احكى اى موقف طريف حصل معاك وانت على الموتسكل فى المطر

**tamertamer** · 04-04-2011 06:38 PM

احكى اى قصة طريفة حصلتلك وانت سايق فى طريق مطر

انا هبتدى الكلام دة من فترة ايام لما كان معاية 400 الفير بتعتى

كان بداية شهر 2 تقريبا وكنت ماشى والدنيا ندعت ثم مطر غزير لدرجة رهيبة طبعا اتجهت ناحية اليمين بسرعة وطبعا مع اول بركة حلوة عربية جت بسرعة شوية انا والموتسكل اتغرقنا وكانت مية بطين ومش عايز اوصف وانا راسى والف سيف لجيبة وديلة كلمتين كل مقرب منة اخد الدش من كام بركة لغايت بصراحة خلاص الطيب احسن وطبعا مشيت فى الحارة الشمال عشان مفيهاش مية وكان جنبى عربية فيها عيل صغير عمال يتحك علية طبعا منظر الطين وشعرى ووشى كنت فضيحة والواد عمال يضحك المهم رحت الكلية نحية الكلية مكنش فية مطر طبعا خت كمية تريقة مش طبيعية من اول الباب برة حرس الجمعة مكنش عيزنى ادخل عشان منظرى الهباب دة ماهو طبعا مش متصورين ان فى طالب بهذا المنظر طبعا انا كنت عايز اخش الكلية عشان اغسل وشى وشعرى وشيل الطين والهباب دة عشان اعرف اروح وحرس الجمعة مش مصدقنى ان كان فى مطرة فى حتة تنية لغايت لما عدو ناس قلولة اة دخلت طبعا الناس كلها بتتفرج علية وطبعا اصحابى بنات وولاد خدوهالى ذلة وصورونى بموبيل 6630 كان لسة نازل سعتها
كانت فضيحة وضبت نفسى وروحت على طول بس خت تريقة مختهاش فى حياتى بس كل قالى غظنى حرس الجمعة اقلة كانت بتمطر يقول يعنى مش شايف ولا نقطة نزلة راجل غريب بجد

كلة يحكى ومحدش يتكسف وخلو بالكم كلة فى طى الكتمان

**tamertamer** · 04-04-2011 06:50 PM

ومرة تنية بردو

كانت الدنيا مطرة اوى اوى

وكان فى شارع اظن جنب عباس العقاد المهم الطريق واقف وانا اعد على الموتسكل مستنى الطريق يفتح وطبعا المطر اة رهيب جدا
وجتنى شحاتة فى نص الشارع وبتشحت نزلت علية سعتها هسترية ضحك كان وراية سعتها واحد صحبى اسمة رامى ضحكنة ضحك
شفت تفانيهم فى العمل وامال الجرايد مبهدلاعم اذاى وبيقولو الشحاتة سهلة لا صعبة بردو

بس فعلا كانت غريبة جدا الشحاتة سعتها بصتلنا بقرف اوى وكملت شحاتة وقلتلنا قبل متمشى هتدينى حاجة ولا هتتزحلق

**KHALED2010** · 04-04-2011 07:37 PM

كنت انا وواحده صديقه على الموتوسكل وماشي على الكورنيش الساعه 1 مساء كنت راجع من حلوان من فرح واحده زميلتها وماشي تقريبا 140 ..150 وباخد ملف بس ملف مش جامد يعنى وفجاة لاقيت البايك بيتزحلق المهم لميت نفسي والحمد لله ....لاقيت مطب خدت المطب على 130 البنت طارت من فوقى بقت على كتفى ومحدش يسالنى ازاى ؟؟؟؟؟ يادوب عدينا المطب والبنت اتعدلت دخلنا فى شوية مياه مش مياه لا دى بحيره المياه طلعت من حول الموتور لحد رجلى والعربية ال عديت من جمبها المياه طلعت فوق سقف العربية ....طبعا خدنا كلام انا والاخت مقولكمش بس الحمد لله كان لازم اكمل جرى والا كان حصل موقف مش كويس خاااااااااالص

**yascro** · 04-04-2011 07:46 PM

ههههههههههههههههههههههههه ههههههههههه
جامد اوى يا تامر انا بطنى وجعتنى من الضحك

**A.Saad** · 04-04-2011 07:54 PM

المشاركة الأصلية كتبت بواسطة tamertamer

بس فعلا كانت غريبة جدا الشحاتة سعتها بصتلنا بقرف اوى وكملت شحاتة وقلتلنا قبل متمشى هتدينى حاجة ولا هتتزحلق

جامدة
محسسانى انها من هارى بوتر

**KHALED2010** · 05-04-2011 04:23 AM

خد عندك الموقف ده كمان انت عارف ان اخوك مجنون حبتين ......احيانا بتطلب معايا اخد لفه كده لحد السخنه واقوم راجع المهم رحت وتمام كده ..المهم وانا راجع فى عربية سيات ماشيه وفيها ولدين وبنتين وانا مستغرب اوى ازاى عربية زى دى تطلع على طريق زى ده المهم جيت جمبه وقولت ارخم عليه هوا مهما عمل لايمكن يقدر يجيبنى ...جيت جمبه وبقوله هيا كام سي سي دى يانجم ...المهم قالى 4 سلندر وانا مسكتنى ضحكه هستيرية ...فبقوله تشد قالى مابلاش انتا موتوسكل قولتله لا معلش عايز اجرب الموتوسكل ...قام دايس بنزين على الاخر والموتور صوته على على الاخر وانا ماشي جمبه تقريبا 110 تقريبا وبقوله اخرك كده قالى لا انا ماشي جمبك المهم قمت مسقط نقله وحارق الغيار وعلطول كنت اختفيت على سرعه 170 تقريبا ....ووقفت على جمب استنيته المهم هوا شافنى واقف فجه جمبى ووقف ونزل سالنى سؤال غيى جدا (صينى ده ياكابتن )قولتله اه صينى قالى بكام قولتله ب 3000 قالى خلاص انا ممكن ابدل معاك ...قولتله بس تدفعلى 12000 جنيه فرق ...قالى ليه انتا فاكر نفسك راكب ريس .....فضلت اضحك ضحك السنين كنت ساعتها على الكيلو 55 للقطاميه ...فضلت اضحك على الكلمه ديه لحد ماوصلت مدينه نصر ....

ومرة تانيه كنت راجع من شغل بليل الساعه 2 تقريبا المهم لاقيت عربية ماشيه على الدائرى بس عربية من غير سقف وراكب ولد سايق وجمبه بنت وورا بنت والبنات زى المجانين شغل صويت بقى ووقوف جوا العربية والحوارات دى .....لبمهم قمت جاى من جمبه ومعدى منه وانا تقريبا مقفل العداد ....وبعدين هديت اول لما حصلنى البنت ال جمبه بدون اى مقدمات قالتلى استنى اركب معاك طبعا قمت باصص ليها من فوق لتحت وزودت بنزبن تانى واختفيت .............

**johnghaly** · 05-04-2011 10:41 AM

استنى اركب معاك طبعا قمت باصص ليها من فوق لتحت وزودت بنزبن تانى واختفيت

ليه بس يا خلود كده ههههه

**whitefang2** · 05-04-2011 12:51 PM

ايه يا خالد باشا دا قاللك فاكر نفسك راكب ريسسسس :d :d :d
و ماستنتش ليه تركب معاك ينفع كده

**yascro** · 05-04-2011 01:18 PM

ههههههههههههههههههههههههه هههههههههههههههه
ههههههههههههههههههههههههه ههههههه
ههههههههههههههههههههه
ههههههههههههههههههههههههه ههههههههههه
ههههههههههههههههههههههههه هههههههههه
مش قادر من كتر الضحك يا تموره

-

الموضوع: احكى اى موقف طريف حصل معاك وانت على الموتسكل فى المطر

LinkBack

أدوات الموضوع

عرض

احكى اى موقف طريف حصل معاك وانت على الموتسكل فى المطر - انشر الموضوع فى :

-

-

-

-

المواضيع المتشابهه

اكتر موقف نرفزك وانت سايق وخلاك كنت ((هتفطر)) وانت ((صايم))؟؟

ايه وضع وانت معاك الاب توب نايم علي المكتب

موقف طريف كيف نجعل الصغار يصلون!!

موقف طريف بمناسبة السير عكس الاتجاه

موقف طريف....و قولت له عيب عليك دا أنا من نايل موتورز

الكلمات الدلالية لهذا الموضوع

المفضلات

المفضلات

ضوابط المشاركة