لو سمحتو يا جماعه لو حد عنده خبره بكيفيه فك تابلوه المونديو كامل(لأني بعرف فك لوحه العدادات والمفاتيح بس)
لأني عاوز افكه بره
ممكن
ياريت ويبقا كتر خيركو
عرض للطباعة
لو سمحتو يا جماعه لو حد عنده خبره بكيفيه فك تابلوه المونديو كامل(لأني بعرف فك لوحه العدادات والمفاتيح بس)
لأني عاوز افكه بره
ممكن
ياريت ويبقا كتر خيركو
اكتر حاجة بحبها الناس الي بتشتغل باديها في عربيتها وانا شخصيا بحس بمتعة لما بعمل حاجة في عربيتي بنفسي بس نصيحة يابشمهندس محمد روح لكهربائي لحسن لان التابلوة بتاع المنديو بحس انو معقد ومتلصم فممكن تفكو تحتار في تركيبو وميبقاش مظبوط .
في كهربائي اسمو عوني في صقر قريش المعادي انا رحتلو وهوا ممتاز وهما ناس بيشتغلو في التوكيل الصبح وبعد الظهر فاتحين المركز دة وبيشتغلو كهرباء وميكانيكا وناس كويسن.
واله الموفق
احلي حاجه فيك يا تامر انك دائما تتكلم في المفيد
ممكن نمره تليفونه لو تكرمت
لا يا جماعة أنا مجرب عونى ده و طلع حرامى
أنا مجربو فى البوجيهات بعهالى ب 150 من غير التركيب و سئلت عليها عند بدرسيان فى التوفيقية كانوا ب 120
ياريت حد يقولنا ايه حكايه عوني ده وتجاربه معاهههههههه
هو أصلاً بتاع تكييف مش كهربيء. على فكره هو شاطر أوي أوي في التكييف بس غالي
ممكن تليفونه
افضل واحد ممكن تثق فيه يفكلك الطابلوه يكون حد من الي بيشتغلوا في محلات قطع الغيار الاستيراد علشان اكيد عدا عليه زي الطابلوه ده عشرة و اكيد بيعرف يفكه من غير خسائر
معلش يا بشمهندس محمد كان بقالي فترة ميدخلش كتير الرقم 0122189081
وانا جربتو مرة وكان سعرو معقول مش غالي ونصيحة متخليش صنايعي يجبلك قطع غيار ابدا لان النفس امارة يالسوء
انت ليه عايز تفك التابلوه المهم انا شايف لو هتفكه علشان حاجة بسيطة ممكن تقوم انت بالعملية دى لو انت فاضى او انك تقعد مع الصنايعى اللى هيفكه لان الصنايعية دول وجهة نظرهم ان الخواجة اللى عامل العربية بيبالغ قوى يعنى مثلا الخواجة مثبت فبرة ب 4 مسامير الصنايعى بعد التركيب تلاقيه مثبت مسمار واحد او 2 و الباقى زيادات اصل الخواجة اهبل وفلوسه كتير
المهم نصيحة قوم انت بفك التابلوه لانك هتكون حنين و فى نفس الوقت هتاخد بالك و عموما وانت بتفك اى حاجة لازم وانت بتفك ارسم الحاجة اللى بتفكها ورقم الاجزاء و المسامير اللى بتفكها عن طريق لزق اسمه paper tap و اول حاجة تفكها هى اخر حاجة بتركبها
دلوقتى انت عندك ورقة مرسوم فيها الحاجة اللى بتفكها مرقمة بالاجزاء و المسامير و الترتيب فى الفك - الحاجة اللى انت فكتها مرقمة و مرتبة اظن كدا بقت العملية سهلة عليك و ربنا يوفقك