أداء النيسان صني في الامطار الغزير
السلام عليكم
أنا تعرضت للأمطار الغزيرة بالسيارة امبارح
الرحلة كانت من المهندسين إلى 6 أكتوبر و أول لما و صلت هناك لقيت النور قاطع في الحي الخامس كله فرجعت تاني لـ 6 أكتوبر
ندخل في المهم
أداء العربية في المطر جيد جدا
أولاً الرؤية
الرؤية الأمامية و الخلفية جيدة جدا خاصة بعد ما شغلت سخان الزجاج الخلفي و المروحة على السرعة الثانية و ظبط المخارج على الهويات (زي ما مكتوب في الموانيوال بالضبط) المشكلة في الزجاج الجانبي كانت الرؤية شبه منعدمة تماما و كانت مشكلة كبيرة في التقاطعات داخل المدينة
ثانيا أداء المحرك
لم ألحظ أي تغير في أداء المحرك في التسارع بإستثناء مرة نزلت في مية غويطة شوية كان صوت الموتور عالي حتى بعد خروجي من الماء
ثالثا الفرامل
و هي دي بقى المشكلة مراجييييح يا معلم أنا عربيتي أوتو من غير ABS و عشان كدة كانت الفرامل صعبة فعلا مع المطر الغزير
و هنا عايز أسأل النيسانوية الجامدين هل ينفع أركب ABS في التوكيل بعد كدة و لا الموضوع ده مش وارد (طبعا أنا ندمان شوية إني ما قرصتش على نفسي زيادة و قت الشراء و جيبتها بـ ABS على طول و ريحت نفسي):36_1_50[1]:
رابعا الصوت و العزل
كان صوت الماء على سقف العربية عالي بطريقة غريبة أكتر من صوتته على الزجاج مثلا
أنا كان عندي عربية قديمة كحكوحة قبل النيسان كان صوت المية على السقف أقل من كدة بكتير في الصني حاسس انها طبلة
بس في العموم كانت تجربة شيقة و متعبة الموضوع ده خد مني حوالي 4 ساعات من المهندسين لـ 6 أكتوبر للمهندسين تاني شاملين نص ساعة تحت البيت على أمل إن النور يرجع:Ka_che1[1]:
شكرا يا صقور نيسان
مهندس محمد فوزي