عرض للطباعة
أخواني الأعزاء
بصراحة تعبت من التفكير عايز أجيب سيارة هاتشباك في حدود 35 -40 ألف
و بعد البحث و الفحص و التمحيص استقريت اني أجيب فيات بونتو!!
لكن بعد كده لقيت ناس تقول ما فيش حد بيفهم فيها و قطع غيارها غالية و .......:untitled 1:
يا ريت يا جماعة تنصحوني هل ده كلام سليم
و لو بلاش بونتو أجيب ايه في الرينج ده
و لو حد عنده عربية كويسة (كويييسسة) هاتشباك يقوللي
و جزاكم الله خيرا على نصايحكم و تعبكم:Oc_sun1[1]:
مش هقدر أفيدك في البونتو لاني معرفش عنها حاجة تقريبا..أكيد أعضاء قسم الفيات هيفدوك في الموضوع دا ان شاء الله.
اما بالنسبة للمبلغ ال معاك مفيش افضل من الدايو جوليت ..أعتقد هي الوحيدة ال تكسب في كل حاجة في فئتها وفي رنج سعرها
انا كنت في حيرتك و اشتريت البونتو
العربيه جميله فعلا بس قطع غيارها غاليه نسبيا بس انا مستمتع بيها جدا
دايو جولييت
الكل بيشكر فيها وقطع غيارها رخيصة وومنتشرة جدا لانها زى اللانوس واعطالها قليلة وهاتش باك وبصراحة مبسمعش اى حد بيشتكى منها وعند ميكانيكى فى الحرفيين بتاعته يعنى وقالى جميلة جدا واحسن من الاوبل كورسا فى صيانتها واسعار قطع غيارها واعطالها اقل من الكورسا
انما لو غاوى المانى تبقى اوبل كورسا وسعرها اقل من كده اقل من 30 الف كمان بس قطع غيارها موعدكش
البونتو معنديش عنها معلومات كافية بس اعرف ان قطع غيارها مش رخيصة ومعتقدش انها غالية برضه
انا من رأيي تركب بولو 2000 او 2001 بجد عربية ماتتوصفش ادخل قسم فولكس كدا وانت هتقتنع بيها كفايه انها الماني
انا راى الكورسا من 94 لغايه 97 1200 سى سى عربيه جميله اوى و قطع غيارها متوافرة و مش غاليه اوى مقارنه بالبونتو بس لو انتا عايز عربيه حلوة و قطع غيار رخيصة يبقى خليك فى الدايو مع انها صراحة مقارنه بالاوبل فى فرق شاسع :embarrassed:
العربية دى كانت عجبانى لكن عيبها الوحيييييييد موتورها 1000 بس ومع السفر والتكييف طبعا مش هتجرى (على فكرة انا جربتها قبل ما اشترى ) يعنى مش سمعتاقتباس:
المشاركة الأصلية كتبت بواسطة bmw30
وجبت بونتو الحمد لله ممتازة وموتورها قوى بالنسبة للحجم والفئة دى وافضل من البولو والابيزا لانى جربت العربيتين دول
سحبهم ضعيف مع التكييف
بالنسبة لصاحب الموضوع رأيى البونتو افضل وقطع غيارها اغلى من الجولييت بحاجات بسيطة وفى ميكانيكة متخصصين فى الفيات الحديث عادى