نفسى أعرف الناس بتشترى موبايلات غالية ليه..يا ترى تستاهل!؟

**alrabeh** · 04-04-2011 12:13 PM

دعوة للحوار ليه الناس بتشترى موبايل وتدفع فيه آلافات
فياريت نتحاور هل فعلا فيه مزايا بتستخدم تستاهل ان الواحد يدفع فى موبايل فوق الألف جنيه
علما بأن فيه موبايلات كتيرة فى حدود الألف جنيه وفيها كل المواصفات من حيث الشكل والتاتش الجيد و الواى فاى والكاميرا (مع اننى لا أقتنع بجودة كاميرات الموبايل مهما كانت كويسة الا انها بتتميز انها بتكون مع الواحد فى اى وقت وفى اى مكان فصورة الكاميرات الديجيتال افضل على الإطلاق) كذلك يوجد بالموبايلات دى امكانيات مختلفة بالنسبة لموضوع الصوتيات الخ من امكانيات
هدف التحاور هو ان نشترى ما نحتاجه فقط ونستخدم باقى الفلوس فى شراء اشياء أخرى علما بأن الموضوع ليس له علاقة بواحد غنى او بواحد مش غنى القصة قصة مبدأ
شكرا والله الموفق

**swimmer25** · 04-04-2011 01:16 PM

فوائد المحمول الجديدة الغالية كتير زي النت والميل والاوفيس وللأسف متطلبات كتير من الناس بتحتاجها عشان تواكب العصر الحديث والسرعة...دلوقتي بقي ممكن يكون عدم ردك علي ميل في غير مصلحتك المهنية لأن التكنولوجيا موجودة...ملكش عذر

أنا معاك شايف إن اللي مش محتاج الخدمات دي أحسن أنه يوفر فلوسه في حاجة أفيد ليه..هي بس بقت موضة وناس كتير بتمشي وراها
في نفس الوقت أنا شايف أن التكنولوجيا دي بتقلب حياة الإنسان لجحيم

**alrabeh** · 04-04-2011 01:32 PM

أنا أقصد ان الإحتياجات الأساسية موجودة بالفعل وانا معك ان منها الإيميلات

بالنسبة للإيميلات فيه اجهزة كتير بتدعم الإميلات وبتبدأ من ال 800 جنيه

كذلك يوجد اجهزة تدعم قراءة ملفات الأوفيس والأدوب ريدر

**swimmer25** · 04-04-2011 02:08 PM

بصراحة ماليش في الموبايلات اوي..انا لسه معايا نوكيل 6630
بس الفرق في السعر بنفس الامكانيات اكيد له مبرر..من جودة أو صناعة أو سهولة إستخدام

**alrabeh** · 04-04-2011 02:56 PM

المشاركة الأصلية كتبت بواسطة mahora

هى نسبة و تناسب.... كل ما زادت احتياجاتك كل ما كان الموبايل اللى بيحققلك كل احتياجاتك اغلى و هكذا

علشان كده عاوز اعرف ايه الحاجات دى اللى ممكن الموبايلات الغالية تحققها عن الموبايلات اللى سعرها فى حدود الألف جنيه او تزيد قليلا

**MMMERO** · 04-04-2011 02:58 PM

بص ياباشا الموضوع لة كذا جانب كالتالى
1- فية تكنولوجيا جديدة ونظم تشغيل وبرامج ما ينفعش تشتغل الا على امكانيات عالية
2-شاشة الموبيل وحجمها
3-فية ناس بتمل من الموبيلات بتاعتها وبتحب تغير
4-منظرة قصاد بقية البشر

**Ducati** · 04-04-2011 03:33 PM

المشاركة الأصلية كتبت بواسطة mmmero

بص ياباشا الموضوع لة كذا جانب كالتالى
1- فية تكنولوجيا جديدة ونظم تشغيل وبرامج ما ينفعش تشتغل الا على امكانيات عالية
2-شاشة الموبيل وحجمها
3-فية ناس بتمل من الموبيلات بتاعتها وبتحب تغير
4-منظرة قصاد بقية البشر

جبت المفيد ياميرو واللهي

**alrabeh** · 04-04-2011 04:35 PM

إخوانى الأفاضل نتفق على شئ
أننى مش ضد الموبايلات الغالية بس عاوز الإخوة الأفاضل اللى عندهم تجربة بخصوص هذه النوعيات ان ينقلوا لنا خبرتهم بخصوص ذلك
بمعنى آخر يقولوا بيستخدموا ايه من مزايا تكون غير موجودة بالموبايلات اللى فى حدود الألف او تزيد قليلا