سبيرانزا m11 مش هتقدر تغمض عنيك

**smsm2020** · 06-04-2011 03:06 PM

يا جماعة انا بقالى 6 شهور بسأل على العربيه ديه ومتابعها جداً والله مافى حد غير ماشكرلى فيها
بس فيها بعض العيوب زى اى عربيه تانيه وانا توكلت على الله وروحت حجزتها وعلى فكرة انا لو كنت سمعت من حد انها عربيه مش قد كدة
ماكنتش رميت فلوسى فى الأرض وطبيعى جداً ان اى حاجه فى الدنيا فى أختلاف عليها وعايز اعرف فين hemaa 82 مش سائل فينا ليه ولا تقلان علينا ماشى ياعم احنا برضو زى أخواتك .
تحياتى لكل الأعضاء المحترمين

**emad7759** · 06-04-2011 04:49 PM

المشاركة الأصلية كتبت بواسطة samehsalem

استاذ عماد مع احترامي لكلام حضرتك انا معنديش المشاكل اللي بتتكلم عليها دي كلها....غيرت الدينامو وده علي الضمان والقربة كمان علي الضمان ومكنة ازاز خلفي شمال هتتغير عالضمان لكن غير كدة العربية تمام تمام تمام وربنا شاهد علي كلامي انا كنت شاري من ابو غالي وتقريبا ابو غالي عنده ناس بتفحص العربيات اللي بيخدوها من ابو الفتوح عشان كدة مستحيل تلاقي واحد شاري من ابو غالي وعنده مشاكل في العربية بالطريقة الجامدة دي وربنا شاهد علي كلامي ....انا معاك ان العربية فيها عيوب تقفيل كتير وده راجع لقلة ضمير المصريين اللي جمعوها وخلو سمعتها في الارض بس ده بسبب قلة الضمير لا غير لكن كلها عيوب سهل تتصلح سواء في التوكيل او برة بس هما عاوزين وش خشب شوية عشان يعملوا اللي انت عاوزه وربنا يهدي الجميع للي في الخير ليهم يارب

ياخى الكريم امنا هنا فى المنتدا ده لكى نفيد بعضنا البعض

وانا لما بقول شىء لانى بمعدل كل عشرين يوم فى التوكيل

وانا مغب الحجات دى على حساب الضمان وانا لم اتفع اى مليم ليهم

غير فلوس الصيانه الدوريه للعربيه

وبعدين الاخ هيما عنده مشاكل برده فى عربيته يعنى عنده وصله شكمان وطنابير وكل ده مش موجود

ولله وعلم تم تغيرهم ليه ولا لسه

وبعدين ياخى الفاضل ابو غالى بطل الشغل فى الاسبيرانز خالص

لاصيانه ولا بيع وبطل التعامل فى هذه العربيات خالص

وبعدين هيما احنا عملنا كام مقابله وهو لم يحضر

فى المرتين الاولنين لانه كان عنده ظروف اترطه انه لم يحضر

وفى المقابله الاخيره فى ابو رواش رفض الحضور بحجه انه مش عاجبعه ابو رواش وبعد كده اكتشفنا منه هو انه شغال فى شركه فى ابو رواش

ولو اى حد مش مسدق اللى انا بقوله حددو مقابله للى معاه العربيه

والمياه تكدب الغطاص

وانا بقول نصيحه سيحاسبنى ربنا عليها

وربنا يبارك لكل اللى معاه العربيه

المشاركة الأصلية كتبت بواسطة hima77

مع كل الاحترام للاستاذ / عماد وربنا يعوضه خير عن المشاكل اللي في عربيتة ... بس العربية مع اتنين زمايلي في الشغل
الاولي : عاملة 24000 كم تقريبا كل اللي حصل فيها " الدينامو " فصل بعد 14000 كم وكان فيه صوت زنة جاي من الشنطة واتحلوا في التوكيل
الثانية : عامله 9500 كم تقريبا وماشاء الله .. الله اكبر .. زي الفل صوت رجرجة من المساعد اليمين الخلفي اتعمل في صيانة الـ5000 ومن ساعتها العربية ما شاء الله عليها

ومن متابعتى للعربية لاكثر من سنة علي أرض الواقع هو اللي شجعنى ان اجيبها

ياخى الكريم لو انتا مش مصدقنى نعمل مقابله واصحابك يجو المقابله بعربيتهم ونشوف والمياه تكدب الغطاص

وكلمه اخيره ياريت هيما هوة اللى يحدد المقابله الميعاد

والمكان ونتقابل على خير ونشوف العربيات على الطبيعه

وطبعا الكلام ده ميزعلشى حد

وشكرا ليكم

**smsm2020** · 06-04-2011 05:17 PM

يا باشا كل عربيه ليها مميزتها وليها عيوبها وبعدين اى عربيه على حسب أستعمال صاحبها ممكن يهنها وممكن يصونها بس المهم تكون محافظ عليها وربنا يدينا الخير كله انشاء الله
وشكراً على أهتمامك انك تبينلى عيوب العربيه بس مش معقوله مايكونش ليها اى مميزات
يا راجل ده الناس مختلفه على السيراتو ومقطعين بعض بكلام مايصحش يتقال مابين ناس محترمه

**hima77** · 06-04-2011 09:16 PM

يا استاذى الفاضل انا مش بكدب حضرتك ... كل مافى الامر ان حكمى على العربية بنيته من خلال متابعة ومعايشة لعربيتين امام عيني 5 ايام في الاسبوع ومتابع كل المشاكل اللي ظهرت فيهم وبالامانة المشاكل انحصرت في العربيتين علي اللي قولته قبل كدا
وربنا يهدينا جميعا للخير ويوفق كل واحد في الاختيار السليم

**egypt0777** · 06-04-2011 10:38 PM

نصيحه ليك ولاى حد مقدم على المغامرة ده

خد معاك واحد سمكرى --- و ميكانيكى --- وكهربائى

وياريت ترفعها فى بنزينة

غير كده اوعى تشترى العربية

**samehsalem** · 07-04-2011 01:27 AM

استاذ عماد انا طبعا مش بكدب حضرتك انا بس بحكي اللي عندي في عربيتي وانا علي استعداد لو حصلت مقابلة اكون موجود فيها انشاء الله معنديش اي مانع ولو لينا حق انا اول واحد هتكلم عنه انا منكرتش ان العربية فيها مشاكل وقلت انها فيها عيوب تقفيل كتير بس دي كلها حاجات بتتصلح ونزلها قطع غيار برة التوكيل كتير الفترة دي واسعارها كويسة جدا جدا مقارنة بالتوكيل غير كدة العربية سعرها يعتبر كويس جدا جدا جدا علي اللي فيها وانا شايف انها لو كانوا راعو ربنا فيها وفي تقفيلها كان سعرها يكون اغلي من كدة بكتير بس هما ضميرهم كان نايم شوية واخيرا ربنا يعينك وانشاء الله عربيتك تتظبط وتبقي احسن عربية بأذن الله

**dr_hadota** · 07-04-2011 08:32 PM

انا معايا العربيه وعامل حوالي 33000 بقالها معايا حوالي 8 شهور يعني انا فاحتها شغل العربيه مفيهاش اي حاجه من اللي بيتقال عليها بالعكس جدا ثابته جدا قويه عفشتها جميله محصلش اي مشكله كبيره بالعكس انا مره كنت حتثبت بالعربيه وهربت منهم ولبست حوالي اكتر من عشر مطبات على 120 والعربيه الحمدلله ثابته كما هي مفيش غير شوية تربيط عفشه وبس المشكله اللي عندي صوت تزييق ورا يمين من ساعة مشتريتها وقالو ليا لما اغير فرشها حيروح وقالو اروح للتوكيل في المنصوره بس لأنشغالي الدائم لسه مرحتش وغير كده مفيش اي حاجه بالعكس هي اه ممكن حاجه تانيه بس مش عيب هي بتتأثر جداااا بالبنزين يعني لو حاطط من بنزينه وحشه حتلاقي السحب فرق كتير اووووووووووووووووي عن اي بنزينه العربيه برضو سحبها معقول لو عايز تجري مع اي حد احرق على الغيار جامد انا علمت على سيراتو وبوما كتيييييييييييير وعربيات تانيه بس كله على حساب البنزين طبعااااااااااا
وربنا يوفق اي حد في اختياره بس بجد العربيه دي بعد فتره حتحس انها احسن انا العربيه معايا دلوقتي احسن من الأول صحيح معظم مشاكلي مع العربيه وهي واقفه الزجاج الخلفي جاله سرطان واحد خبطهالي وهي واقفه وانا راكن عربيه بحمار حك الرفرف حاجات تشل كده بس الحمدلله
لكن الشهاده لله العربيه بجد تحفه عاليه انيقه ثابته قويه وبعدين دي عامل بيها 33000 يعني مش لسه شاريها ولا حصل مشاكل دينامو ولا قربة ميه ولا زجاج بيرعش ولا الحاجات الغريبه دي وليا صحاب معاهم العربيه وبكلم الناس في التوكيل مسمعتش الموضوع ده اصلااااااااااااااااااااا

**dr_hadota** · 07-04-2011 08:39 PM

وكنت عايز اسأل حضرتك يا استاذ عماد صاحبك اللي كان عنده زنه في الشنطه اتحلت في اي توكيل فيهم واتحلت ازاي ياريت تسأله ليا لأن الموضوع ده عندي ورحت الصحراوي عملوها ورجعت تاني وقال ليا عيسى هنا اروح المنصوره الفرع الرئيسي بس عشان شغلي مرحتش لسه بس كويس انها راحت عند صاحبك ياريت اسألهولي وترد عليا ومتشكر جدا لحضترك
على فكره حضرتك برده اللي كنت السبب اني اشتري العربيه دي من 8 شهور وبشكرك على انك عملت كده ولو رجع بيا الزمن حختارها هي برضو

**katoba** · 07-04-2011 11:41 PM

ربنا يباركلك فيها ويديك خيرها ويكفيك شرها ياباشا والاخ عماد ربنا يبعد عنه كل شر فى العربية ويباركله فيها هو كمان .. وبجد انا بنبسط اوى طول مافى نقاش وجدل واختلاف لان دة بيخليك تعرف عيوبها ومميزاتها فى نفس الوقت والحمدلله ان العيوب مقدور عليها وان فية معاينه بتتيح لاى جد فرصة ان يبص على تقفيلها ومشاكلها المنتشرة قبل مايشترى . حتى على الاقل ياخد بالاسباب ولو حصلها حاجة بعد كدة يبقى نصيبة كدة ويحاول يدور على طريقة يعالج بيها المشاكل الى عندة ياكدة يايبيعها ويريح دماغه ويشوف غيرها .. كنت عاوز اسال لو فية فرع رئيسيى فى طنطا او لاء ولو فية فين ؟؟ وكمان فرع المنصورة عاوز اعرف مكانه بردة من فضلكم ..

**hemaa_82** · 08-04-2011 03:26 AM

المشاركة الأصلية كتبت بواسطة smsm2020

عايز نصايح رجالة الـ m11 الوحوش
أعمل اية وأخد بالى من ايه وانا بستلم العربيه من المعرض
وأيه الأوراق اللى المفروض اخدها من المعرض
ولكم منى جزيل الشكر
وسلام مخصوص لـ hema علشان هو اللى خلانى اقتنع بالعربيه ديه

تحياتى

شكرا جزيلا .... هتلاقي شرح مفصل لكل حاجة بالاسعار في التقييم اللي انا عامله و ان شاء الله يكون مفيد لك

المشاركة الأصلية كتبت بواسطة hima77

على فكرة انا هيما تانى حاجزها بردو ... هيما اللي معاه الـ M 11 مستنين دخوله علشان نسمع النصيحة .. Hema 82

انا اقل كتير من اني انصح ... انا بقول رأي بس و ربنا ان شاء الله يهدي الجميع لخيرهم

المشاركة الأصلية كتبت بواسطة katoba

انا كمان مستنى هيما ياجماعه معاكم .. لانى ناوى اشتريها الشهر الجاى باذن الله على ماخلص رخصتى بس.. ومحتاج اعرف المعاينة ازاى واخد بالى من كل كبيرة وصغيرة

بجد يا اخوانا اخجلتم تواضعي .... انا اقل كتير جدا من المركز اللي انتوا حتطوني فيه

المشاركة الأصلية كتبت بواسطة hima77

انا رأي ان احلي الوان في m11
أسود
فيرانى
نبيتى

نبيتيييييي تحفة ..... مع ان معايا فيراني فاتح ..... انما لو زيي مبتنضفش العربية يبقي الفيراني الفاتح مش هيبين التراب زي اي لون تاني .... انما النبيتي مع الفرش البيج + النضافة لا يعلي عليهم

طبعا الاسود لا خلاف عليه انما ابقي ركب خزان ميه ترش منه عليها و هيه ماشية علشان التراب بالاضافة ان الاسود بيسخن العربية اكتر ما البلد بقت ملهلبة اساسا

المشاركة الأصلية كتبت بواسطة smsm2020

يا جماعة انا بقالى 6 شهور بسأل على العربيه ديه ومتابعها جداً والله مافى حد غير ماشكرلى فيها
بس فيها بعض العيوب زى اى عربيه تانيه وانا توكلت على الله وروحت حجزتها وعلى فكرة انا لو كنت سمعت من حد انها عربيه مش قد كدة
ماكنتش رميت فلوسى فى الأرض وطبيعى جداً ان اى حاجه فى الدنيا فى أختلاف عليها وعايز اعرف فين hemaa 82 مش سائل فينا ليه ولا تقلان علينا ماشى ياعم احنا برضو زى أخواتك .
تحياتى لكل الأعضاء المحترمين

والله ولا تقل ولا حاجة ده انا اقل من ان يبقي ليا تقل-الا وزنا طبعا - بس مسحول سحلة الديناصورات في الشغل

المشاركة الأصلية كتبت بواسطة emad7759

ياخى الكريم امنا هنا فى المنتدا ده لكى نفيد بعضنا البعض

وانا لما بقول شىء لانى بمعدل كل عشرين يوم فى التوكيل

وانا مغب الحجات دى على حساب الضمان وانا لم اتفع اى مليم ليهم

غير فلوس الصيانه الدوريه للعربيه

وبعدين الاخ هيما عنده مشاكل برده فى عربيته يعنى عنده وصله شكمان وطنابير وكل ده مش موجود

ولله وعلم تم تغيرهم ليه ولا لسه

وبعدين ياخى الفاضل ابو غالى بطل الشغل فى الاسبيرانز خالص

لاصيانه ولا بيع وبطل التعامل فى هذه العربيات خالص

وبعدين هيما احنا عملنا كام مقابله وهو لم يحضر

فى المرتين الاولنين لانه كان عنده ظروف اترطه انه لم يحضر

وفى المقابله الاخيره فى ابو رواش رفض الحضور بحجه انه مش عاجبعه ابو رواش وبعد كده اكتشفنا منه هو انه شغال فى شركه فى ابو رواش

ولو اى حد مش مسدق اللى انا بقوله حددو مقابله للى معاه العربيه

والمياه تكدب الغطاص

وانا بقول نصيحه سيحاسبنى ربنا عليها

وربنا يبارك لكل اللى معاه العربيه

ياخى الكريم لو انتا مش مصدقنى نعمل مقابله واصحابك يجو المقابله بعربيتهم ونشوف والمياه تكدب الغطاص

وكلمه اخيره ياريت هيما هوة اللى يحدد المقابله الميعاد

والمكان ونتقابل على خير ونشوف العربيات على الطبيعه

وطبعا الكلام ده ميزعلشى حد

وشكرا ليكم

يا مولانا والله ما شغال في ابو رواش :) انا شغال في TEdata في الدقي ....الا لو الدقي شالوها و حطوها في ابو رواش .... كل اللي عمل معاك خلط ان انا اضريت اروح اجرد مخزن الIT بتاعي في ابو رواش مرة من سنة ... و من ساعتها و انت ماسكهالي زلة مش عارف ليه :)

علي العموم انا مغير طنابيري في ابو غالي بعد ما اتوافق عليها باسبوع مش اكتر
و الشكمان و القربة اتغيروا بعد دخول شحنات قطع الغيار المحجوزة في المينا في يناير 2011 و لله الحمد معنديش اي حاجة عايزة تتغير اللهم الا الكصدام الامامي و ده مش هغيره غير اخر السنة علي التأمين بقي و يحيينا و يحييك ربنا

اما بالنسبة للاجتماع ....فأكيد لو ظروفي مش هتسمح مش هاجي حتي لو كان الاجتماع هيوزعوا فيه عربيات ببلاش ... و برضه زي ما قلت وقتها كل واحد ادري بظروفه... وبرضه لما احتاجني د/ احمد اجيبله لمبة للرمش الامامي قابلته تحت الشركة عندي و جبتهالوا ... علشان ظروفي سمحت ..... و مينفعش حد يكون وصي علي حد ... انا الخسران بعدم تعرفي علي السادة الافاضل اللي حضروا المقابلة ... انما لو كنت رحت كنت هخسر حاجات شخصية بالنسبة لشخصي الضعيف اهم من مليون عربية ... .فهمتني يا سيد الناس؟؟؟؟؟....ثم اني اتحجج ليه ؟؟؟؟ هوا انت في ايديك حاجة هتعاقبني بيها فلازم اتحجج قدامك ؟؟؟؟؟ ميتهايأليش ....
و بالنسبة للمية و الغطاس .... انا بعرف اعوم بس علي قدي فبلاش المية تكون غويطة قوي بدل ما اغرق منك و تلبس مصيبة و انا محبلكش غير الخير يا ابو عمده ..... ده احنا في الحوار ده من اكتر من سنة :]

ربنا يكرمك و ايانا و الجميع بالخير و بما يرضيه