الاسكندرية ومعايا العربية موديل 99 السيدان وكاملة اوتوماتيك
بس عندى مشكلتين جامديين ياريت حد من السادة الافاضل يفيدنى فيهم
الاولى العربية بتاكل بنزين بشكل جامد
والتانية التكييف ضعييف شوية
لكن عدا >لك العربية زى الفل
وعليكم السلام و رحمه الله و بركاته
اهلا وسهلا استاذ كريم منورنا والله
الاول حضرتك بتحط بنزين كام و بتعمل معاك قد ايه
بالنسبه للتكييف مش هاقدر اساعد حضرتك عشان ما عنديش بس اعتقد انو بعد ال90 او 100 بيبتدي يضعف شويه بس مش جامد
علي العموم اكيد الاساتذه الاخرين هايردوا علي حضرتك في الموضوع دا
و هل حضرتك مواظب علي صيانت العربيه ولا لأ لان دا مهم جدا في تحديد المشكله
هل حضرتك سألت في ميدان الجامع في شارع دمشق او في جسر السويس و في اماكن تانيه لقطع غيار الكيا في الصفحه الاولي تحت و بيها ارقام التليفونات ....... اشهر واحد هوا الجندي و دا في جسر السويس و في شارع دمشق و في كتير تانيين في كابري كمان كويس بس عاوز حد يفاصلوا بس هوا مش مغلي اوي
لو حضرتك عايز نمر تليفونات الجندي و كابري و واحد كمان في اول الشارع بس مش فاكر اسموا اجيبهم لحضرتك
احى العزيز هذا لينك الصفحه اللى مكتوب فيه اسماء واماكن وارقام تلفوننات بتوع قطع الغيرا اللى كان حاططهم المناور هتلقيهم فى مشاركات رقم 5 6
http://www.nilemotors.net/Nile/211218-a.html
اليوم 28/5/2011 تم تغير بلية العجله الاماميه يمين بسبب الصوت العالى اللى كانت بتصدره كانت مصدعانى والحمد لله تمام انا قلت احكيلكو واشار ككم
امامى هتلقم بليتين واحده بره وواحده جوه 60 جنيه البليتين +20 اولسيهان وعلبه شحم المهم الحمد لله غيرتهم والعربيه بيت تمام
البليه لا يوجد ليه خطر على العربيه سواى الصت اللى بتلعه زى نعره او وانه جاااامده والحمد لله خفيت وبقيت تمام
معلش يا شباب اتأخرت عليكم كنت فى مكان مافيهوش نت ولسه راجع
معلش اصل انا عندي امتحانات ف مش بقعد كتير
معلش استاذ monmonty انا ما ردتش عشان ما كنتش بفتح نظرا للامتحانات و فعلا الرد في الصفحه اللي الاستاذ جون قال لحضرتك عليها و انا هادور لحضرتك علي ارقام الناس اللي اعرفها و غالبا كلهم في شارع دمشق بردوا