هههههههه اه ان شاء الله بس ربنا يسهل باذن الله و انا هاخلي راسكوا ف السما :16:
عرض للطباعة
32
يانهار برايداوي
دا كتير جدا جدا جدا جدا و خطر علي فكره لان العربيه مش هاتبقي ثابته لان مساحه الكاوتش اللي بتلامس الارض بتقل و دا غلط جدا و بيسبب حوادث كتير لا قدر الله
اعتقد 30 كتير علي البرايد انا عن نفسي عامل 28 نيتروجين و زي الفل و الدركسيون خفبف جدا كان العربيه باور
اه فعلا العربيه خفيفه جدا و دي ميزة و عيب ف نفس الوقت للاسف و الواحد لو مش واخد بالو شويه و هوا سايق بيبقي صعب التحكم ف العربيه
انا مش بوصلوا ابدا الا علي التالت و الرابع و اكيد مش هاجيب الرابع الا ف السفر لان الرابع لما بجيبوا قبل كدا العربيه بحس انا مكلبشه ف الارض و لازم ادوس بنزين جامد و ساعتها بتسقف ف بتصعب عليا :crying2: مش عارف حكايه الرابع و سحبو دا عندي بس ولا هيا العربيه كدا عشان امكانياتها
الحمد لله انا بعد ما خلصت امتحانات و اخويا خلصت امتحانات الثانويه امبارح نزلت مصر النهارده عديت علي عمي عشان يوريني مركز الخدمه و رحت شفته و دي صوره منو بس انا ما عملتش حاجة عندو لان الناس زحمه جدا و قالي قدامك بتاع ساعه و نص روح مشوار و تعالالنا ف طنشت بس عايز ارائكو ف المركز دا....هوا تبع محطه بنزين زي ما ف الصورة بس الساعه كانت 4 و انا ما كنتش هاصبر
http://i1215.photobucket.com/albums/...6-29153116.jpg
دا علي فكره ف ميدان الاسماعيليه اللي بعد ميدان سفير لما تلف الميدان بتاع الاسماعيليه هتلاقوه علي جنب كدا
دول بقي صور من عندي و عايز خبرتكو ف مساعدتي عشان العربيه هاتجنني من ساعت ما خلصت امتحانات و انا سايق طول النهار و العربيه مجنناني
دي صوره لترصيص سليم
http://i1215.photobucket.com/albums/...6-25184043.jpg
و دي صوره لترصيص تاني مش كدا دا يبقي بايظ ...؟؟؟
http://i1215.photobucket.com/albums/...6-25184102.jpg
و دا اعملوا عادي عند بريدج ستون ولا مش هايفهموا "عشان انا معقد من الزوايا بتاعتهم "
تاني حاجة دا الكاوتش اليمين جنب السواق دايب بس من جوا و من برا سليم دا ايه زوايا ولا ايه....؟؟؟
http://i1215.photobucket.com/albums/...6-25183908.jpg
و دي الفرده بتاعت السواق
http://i1215.photobucket.com/albums/...6-25184011.jpg
هما ليه دايبين من جوا و من النص و بره لا انا مش عارف
و دي مني ليكوا عداد العربيه و الرقم القياسي ههههههه علي فكره هما زادو 600 كيلو
http://i1215.photobucket.com/albums/...6-12143308.jpg
انا علي فكره قست استهلاك البنزين عندي انا بحط بنزين 92 و بحط ب 50 مقفوله بتحط حوالي 27 ليتر
عملت بيهم 306 كيلو انا لسه ما حسبتش كدا هاحسبها و نشوف كدا حلو ولا لا
علي فكره سواقه هاديه معظمها سفر علي اسماعيليه الصحراوي سرعه من 80 لغايه 130
اخر حاجة بقي العربيه بتعمل حاجة مش عارف اوصفها
و انا سايق علي السريع فوق 70 او 80 كدا و الطريق بيبقي فيه شويه حتت معوجه كدا او المطبات الخفيفه دي او اسفلت طالع او داخل بلاقي العربيه بتعوم ... اول ما بعدي من فوق الحاجات اللي زي دي بلاقي العربيه بتروح يمين و شمال جامد جدا و كل ما ازود سرعه و اعدي بتحدف اكتر زي ما بعدي من جنب مقطوره و تقوم حدفاني الناحيه التانيه
انا عارف اني طولت بس انا بقالي كتير ما شوفتكمشي ولازم اصدعكو شويه بقي هههههه
ايه يا أبو ايمن ده ؟! داحنا عربياتنا نسخة من بعض الحدفة اللى بتحصل وتأكل الكاوتش حتى الترصيص..... انا وانت لازم نروح لحد بتاع عفشة كويس علشان يظبطلنا الدنيا الخربانة دى
بالنسبة للمركز اللى فى البنزينة فمش عارف عنه حاجة بس زى ما قلت قبل كده أنا برتاح فى المراكز المتخصصة أو الورش اللى فيها صنايعية فاهمة اما اللى بيبقوا تبع البنزينات بحسهم اخرهم شغل على خفيف .
بالنسبة للترصيص فى بريدجستون حايظبطولك الدنيا إن شاء الله والناس فعلا فاهمة وانا من بين الكام مرة اللى ظبطت الزوايا فيها اكتر مرة حسيت فيها بتحسن ملموس كانت معاهم بس عيبهم لو فيه غلطة فى الجنط مثلا حايقولك روح صلحها وتعالى تانى وده اللى مخلينى بقالى فترة مش متابع معاهم علشان عندى عوجات جامدة فى الجنط
وأنا افضلك تروح لحد بتاع عفشة تكشف على الدنيا كلها وبعدين لما تخلص تطلع على بريدجيستون تظبط زوايا وترصيص .
أنا عندى بقى مشكلة شبيهة بمشكلتك وهى انى لو ماشى على 70 أو 80 وجيت اعدى من فوق عيون قطط الاقى العربية من ورا راحت يمين او شمال وياسلام لو جيت اخد عيون القطط دى فى ملف زى اللى فى مخرج نفق الازهر وانت رايح على صلاح سالم بلاقى العربية بترقص من ورا أو تجنح منىاقتباس:
و انا سايق علي السريع فوق 70 او 80 كدا و الطريق بيبقي فيه شويه حتت معوجه كدا او المطبات الخفيفه دي او اسفلت طالع او داخل بلاقي العربيه بتعوم ... اول ما بعدي من فوق الحاجات اللي زي دي بلاقي العربيه بتروح يمين و شمال جامد جدا و كل ما ازود سرعه و اعدي بتحدف اكتر زي ما بعدي من جنب مقطوره و تقوم حدفاني الناحيه التانيه
بالنسبة لاستهلاك البنزين حاسه كتير شوية بس للدقة قولى بتعمل كام لتر فى ال 100 كيلو علشان اقولك كويس ولا لأ
يا جدعان انا ضهرى اتقطم من العفشة بجد مفيش انشف من كده اقل كسر فى الشارع أو خبطة بتسمع فى ضهرى ويا عينى لو حد راكب معايا ورا بيتظبط احسن تظبيط ، أنا لسه سايق دايو لانوس من يومين ومشيت على نفس المطبات والتكسيرات ومكنتش حاسس بأى حاجة خالص .
فهل انتم كمان بتواجهوا نشوفية العفشة دى ؟ وهل فيه حل ؟
انا ان شاء الله مسافر اسكندريه اول الاسبوع و اول ما ارجع ان شاء الله نروح نشوف حكايه العربيه دي لحسن الحدفه دي خطيره جدا و الكاوتش اللي بيتاكل دا مش فاهم مالو
الترصيص انا رحت بريدج ستون و الحمد لله العربيه اتظبطت و الرعشه اللي مع السرعه راحت
الزوايا بقي عندي عقده منها لاني كل ما اروح لحد يقولي روح دخل الفرده مش عارف منين كدا و تعالا و روح لسمكري يعمل ايه و تعالا ف انا زهقت و طنشت و اللي عندو حد متاكد منو ميه ف الميه يقولنا خلينا نروح نشوف الحكايه دي انا بقيت امشي علي 80 عشان الحدفه
البنزين بقي من العاشر من رمضان للقاهره و زحمتها عملت 338 كيلو ف ال27 ليتر يعني حوالي 13 كيلو لل لتر اعتقد دا كويس كدا
انا كان عندي الرقصه الي ورا دي و غيرت المساعدين و بقت تمام بس عايزة حاجة تقيله سنه تتحط ف الشنطه او ورا لان العربيه بعد ما غيرت المساعدين بقت وزة