الموضوع: احكى اى موقف طريف حصل معاك وانت على الموتسكل فى المطر

أكيد بعد كمية الضحك الهيستيرية الي ضحكتوهالي دي لازم أشارك معاكم بس معايا عربية مش بايك

على البحر في الإسكندرية في أول الشتاء في اليومين الي اسكندرية غرقت قبل الثورة بكام شهر كده لو فاكرين

على الحارة الشمال بعد شارع سوتر عالبحر في حفرة مربعة الشكل مش عارف بتاعة بلاعة ولا كهرباء ولا ايه بالظبط المهم قبلها بحوالي 200 متر كان في موتوسيكل طالبة معاه شد عالفاضي وجري بزيادة قوي ..... كان راكب المصيبة الصينية مش فاكر اسمه ديوان او حاجة من الحاجات الصيني التعبانة دي ...... انا كنت سايق على الحارة الشمال و فجأة سارينة و عمال يقلب نور وكل العربيات عمالة تخش يمين قولت عديه رغم السكة الزحمة الي مش مستاهلة تعديات خـــالص و الشارع غرقان مية بتاع 30 سنتي مية فالشارع كللله ... قام معدي بسرعة قوي قوي و فجأة ماتسألوش ازاي بعد ما عداني ب 3-4 ثواني لقيت الموتوسيكل وقع في الحفرة الي المفروض الشعب كله عارفها وحافظ مكانها على العجلة الأمامية و بقت العجلة ال الخلفية فوق و الراجل الي سايق واخد زحلقة بتاع 30 متر تقريبا .... فرملت و ضربت انتظار و شديت مفتاح عربيتي علشان كنت لوحدي ونزلت أشوف الراجل لقيته الحمد لله سليم وبيقولي هوه انته الي سايق اللادا .... انا مش في بالي قولتله باسم الله قوم انت كويس الحمد لله ...... لقيته بيقولي انته السبب عديتني ليييييه و قلب عياط ..... انا طبعا كان صعبان عليا والله بس الموضوع قلب بضحك هيستيري بعد ما قومته سيبته للناس الي ماسكاه لإنه بدا يخرف وانا هأضحك بس الحمد لله ماحصللهوش حاجة والموتوسيكل كمان بعديها بشوية لقيته جاري تاني وعمال يعدي الناس بالطريقة العشوائية ولا كإنه كان لسه واخد زحلقة في الشارع بسبب التهور الزيادة

انا كمان حصل معايا موقف غريب اخر ستين حاجه
كنت راكب العربيه عندي حصه قبل الفطار(3 ثانوي) روحت و انا جوه الحصه لقيت بنت اول مره اشوفها قمر14 المهم بجاوب لقيت البنت عماله تضحط علي طريقة كلامي
طلعت من هنا ركبت العربيه استنتها اول ما طلعت لقيتها ركبت عربيه صني لسه باكياسها
طبعا انا دماغي و جعتني من ان بنت تضحك عليا طبعا انا كنت راكن وراها امرك علي طول وطالع قدامها لقيت البت ماشيه ورايا وكبسه خرق يعني
عايزه تطلع تلم يمين اكبس انا و افرق عنها استنيت لحد ما وصلنا طريق سريع انا مركزتش و مشيت علي مهلي لقينها من جانبي راحت كبسه
علي طول من ال3 للرابع وهاتكيا حرق طلعت منها خيطها و انا معدي منها روحت فاقع السرينه و مشغل المايك و بقولها( يا خرفــــــــــــــــــــــ ـــــــــــــــــــــــــ ـان)
البت فضلت ورايا لحد ما وصلت الحته اللي انا ساكن فيها الشارع كا كله ميه وطين طعاله قدامه و في ميدان وشد الهند
راحت هي واقفه وانا تاني في المايك (مالكيش فيها)
ركنت تحت البيت البت لقينها راكنه وطالعه ورايا دخات البيت
لقيت حد بيرن الجرس لقيتها بتسال عل والدتي
انا استغربت قولتلها اتفضلي
طلعت بنت واحده صاحبة والدتي بتقولها بس وليد (معرفش عرفت الاسم منين)سويق)
راحت امي بصالي قولتالها دا نا غلبان
راحت البيت قايلها:-بس الدريفت اللي انت عماته تمام
انا علي طول عملت هندي
المهم البيت مشيت راحت امي قاللت لوالدي
والدي قالي:- شديت معاها
قولتله:-عيب يا زعيم ده انا حطيت عليه
راح قايلي :- راجل من ضهر راجل عارف لو كانت طلعت منك و الله ما كنت فطرتك النهارده
المهم العربيه بتجري
قولتله:-خيطها
قالي :- الهند حلو
قولتله:- تمام يا باشا
قالي :-لما تشد الهند تشوف ميه علشان ماتكلش الكاوتش
قولتلهك- لا ماهي الرض كانت مطينه
قالي :- طيب تبقي تروح تغسل العربيهعلشان الطين
قولتله:- عمار يا مصر
وتوته توته خلصت الحدوته