الموضوع: البايك والمناخ الممطر

جامد الموضوع ده
انا ابارح كنت في الاقبال و كنت بغير الكوتشة ( ديبو كان حاضر معايا بكل حواسه ) و طبعاً انا عملت لنفسي اساسيات علان السواقة في المطر و هي

1- تنسي ان انتا تجري و تكون لازق في عربية علشان الفرامل و الزحلقة بتعتها
2- لما تكون عايز تهدي البيك بسرعة اعتمد علي الانجين بريك طبعاً و انت سايب بنزين علشان لو بيك عالي ذي ال1000 مثلاً تيجي يا معلم تسقط و انتا كابس بنزين يجي الاول يشقلطقك
3 - تنسي خالص موضوع الغرز
4 - الملفات براحة و علي سرعة هادية ( متفتكرش نفسك روسي و تخش بني دون) و ايدك ثابته علي البنزين و طبعاً مافيش ميلان جامد علشان لو في حاجة طلعت قدامك مرة واحدة تعرف تهدي من غير ما يحصل ليك حاجة
5 - ابعد قدر الامكان عن برك الميه علشا ميكونش في نقره تشقلطك بالبيك
6 - السرعة علي حسب الطريق و الزحمة وطبعاً بتبقي اقل من المعتاد بكتير
7 - لو انتا لابس خوزة يستحسن تكون لابس جونتي علشان الاسكرينة بتاعت الخوزة حتتملي نقط ميا و لو عملتها بايدك حطليط فالجونتي تقدر تمسح بيه احسن
8 - طبعاً الدنيا بتبقي مغيمة فتولع النور
9- سرعة ثابتة من غير قرص في الملفات ولا كبس فرامل مرة واحدة و لو عايز تزود سرعة درجها احسن يعني متنتش الغيار و تكبس بنزين

و طبعاً عينك مركزة علي الطريق بما انك سايب ماسفة حلوة مابينك و مابين الي قدامك علشان تقدر تتفدي اي نقرة او اي حاجة ممكن تطلع مفاجأة علشان متعملش اي حركة سريعة بالبيك فتتزحلق و تقع

بالنسبة بقه للبهدلة انتا بتتبل و ده عادي خالص
الطينه لزوم المطر
الجونتي علشان فيه ناس حلو بتجري حتلاقي رزاز طينه غرقق انتا و اسكرينة الخوزة فتقدر تمسحا من غير ما تعتم او تليط الرؤية

و ربنا معانا

و ممكن تجيب الافرول الوتر بروف الي ديبو قال عاليه و فيه زيه بالظبط للبيك ( علشان تغطية و انتا راكنه ) و تاخد بالك ان الكوتش مش حيسخن بسرعة ذي الظروف العادية فا ممكن تتزحلق

والله الافضل عدم الخروج بيه او بالعربية في الاجواء الغريبة دي لغاية الامور ما تتظبط

طيب بالنسبه لغسيل المكنه..فى ناس بتغسل بالكمبروسر..ده عادى..ولا ليه اى اضرار؟
والمكنه كلها تتغسل عادى بالمياه بعنى الفبر والموتور عادى؟؟

المشاركة الأصلية كتبت بواسطة hassan_gost

طيب بالنسبه لغسيل المكنه..فى ناس بتغسل بالكمبروسر..ده عادى..ولا ليه اى اضرار؟
والمكنه كلها تتغسل عادى بالمياه بعنى الفبر والموتور عادى؟؟

عادى مفيش مشكلة بس استنى لما المية تنشف خالص وبعدين دور المكنة علشان تدور بسرعة وكمان لو مشيت والميه لسه موجودة والجو فى تراب هتبهدل المكنة تانى

موضوع جميل جدا فى جو الشتاء ده طبعا لازم يكون معانا على الاقل غطاء للبايك ويكون ووتر بروف لازم فى الشتاء للو الواحد هاينزل بالبايك وتخلى بالك فى الملفات واكيد جدا فى الملفات وربنا يسلم