ازاي ارستر كمبيوتر العربيه
لأني حاسس انها مهيسه شويه
فا ازاي اعمله ريستارت
عرض للطباعة
ازاي ارستر كمبيوتر العربيه
لأني حاسس انها مهيسه شويه
فا ازاي اعمله ريستارت
تقريبا والله أعلم
تفصل البطارية لمدة دقيقة واحدة وتلمس القواطيس ببعض وترجع تركبها تانى
متابع معاك
ويا ترى ايه نتيجة الرسترة يعني ؟!
في فيوز معين في علبة الفيوزات بيتشال و تسيبه برة دقيقتين و بعد كده تحطه تاني .. ليه طريقة بتعرفه بيها من الخريطة اللي بتبقى موجودة على ضهر العلبة من جوه او استيكر ملزوق بس انا معرفش تميزه ازاي الصراحة .. عملنا الحوار ده في عربية واحد صاحبي لانسر شارك عشان كانت لمبة الcheck engine
منورة (الظاهر برضه كان ال ecu مهيس ) بعد ما العربية اتصلحت .. عملنا كده و اللمبة طفت بعدها ...
متاااابع
أفصل الطرف السالب من البطارية لمدة 15 دقيقة بالكتير ....
اما لفايدته .. فهو بيمسح آخر قرايات متخذنة في كمبيوتر العربية .. و بيبتدي يشتغل كانه لسه بيشتغل من الأول ببرمجيات و معلومات المصنع !!!
و بعد كده يبتدي يخزن معلومات جديدة تاني و يكامل عليها .. و يشتغل بيها .. بتفيد في حالة تغير الطقس و كده .. بتفوق العربية اسرع من لما تسيبها هي تبرمج نفسها على التغير في الجو .. و كذلك في حالة تغير طريقة السواقة .. يعني مثلاً والدك كان معاه العربية !! و من النوع الي بيمشي براحة .. و أنت عايز العربية تفتح معاك بس بسرعة !! بترستر الأي سي يو .. علشان تنسا ىخر قرايات و تمسح معلومات السواقة ال متعوده عليها و تشتغل من جديد
بالنسة للمدة بتاعت الفصل عن البطارية بتختلف من عربية لعربية عشلن كده قلت لحضرتك 15 دقيقة بالكتير او 20 دقيقة كحد أقصى
لاحظ بعد مترجع الكهربا تاني .. أظبط ساعة العربية علشان حتاخر :)))) "أصلي ملدوع من كده كتير و بسببها أتأخرت كتير عن محاضرات :))) "
تقبل مروري :)
السالب يا باشا
وياريت بعد كده تعمل الايدل ليرن
شيل كبلات البطارية لمدة 3 دقائق وركبها تانى
السالب
و أما الأيديال ليرن
المقصود بيه اللداتا الي محطوطة على الكارته من المصنع .. و الي بتشبتغل بيها العربية في بداية التشغيل خالص.. و كذلك في حالة عدم أكتمال الداتا الي واصلة للكارته في بعض حالات التشغيل .. أو في حالة عطل بعض السنسورات !!
و دي بتعتبر حالة التشغيل القياسية للموتور !!!
والي بيخزن عليها معلومات أضافية بتكمل طريقته و مرونته في الشغل بعد كده !! دااتا عن معدل ألستهلاك البنزين عامةً ... نظام القيادة عامةً ... درجات الحرارة و معلومات تانية كده معرفش عنها حاجة غير معلوماتي الضحلة دي
الايدل ليرن ليه طريقه بيتعمل بيها علشان تظبط سلانسيه الموتور بعد فك كبل البطاريه ورسترت الكمبيوتر وطريقته كالتالى : بعد فك كابل البطاريه وهتسيبه 15 دقيقه وبعد كده هتركبه وتعمل الايدل ليرن
1- افتح الكونتاكت 5 ثوانى واقفله وكرر العمليه 3 مرات
2 - دور العربيه وسيبها لحد ما الحراره توصل للمعدل الطبيعى
3 - افتح التكييف وسيبه 3 دقائق وبعد كده اقفله
4- بطل العربيه
وهى دى طريقه عمل الايدل ليرن
هبلت العربيه يا هيما وارتحت ههههههههه
بصراحه يا باشا مش متأكد بس هيه غالبا تنفع لكل العربيات الانجشكشن
وبرضه استنى رأى الخبراء
تحياتى :)
أنا كتالوج عربيتي مفيهوش كده .. و صراحةً الي اعرفه أنك بمجرد فصل الكهرباء عن الكمبيوتر لمدة ربع ساعة الميموري الي فيه بترستر لوحدها على الأيديال ليرن ... و حسب معرفتي ان في بعض العربيات لازم تكمل الموضوع ده بانك تفتح الكونتاكت و تسيبه 5 ثواني فعلاً زي حضرتك مقولت .. و تكرر 3 مرات !! :)
و لكن للأسف لا اعرف غير ذلك ...
شكراً أخي في الله على الأفادة :) :16: