الموضوع: رابطة ملاك الكيا برايد - كلاكيت تانى مرة!

جوز كبالين صينى 200
جوز كبالين يابانى 350

معايا السيدان مصري 2004 مكيفة مانوال
عربية جيدة بالنسبة لسعرها
تكاليف الصيانة قليلة مقارنة بأخريات
بس قطع غيارها مش معمره
وهي نفسها بتحتاج صيانات مستمرة
خصوصا البلي، سلك الدبرياج، المقصات، ضبط الزوايا، الفوانيس، ضبط كهربة الاسبراتير، الزجاج الكهربائي، المساعدين

المشاركة الأصلية كتبت بواسطة tawfic

تحيه ياموهاك على مجهودك الرائع
امام بخصوص السايبا فانا من ملاكها الاوائل ( رابع واحد يشتريها فى مصر )
وكنت عامل موضوع عنها من يوم ماجبتها من 14-يناير-2009
وده رابط الموضوع
http://www.nilemotors.net/Nile/54953-a.html
ملاحظه عامه سريعه عن السياره
تحفه وبجد احسن قرار خدته انى اشترتها
واى استفسار انا فى الخدمه

موضوعك المميز عن السابا قلت ماحدش حايحط اللينك بتاعه غير صاحبه وبالموضوع ده ان شاء الله حانبقى غطينا كل جوانب العربية القديم منها والحديث

المشاركة الأصلية كتبت بواسطة sama_Sama

معايا السيدان مصري 2004 مكيفة مانوال
عربية جيدة بالنسبة لسعرها
تكاليف الصيانة قليلة مقارنة بأخريات
بس قطع غيارها مش معمره
وهي نفسها بتحتاج صيانات مستمرة
خصوصا البلي، سلك الدبرياج، المقصات، ضبط الزوايا، الفوانيس، ضبط كهربة الاسبراتير، الزجاج الكهربائي، المساعدين

يا مرحب بيك يا استاذ sama أنا برضو عندى لازم اتابع على الكهربا والزوايا كل فترة بقية الحاجات ماشية مظبوط والحمد لله بالنسبة لقطع الغيار اللى مش اصلى هى اللى ما بتعيش وبتدى اداء معقول بس مش مرضى قوى

اسعار العربية فى السوق

بالنسبة للهاتش باك فتتراوح ما بين 25 الف إلى 28 الف
وبالنسبة للسيدان الكورى أو المصرى ما بين 30 الف وحتى 35 الف

النهاردة روحت الحرفيين علشان كنت عايز اجيب طنابير وتيل خلفى للعربية وحاقولكم على اسماء المحلات اللى لقيتها فى سكتى لبيع قطع غيار البرايد ومعلش يا جماعة أنا حاقول اسماء المحلات بس لان دى اول مرة اروح الحرفيين وماعرفش اسماء الشوارع

محلات الكيا الاستيراد : محل الصعيدى ، محل المصرية الاسيوية ، محل الاسراء دول كلهم جنب بعض بس مالقيتش عندهم أى حاجة من اللى بسأل عليها ، اللى لقيت عنده حاجات البرايد مخصوص محل اسمه محمد مهران وده جبت عنوانه من الكارت : ش/ د. أحمد ممدوح امام بلوك 8 وعلشان ملقيتش غيره والراجل شكله حس انى دوخت عقبال ما لقيت الحاجات اللى عايزها فكان مش راضى ينزل نكلة ، وزى ماكنت قلتلكم أنا كنت بدور على طنابير خلفى وتيل فمالقيتش عنده غير طقم الفرامل كامل التيل بالطنابير بالبلى بكل حاجة والجوز ب 250 جنيه وكنت عايز عصاية الغيارات كاملة ودى لقيتها عنده ب 175 جنيه

ولقيت محل واحد بيبع قطع غيار الكيا جديد واسمه الاستاذ بس مغلوانى شوية جوز الطنابير كورى عامل 270 جنيه والتيل ب 70 جنيه

بس أنا فضلت اشترى الاستيراد علشان ماكنتش عايز اجيب جديد تعبان وكمان غالى وعلشان اجرب الاستيراد وقبل ما اشترى اتفقت مع الراجل ان الحاجة لو طلع فيها حاجة حرجعهاله علطول ، والحمد لله الحاجات كانت كويسة حتى الشحم اللى محطوط كان من النوع النضيف ويادوب لقينا جزء كان مصدى من كتر الركنة فبدلناه من الفرامل القديمة .

انا معايا كيا برايد سيدان
عايز اعرف سعر بلية العجلة الخلفية
وكمان او انا عايز اعرف مقاس سير التكيف ومعنديش القديم اعمل اية؟؟؟؟؟؟؟
انا من اسكندرية ارجو المساعدة وشكرا مقدما

المشاركة الأصلية كتبت بواسطة johnghaly

جوز كبالين صينى 200
جوز كبالين يابانى 350

انا جايب مساعدين ياباني ب500 جنية من اسكندرية شارع صلاح الدين نوعهم kyb