مطلوب ميكانيكي بيفهم في 305

**أحمد علوان** · 04-04-2011 04:02 PM

يا ريت يا جماعه انا عايز ميكانيكي بيفهم في ال 305 اعمل عنده عمرة
ويا ريت الاخ المحترم ابو عمر أو الاخ المحترم ميدو حد يفيدني ويفولولي الميكانيكي اللي عمله عنده العمرة
وياريت لو حد عمل عمرة عند ميكانيكي كويس يقولي فين اروحلة
وياريت لو اي توضيح عن الاسعار
انا حيران وبقالي فترة بأسأل ومحدش بيرد عليا يا اما حد يقولي عندي وهاقولك ومحدش بيقول انا حاسس ان المنتدى اتغير خالص
انا زعلان جدااااااااااااااااااااااا ااااااااااااااااااا

**aboomar22** · 04-04-2011 09:07 PM

متزعلش قوى كده احنا تحت امرك بعتلك على الخاص بس عندك حق ميدو بقاله كام يومين مش باين ودى مش عوايده هقوم اكلمة على الموبايل اطمن عليه

**MEDO84EG** · 05-04-2011 11:48 AM

الف شكر يا استاذ ابو عمر
و استاذ احمد علوان و الله مش تطنيش
و الله انا متلحوس شويه بس
و عاوزك تفهمني
انا عاوز اخلص العربيه كلها و اديلك المفيد علشان تتلاشي اي خطأ وقعت فيه
زي ما ابو عمر عمل
خلص خالص و فادني بخبرته
و لما عمنا عربيتي استفادنا
فانا عاوز اخليك تتجنب المشاكل اللي وقعت فيها
و يا سيدي انا تحت امرك
لو عاوز عنوان الميكانيكي او نمرته من دلوقتي و مش عاوز تصبر
تحت امرك
انا بس كل هدفي المصلحه

**peugeot305** · 07-04-2011 04:54 PM

شوف يا سيدي في ميكانيكي بيجو جنب سجن طرة من ناحية اوتوستراد قريب من محطة مترو طرة البلد بعمل عنده الان طقم شنبر بحوالي 1000 جنية تليفونة 0129826268 اسم بدر ده ميكانيكي بيجو تمام بس بيفتح الصبح حوالي 12 ظهرا ده عيبة بس بيسهر شوية

**aboomar22** · 07-04-2011 05:28 PM

ربنا يجعلها عمرة مبروكة يارب طيب ما ال1000 جنيه دول عبارة عن ايه ياريت تفنط لنا كدا اهو نتعلم مع بعض يعنى مثلا ثمن طقم الشمبر كام الصبابات والدلايل كام خراط وش السلندر كام طقم الجوانات كام مصنعية كام اه نتعلم مع بعض كده

**أحمد علوان** · 08-04-2011 07:26 PM

ربنا يباركلمك يا جماعة ويجعلوا في ميزان حسناتكم
انا كلمت ابو عمر وكان فعلا ونهم الأخ وباشمهندس ميدو كمان بعتلي وهو بردو نعم وأخونا الجديد بيجو 305 ربنا يباركلة في عربيتة ومشكور جدا على رقم الميكانيكي
ان شاء الله انا هاروح يوم الاتنين هاتفق مع ابة عمر والباشمهندس ميدو واروح للميكانيكي بتاعهم وان شاء الله انجر في حوار العمرة دي
وان شاء الله تكون خير.
والاهم انها تكون معرفة خير للاخوة هنا في المنتدى والزملاء في البيجو 305 لان كان ليا مرة وحدة اني اتصاحبت على حد من هنا وندمت اني وثقت فيه بس المرة دي انا متأكد ان الصداقة مع الناس دي هي الصداقة اللي بجد والناس باين عليها انهم ولاد حلال ونعم الأخوة

**MEDO84EG** · 11-04-2011 11:51 AM

و الله يا استاذ احمد
صدقني و الله الاستاذ ابو عمر ده و الله العظيم مفيش زيه
انسان ما شاء الله بمعني الكلمه
ربنا يحميه و يحفظ اولاده و يشوف فيهم كل خير

**أحمد علوان** · 11-04-2011 10:25 PM

المشاركة الأصلية كتبت بواسطة medo84eg

و الله يا استاذ احمد
صدقني و الله الاستاذ ابو عمر ده و الله العظيم مفيش زيه
انسان ما شاء الله بمعني الكلمه
ربنا يحميه و يحفظ اولاده و يشوف فيهم كل خير

اللهم آمين هو وانت فعلا من الناس المحترمة ربنا يباركلكم ويحميكم

**MEDO84EG** · 12-04-2011 12:02 PM

استاذ احمد علوان
ارفض مساواتي بالاستاذ ابو عمر
مينفعش تقول هو و انت ناس محترمه
لان الايتاذ ابو عمر ما شاء الله فوووووووووووووق اوي
ربنا يبارك فيه و يحمي اولاده و يحميهم من كل سوء