عرض للطباعة
الصورة دي أخدتها من ٤ أيام على الدائري وهسيبلكم التعليق الي تشوفوه مناسب
http://img41.imageshack.us/img41/989/imag0021rc.jpg
أنا تعليقي إن الناس دي لازم المرور يلمهم ويخالفهم في أقرب وقت والي بيعمله يعرض حياة الناس للخطر زي ده لو قعد يوم واحد في الحجز (زي ما بيحصل في الدول المتقدمة) مش هيكررها تاني :untitled 1:
هو سارق كرسي و رابطه في العربيه عادي كده..!!! ولا ده ايه؟؟؟
يعني عدى على مكان بيتسرق مثلاً, فخدله كرسي من الحفله و مشي..!! :))
والله يا احمد هو لازم فعلاً يتم التعامل مع النوعيات دي بشكل صارم
بس السؤال الأهم... هو مين اللي هيتعامل معاهم او يحبسهم يوم ولا اتنين
و مافيش شرطه و لا ضباط اساااااااااسااااااا, و بيخافوا من خيالهم دلوقتي؟؟؟
لنــــا الله...
واضح انها عربية نقل عفش وتقريبا غالبية العربيات لما العفش بيكون اكبر من الصندوق الخلفي بيعملوا كده خصوصا لما بيكون باقي في النقلة حاجة بسيطه كرسي او كنبة ..... الخ يعني مايكونش محتاج نقلة اخرى عشان خاطر القطعة دي .... وتقريبا كل عربيات نقل الموبيليا او العفش بيعملوا الحركة دي من زمان وانا ياما شفت نفس المنظر ده كتير وعلى فكرة بيكون رابطة ربطة شديده
ما أنا بتكلم في كده وده مش كرسي واحد ده كرسي وطربيزة!!!
وجوه كان مليان على أخرة!!! حاجة تحرق الدم
ههههههههههه... تصدق فعلاً كرسي و طرابيزه..!!!!!
طيب لييييه كده؟؟؟؟ ده ممكن مع فاصل محترم من فواصل الدائري
الكرسي ولا الطرابيزه تقع قصاد عربيه وراه و تحصل مصيبه...!!!!
للأسف انعدام تام للمسؤوليه, و الفوضى اللي احنا فيها تعمل اكتر من كده
و لو ده بيحصل فعلاً من زمان, و ده العادي... تبقى المصيبه أكبــر..!!
ماشي كان ممكن يتنقل بأي طريقة تانيه لكن مش كده ومش بدام كنا بنعمل غلط زمان يبقى عادي ولا إيه رأيكاقتباس:
المشاركة الأصلية كتبت بواسطة abogogo
ومهما كانت ربطه شديدة ممكن تتفك ولا إيه؟
دي طريقة معروفة في نقل العفش و بتستخدم من زمان في دمياط
علي فكرة في ديماط عندهم مهنة مخصوص أسمها رصاص ،، وظيفته يرص العفش في عربيات الموبيليا
كونها صح و لا غلط سواء قانونيا أو من ناحية قواعد السلامة المرورية في العالم ،، الله أعلم
للاسف اه في 90% من الحالات
اه الراجل ده عندنا فى الصعيد اسمه السلاب اللى هو عنده مهاره فى ترصيص الحاجه وكمان تسليبها يعنى يربطها بالسلبه او الحبل التخين وبردو منتشره الحركه دى عندنااقتباس:
المشاركة الأصلية كتبت بواسطة ahmed anwer
طب انت لو مكانه و بتنقل عفش من دمياط للقاهرة و فاضل لك كرسى .. هتسيبه و تنقلة لوحده ولا تربطة كده؟
أنا عارف رد أى حد مثقف و عارف عوامل الامان هيقول لأ .. بس انت عارف ان احنا شعب فهلوى و اخر حاجه بنهتم بيها صحتنا و حياتنا.
من كام يوم على الصحراوى بين الزقازيق و القاهرة .. كان فى عربية محمله خشب اللى هو قواعد صناديق .. و مش مربوط كويس .. و طار و كسر ازاز ميكروباص وراه .. و كبود عربيتين.
اقتباس:
المشاركة الأصلية كتبت بواسطة yoko
هههههههههه بكرة تتجوز وتدور على عربية كاررو تنقلك العفش
اللى راصص العربية دى مهنته كده يعنى شغلته انه يرص الموبيليا جوة العربية بسسسسسسس
بيوفرلك عربية تانى من الاخر يعنى بيوفرلك اقل حاجة 500 جنيه ومتقلقش انه يقع لان هما بيخافو على البضاعة اكتر من الزبونر لأن مسئوليته ان الحاجة توصل بدون خدش واحد
وبعدين ده عربيات الزلط والرمل اللى بتجرى على الدائرى ألعن بكتييييييييييير من ده
وعربيات نقل بتحمل عفش هنا من غير ما تتربط
كلام تمام :16:اقتباس:
المشاركة الأصلية كتبت بواسطة ahmed anwer
للأس أنا ضدها جدااقتباس:
المشاركة الأصلية كتبت بواسطة kareemz
وممكن أشوف حاجات خفيفة تتنقل على المهل
معاك يا كوداك بس مهما كان مش مبرر للي بيحصلاقتباس:
المشاركة الأصلية كتبت بواسطة kodak_gti
وعلى فكرة كنت بنقل عفش قبل كده بسبب غباء الي بيربط كسرلنا دولاب!!! عشان معملش حساب الشجر الي في الطريق
طيب شفت دي برضه نفس نوع العربية ونفس النشاط اتبقى ترابيزة ربطها في الخلف مع السلابين :toothgrin:
http://img101.herosh.com/2011/04/04/36642323.jpg
انا داخل الموضوع أسجل أعتراضي عالعنوان وبس ... ممكن كنت تقول سلوكيات خاطئة أو أخطاء مرورية أو فهلوة مصرية وتنتقدها عادي لكن أسلوب أننا ناخد على دماغنا ومبنعرفش نمشي غير بالكرباج والكلام من العينة دي لازم نغيرة ونشيله من دماغنا خالص ولا أيه رأيك ؟!
أتمنى ماتكونش زعلت مني بس النهاردة كنت قاعد مع ناس كبيرة سناً ومقاماً وفيهم واحد مستشار وقال الكلمة دي ما أتحرجتش منه وقلتله حضرتك ياريت ماتقولش شعب مايجيش ألا بال---- لأن أنا وأنت من الشعب دة ... تحياتي ليك يا أستاذ يوكو .
أولا أنا مش مدايق :16:اقتباس:
المشاركة الأصلية كتبت بواسطة ashturbo
ثانيا يوكو بس أنا صغير مش كبير
ثالثا الموضوع عنوانة انا حطه في صيغة سؤال مش بقول لازم أنا بسأل الناس دي هل مبينفعش معاهم إنهم يمشوا صح غير لما يكون فيه عقاب؟
حاجة كمان العالم كله لو القانون مطبقش والناس إتعاقبت محدش هيلتزم وده في كل العالم حتى دول العالم الأول لإن الإنسان بطبيعته لازم يشوف إن فيه عقاب عشان يلتزم (حتى في الدين في جنة ونار)
وأسف لو عنوان الموضوع إتفهم غلط
على فكرة انتا يااحمد لو شفت العربيات اللي بتتحمل عندنا في دمياط تقول ان العربية اللي انتا صورتها دي نزلت العفش ... ليك صورة عندي من دمياط هتعرفك ان اللي بيترص على العربية على السقف وبتربط في الظهر قد الحمولة اللي جوه العربية نفسها
هو العنوان مش غلط اوياقتباس:
المشاركة الأصلية كتبت بواسطة AshTurbo
يعني ....
المفروض ان الناس تبقى عارفة ومتأكدة انها ح تاخد على دماغها لو خالفت القانون
اما بقى حكاية ان الناس لازم يكون عندها وازع من الضمير والوطنية ...... للأسف انا مش بأقتنع بكدة .... لأن كل مجتمع فيه كويس وفيه وحش ..... يبقى لو خليت كل واحد يتصرف صح بوازع من نفسه ..... كل الوحش ح يخالف النظام والقانون
المفروض القانون يكون له قوة تحمية ..... قوة تدي المخاتلفين على دماغهم ..... بكدة كل الناس ... الكويس والوحش .... ح يمشوا صح غصب عنهم
انا مايهمنيش الناس تمشي صح خوفا من العقوبة ولا بوازع من الضمير والدين والنظام والوطنية .... يهمني انهم يمشو صح بصفة دائمة
تقدر تقول ان العنوان بس منفعل شوية ..... لكن للأسف لازم حد يدي المخالف على دماغة ....
والدليل واضح امامنا ..... يوم السبت الكئيب في ستاد القاهرة الحبيب :angry06:
لو كانو عارفين ان فيه حد ح يديهم على دماغهم ..... كانو مشيو زي الالف
من أمن العقوبة ..... أساء الأدب
تمام يا حج احمد انا قصدي كده يمكن منفعل شويه لسببين قاعدين نقول ثورة ولازم نتحسن وكل الي لاقي فرصة بيعمل الغلط (إمبارح كنت هلبس في عربيه ماشيه عكس بتجري في الأتوستراد!!!)
والحاجة التانيه إن ده إهمال وممكن يؤدي لكاثرة لو وقع ممكن يموت فيها ناس كتير
بس عشان أوضح نقطة ... المخالف لازم يطبق عليه القانون ويعاقب بمنتهى الحزم والصرامة طبعاً دي مافيهاش نقاش واحد زي دة مستهتر ومعرض كل اللي ماشيين وراه لخطر التصادم المتتابع يعني ممكن 20 عربية يلبسوا في بعض لو الكرسي دة وقع عشان سيادته مش عاوز يدفع تمن نقلة تاكسي حتى دي متفقين فيها تماماً وجه الأختلاف في التحدث بصيغة الجمع يعني الغلطان نقوله أنت غلطان ونحاسبه ماناخدش الشعب كله في سكتنا وهي مسألة تعود ناس كتير بتقول كدة ومتعودين على كدة مش محتاج تعتذر يعني لأن مفهوم قصدك أيه وحسن نيتك واضح .
فاهم وجهة نظرك وانا مش قصدي التعميم هو سؤال إستنكاري وأنا من الناس دي وبصراحة اوقات بستهبل بس لو إتمسكت مبفتحش بقي وبدفع المخالفة زي ال.....اقتباس:
المشاركة الأصلية كتبت بواسطة ashturbo
بص يا يوكواقتباس:
المشاركة الأصلية كتبت بواسطة yoko
الثورة مش معناها ان الدنيا ح تتغير والناس ح يبقو محترمين كلهم
لو جبت عود خرزان ووضعته في وضع معووج .... وثبتته على كدة ثلاثين سنة .... وبعدين سيبته
هل سيعود لوضعه الاصلي علطول ؟؟؟
اكيد لأ ... لازم تقومه وتثبته على الوضع الصحيح لغاية ما يتعدل .....
نجاح الثورة في التأثير الايجابي على المجتمع مستقبلا مرهون بحاجة مهمة جدا ....
الحاجة دي هي الشرطة
لما الشرطة تلعب الدور اللي المفروض تلعبة في حفظ الامن والنظام والقانون في البلد ..... زي باقي البلاد المحترمة .... ح تلاقي الناس اتغيرت
...
وده ح يتطلب سنوات
وح يستلزم اعادة تأهيل الشرطة
وح يتطلب زيادة اعداد الشرطة وزيادة الامكانيات الفنية لديهم
و ح يتطلب نشر اعداد مهولة من الكاميرات ليس فقط للمرور .... لكن لحفظ الامن ... والمثال على ذلك لندن
لما الشرطي يبقى دوره تنفيذ القانون والنظام وحفظ الامن .... وليس حماية المسئولين ..... لما الناس اللي كنا بنشوفهم واقفين في الطريق بالآلاف علشان مبارك يمكن يعدي من الشارع ده .... لما الناس دول يبقو وظيفتهم حفظ الامن والنظام ..... ويطبقوا القانون بحزم ( وعنف أحيانا مع الخارجين ) وبعدالة ......
لما الناس دول يشعروا بالعدالة على نفسهم قبل ما يطبقوها ع الناس
وقتها سترى المجتمع يتغير
...
اما الزملاء اللي بيقولو ان ده قطعة زيادة ومش معقول ح يعمل نقلة تانية عشان ترابيزة وكرسي
سؤال : لو كان نفس العربية ونفس الاشخاص ونفس الزيون ونفس شركة النقل ونفس السلاب او الرصاص .... لو كانو في السعودية او الامارات .... هل كانو يجرأو انهم يفكرو يعملو كدة
اقتباس:
المشاركة الأصلية كتبت بواسطة yoko
أنت هتقولي معروف طبعاً بصولاتك وجولاتك وسباعاتك وتمنياتك مش محتاج تعريف ياباشا p : .
اقتباس:
المشاركة الأصلية كتبت بواسطة aif
متفق معاك 100% .
متفق معاك يا حج احمد ١٠٠٪
ashturbo والله بحاول أهدى وهديت كتير عن زمان
بلاش 100% دياقتباس:
المشاركة الأصلية كتبت بواسطة AshTurbo
احنا دلوقتي في عصر الديموقراطية ;-) ..... خليها 99% بس :Oc_sun1[1]::Oc_sun1[1]::Oc_sun1[1]:
وعندك كمان واحد 100% عند يوكو على ميه بيضا وصلحووووووووووووو:16:اقتباس:
المشاركة الأصلية كتبت بواسطة yoko
معظم الشعب المصرى كده
النهاردو وأنا جاي الصبح واحد كان فاتح شنطة عربية فيرنا ومركب فيه "عجل". اه عجل اللي هو بندبحه عند الجزار.هههههههههههه.
بجد لازم نصبر علشان نغير ثقافة الناس
طب كويس عجل واحد النهاردة مش اقل من ٨ عجول صغيرين مربوط رجليهم ومنيممين في عربيه نص نقلاقتباس:
المشاركة الأصلية كتبت بواسطة mikho83
وواحد في صلاح سالم ماشي عكس:untitled 1:
أنا مش مختلف مع عنوان الموضوع ،،
بس مش الشعب المصري أي بشر في الدنيا كده ،،
و عشان كده فيه جنة و نار ،،، و فيه ثواب و عقاب
المشكلة في غياب دولة القانون ،،، سواء قبل الثورة أو بعد الثورة
راي الشخصي ،،
البشر 10% ملتزمين بالفطرة
10% فاسدين بالفطرة
80% الأغلبية حسب النظام و الظروف اللي عايشين فيها
و عشان كده بتلاقي نفس المصري اللي بيلصق بيه كل النقائص لما يعيش بره بيكون نموذج للإلتزام
واضح ياجماعة ان الثورة ماغيرتش كل حاجة ومش هتغير كل حاجة. زمان كنا بنقول ان الناس بتنفس عن اللي جواها بالتصرفات الغلط كنوع من الرغبة في ايذاء النفس نتيجة الفقر والقمع وانعدام الأمل. انا شايف ان فيه ناس زاد انحطاطهم بعد الثورة وبقوا بيخرجوا اقذر مافيهم يبقى الموضوع مكنش فقر وقمع وانعدام امل الموضوع وساخة فطرية بعض الناس جبلت عليها ودي مينفعش معاهم ثورة ولا اخلاق ثورة ولا دياولو ، دول مينفعش معاهم غير العين الحمرا والأيد اللي من حديد ومينفعش يتعاملوا كبني ادمين ليهم حقوق لأن هما اساسا اختاروا انهم يتصرفوا زي الحيوانات يبقى لازم المحتمع يعاملهم على انهم حيوانات .