الى خبراء الهيونداى اكسنت ( طلب تسعير )

**bentrewsha** · 05-04-2011 04:05 AM

بالمواصفان دى اخرها 37 بس فيه حاجه
لو انت حاسس ان العربيه حلوه بجد
وبيتى بمعنى الكلمه ادفع اللى يقول عليه

**HOSSAM99** · 05-04-2011 04:19 AM

المشاركة الأصلية كتبت بواسطة lorans_el3rab

عفوا اخي الكريم
مش فاهم يعنى ايه قصدك انه يقبل انه يعاملها معاملة السوق

ياريت توضح قصدك اكتر لو تكرمت

يعني السوق بيقول أن الاكسنت ال1300 مو98 لا تتعدي 33 ولو صاحب العربيه وافق بالثمن ده يبقي تمام علي أعتبار أن العربيه لاتحتاج مصاريف غير ال100 جنيه تكييف

**lorans_el3rab** · 05-04-2011 04:28 AM

المشاركة الأصلية كتبت بواسطة hossam99

يعني السوق بيقول أن الاكسنت ال1300 مو98 لا تتعدي 33 ولو صاحب العربيه وافق بالثمن ده يبقي تمام علي أعتبار أن العربيه لاتحتاج مصاريف غير ال100 جنيه تكييف

الف شكر لاهتمامك اخي الكريم
وآسف لإزعاجك

يعنى اعلى سعر للعربية دى فى رأيك
لا يزيد عن 33 الف
ولا ممكن تيجي بأكتر من كده

**lorans_el3rab** · 05-04-2011 04:30 AM

المشاركة الأصلية كتبت بواسطة bentrewsha

بالمواصفان دى اخرها 37 بس فيه حاجه
لو انت حاسس ان العربيه حلوه بجد
وبيتى بمعنى الكلمه ادفع اللى يقول عليه

هو طالب 40500 بعد الفصال

وده فرق كبير عن اراء الجميع هنا
فهل ادفع له اللى عاوزه ولا ايه

**HOSSAM99** · 05-04-2011 04:50 AM

المشاركة الأصلية كتبت بواسطة lorans_el3rab

هو طالب 40500 بعد الفصال

وده فرق كبير عن اراء الجميع هنا
فهل ادفع له اللى عاوزه ولا ايه

أنا هاقول لحضرتك معلومه وبعد ذلك حضرتك تاخد قرارك
الأكسنت موديل 2003 و 1500cc الناس بتطلب فيها 40000 وبتخلص علي 38000 و أقل
وفي الأخر القرار لحضرتك ومقدرش أقول أدفع أو ماتدفعش

ولو فيه اتفاق بينك وبين صاحب العربيه حاول توضحله وجهة نظرك وتقله ان العربيه بتتباع بالسعر كذا في السوق تقبل الموضوع خير لو متقبلوش دي عربيته و هو يبيع بالسعر اللي يعجبه و حاول تدور كويس و متعتمدش علي النت فقط في البحث
وعن تجربه من أسبوعين كنت بدور علي فيرنا ولاقيت أن سعرها في المعارض وعند التجار أقل من النت في التموسط ب6000 جنيه
وده ميمنعش ان فيه علي النت عربيات سعرها معقول لكن مش في كل الحالات

**M.FOUAD** · 05-04-2011 11:22 AM

40الف يجيبوا فيرنا 2004 تكييف و باور يعني زيادة عربة احدث 6 سنين و 1500 مش 1300 و باور و فيرنا مش اكسنت
و ممكن تزود شوية و تجيب لانسر كريستالة نفس الموديل 98
و لو غاوي اكسنت يجيبولك موديل 2006

**Mangog** · 05-04-2011 11:44 PM

الاكسنت مفهاش باور و العربية تخلص 37 الف لما تكون مش محتاجة مصاريف

بس الأكسنت وحشة فى 1300 لكن ال 1500 كويس منها و ممكن يخلص 39-40 الف ده موديل 1999

فالأفضل ماتشتريش العربية كده لانها غالية

**Diaby** · 06-04-2011 12:59 PM

حضرتك دي فى 2006 كنت هاشتريها زيرو ب52 يبقى ال98 ازاى ب40 و1300 مش 1500 كاملة gls

**essam_shaaban** · 06-04-2011 01:36 PM

هو في الحقيقة انا مش عشاق وملاك الاكسنت وكنت امتلكت موديل 2000 اللي هيه 1300 سي سي عربية كانت بيتي ومصرفتش معايا حاجة تقريبا غير طقم كاوتش لمدة 3 سنين وكانت مكفياني وكويسة بس متعبة ف التكييف مع السحب خاصة في الصيف وده لانها كربراتير دي كنت شاريها ب34.500 من كذا سنة

وبعتها وجيت موديل 2000 كوري مواصفات خليجي 1500 سي سي حقن ، عربيتي بيتي جدا وعاملة 86000 كيلو فقط شرعي بالكشف علي الكمبيوتر بس كانت مركونة كتير ... ودي اشتريتها ب 37500 وصرفت عليا حوالي 1000 سرفيس نضافة يعني جوز كبالن كاملين استيراد طقم فرامل قدام طقم فرش كاسيت بس في النهاية معايا عربية زي الفل مشاء الله وثمنها وصل حوالي 38500 وحقن وبكاسيت نضيف وسماعات زي الفل وفرش جلد وسنتر وانذار وازاز كهرباء وباور ودريكسيون قابل للتعديل وشنطة مفروشة موكيت ومميزات كتيرة افضل من 1300

انا اسف طولت عليك بس طبعا المفيد اقولك ان السعر اللي حضرتك بتتكلم عليه ده خيالي لو هو فضل متمسك بالسعر ده كلمني 0100499485 وواحد صحبي عاوز يبيع اكسنت 1300 موديل 2005 فابريقة بره وجوه عداد 84000 مفهاش خربوش وعربية بيتي ورخصة سارية وهتزيد شوية صغيرين عن 40.000 بس اسمك راكب 2005 شوف حضرتك وكلمني

والسلام عليكم ورحمة الله وبركاته

**haloo** · 07-04-2011 12:45 AM

جماعه الله يكرمكم معروض عليه هيونداى اكسنت 98 سى دى واستعنال نضيف واللى كشف عليها قال عايزه تربيط عفشه
والسعر 28 نهااااااااااااااااائى
ايه رايكم
ارجو سرعة الرد خايف تضيع منة

الموضوع: الى خبراء الهيونداى اكسنت ( طلب تسعير )

LinkBack

أدوات الموضوع

عرض

-

-

-

-

المواضيع المتشابهه

ارجو المساعدة من خبراء الهيونداى والسوزوكى

خبراء وعشاق الهيونداى طلب خاص ب ( تاكسون 2011)

الى خبراء الهيونداى

الى خبراء السيارات الهيونداى

سؤال الى خبراء الهيونداى

الكلمات الدلالية لهذا الموضوع

المفضلات

المفضلات

ضوابط المشاركة