الى خبراء الهيونداى اكسنت ( طلب تسعير )

السلام عليكم ورحمة الله وبركاته
رجاء عاجل على وجه السرعة
حيث اننى سأدفع غدا صباحا وأشترى
سيارة هيونداى أكسنت موديل 98
السيارة موتور 1300 سي سي
بدون اى كماليات عدا التكييف
بدون باور
السيارة بها تكييف يحتاج لصيانة بسيطة تساوى 100 جنيه بالكتير
حالة الدهان فابريكة بمعنى الكلمة
من الخارج والداخل
بها بعض الخرابيش نظرا لمرور الزمن عليها
العداد 106500 كيلومتر
بها كاسيت بايونير سي دي يعمل بكفائة
سماعات دائرية بالابواب الامامية بايونير
سماعات بيضاوية بالشنطة بايونير
حالة الفرش الداخلى جيده جدا
4 كاوتش جديد
بطارية عاديه تعمل بكفاءة
السيارة بعد تجربتها ممتازة فى السحب

ارجو من الخبراء افادتى فى السعر
على وجه السرعة
نظرا لأنى سادفع فى الصباح واوقع العقد
لن اقول بكم اتفقت على سعر الشراء
ولكن انتظر منكم التسعير المظبوط تماما
وانشاء الله بعد توقيع العقد والدفع غدا ساعلن عن ثمن الشراء

وجزاكم الله خيرا

متابع

35-36 الف

متهيالى 34500 : 35000 وربنا يحسن اختيارك ويباركلك فيها

احب أشكر كل من ادلى برأيه
بس أحب أعرف
الآراء دى عن تجربة ومعرفة حقيقية ولا مجرد تخمينات
صاحب العربية كان بيطلب 42000 جنيه
وبالعافية وصلنا معاه الى 40500
بس لسه ما خلصناش فى الدفع والعقد
ياريت اللى عارف معلومة اكيده
يدخل ويرد على
واللى بيخمن وبس برضه كتر خيره
بس يعرفنا برضه انه مجرد تخمين او تقدير شخصي
مش سعر سوق يعنى

اقتباس:

---

المشاركة الأصلية كتبت بواسطة lorans_el3rab

احب أشكر كل من ادلى برأيه
بس أحب أعرف
الآراء دى عن تجربة ومعرفة حقيقية ولا مجرد تخمينات
صاحب العربية كان بيطلب 42000 جنيه
وبالعافية وصلنا معاه الى 40500
بس لسه ما خلصناش فى الدفع والعقد
ياريت اللى عارف معلومة اكيده
يدخل ويرد على
واللى بيخمن وبس برضه كتر خيره
بس يعرفنا برضه انه مجرد تخمين او تقدير شخصي
مش سعر سوق يعنى

---

السلام عليكم
كده حضرتك السعر مبالغ فيه جدا بمبلغ كبير جدا
العربيه دي لو هي حاله فوق الممتازه لن تتخطي 33000 جنيه
ولو فول أوبشن موديل حديث فوق 2000 يبقي تعمل 36 وطالع أنتهاء بموديل 2006 أخر موديل لو حاله ممتازه فول أوبشن تعمل 42 او 43
ولو 1500cc تزود 2000 جنيه بالكتير عن 1300

اقتباس:

---

كده حضرتك السعر مبالغ فيه جدا بمبلغ كبير جدا
العربيه دي لو هي حاله فوق الممتازه لن تتخطي 33000 جنيه
ولو فول أوبشن موديل حديث فوق 2000 يبقي تعمل 36 وطالع أنتهاء بموديل 2006 أخر موديل لو حاله ممتازه فول أوبشن تعمل 42 او 43
ولو 1500cc تزود 2000 جنيه بالكتير عن 1300

---

راى ممتاز ووافى جدا

اقتباس:

---

المشاركة الأصلية كتبت بواسطة beshomilan

راى ممتاز ووافى جدا

---

شكرا لكل من ابدى رأيه فى السعر

وياريت لو فى اى حد تانى عنده فكرة
او معلومة ممكن تفيد
مايبخلش علينا بالمعلومات
وجزاكم الله عنا خير الجزاء

أولا لا شكر علي واجب
بالنسبه للعربيه دي لو صاحبها يقبل أن يعاملها معاملة السوق وهي بالحالة المذكوره أقدم علي شرائها
أما لو هو معترض أبعد عنها و ابحث عن عربيه 2000 الي 2006 35 الي 42 هايجبلك حاله فوق الوصف و 1500 cc

الله معك

اقتباس:

---

المشاركة الأصلية كتبت بواسطة hossam99

أولا لا شكر علي واجب
بالنسبه للعربيه دي لو صاحبها يقبل أن يعاملها معاملة السوق وهي بالحالة المذكوره أقدم علي شرائها
أما لو هو معترض أبعد عنها و ابحث عن عربيه 2000 الي 2006 35 الي 42 هايجبلك حاله فوق الوصف و 1500 cc

الله معك

---

عفوا اخي الكريم
مش فاهم يعنى ايه قصدك انه يقبل انه يعاملها معاملة السوق

ياريت توضح قصدك اكتر لو تكرمت

بالمواصفان دى اخرها 37 بس فيه حاجه
لو انت حاسس ان العربيه حلوه بجد
وبيتى بمعنى الكلمه ادفع اللى يقول عليه

اقتباس:

---

المشاركة الأصلية كتبت بواسطة lorans_el3rab

عفوا اخي الكريم
مش فاهم يعنى ايه قصدك انه يقبل انه يعاملها معاملة السوق

ياريت توضح قصدك اكتر لو تكرمت

---

يعني السوق بيقول أن الاكسنت ال1300 مو98 لا تتعدي 33 ولو صاحب العربيه وافق بالثمن ده يبقي تمام علي أعتبار أن العربيه لاتحتاج مصاريف غير ال100 جنيه تكييف

اقتباس:

---

المشاركة الأصلية كتبت بواسطة hossam99

يعني السوق بيقول أن الاكسنت ال1300 مو98 لا تتعدي 33 ولو صاحب العربيه وافق بالثمن ده يبقي تمام علي أعتبار أن العربيه لاتحتاج مصاريف غير ال100 جنيه تكييف

---

الف شكر لاهتمامك اخي الكريم
وآسف لإزعاجك

يعنى اعلى سعر للعربية دى فى رأيك
لا يزيد عن 33 الف
ولا ممكن تيجي بأكتر من كده

اقتباس:

---

المشاركة الأصلية كتبت بواسطة bentrewsha

بالمواصفان دى اخرها 37 بس فيه حاجه
لو انت حاسس ان العربيه حلوه بجد
وبيتى بمعنى الكلمه ادفع اللى يقول عليه

---

هو طالب 40500 بعد الفصال

وده فرق كبير عن اراء الجميع هنا
فهل ادفع له اللى عاوزه ولا ايه

اقتباس:

---

المشاركة الأصلية كتبت بواسطة lorans_el3rab

هو طالب 40500 بعد الفصال

وده فرق كبير عن اراء الجميع هنا
فهل ادفع له اللى عاوزه ولا ايه

---

أنا هاقول لحضرتك معلومه وبعد ذلك حضرتك تاخد قرارك
الأكسنت موديل 2003 و 1500cc الناس بتطلب فيها 40000 وبتخلص علي 38000 و أقل
وفي الأخر القرار لحضرتك ومقدرش أقول أدفع أو ماتدفعش

ولو فيه اتفاق بينك وبين صاحب العربيه حاول توضحله وجهة نظرك وتقله ان العربيه بتتباع بالسعر كذا في السوق تقبل الموضوع خير لو متقبلوش دي عربيته و هو يبيع بالسعر اللي يعجبه و حاول تدور كويس و متعتمدش علي النت فقط في البحث
وعن تجربه من أسبوعين كنت بدور علي فيرنا ولاقيت أن سعرها في المعارض وعند التجار أقل من النت في التموسط ب6000 جنيه
وده ميمنعش ان فيه علي النت عربيات سعرها معقول لكن مش في كل الحالات

40الف يجيبوا فيرنا 2004 تكييف و باور يعني زيادة عربة احدث 6 سنين و 1500 مش 1300 و باور و فيرنا مش اكسنت
و ممكن تزود شوية و تجيب لانسر كريستالة نفس الموديل 98
و لو غاوي اكسنت يجيبولك موديل 2006

الاكسنت مفهاش باور و العربية تخلص 37 الف لما تكون مش محتاجة مصاريف

بس الأكسنت وحشة فى 1300 لكن ال 1500 كويس منها و ممكن يخلص 39-40 الف ده موديل 1999

فالأفضل ماتشتريش العربية كده لانها غالية

حضرتك دي فى 2006 كنت هاشتريها زيرو ب52 يبقى ال98 ازاى ب40 و1300 مش 1500 كاملة gls

هو في الحقيقة انا مش عشاق وملاك الاكسنت وكنت امتلكت موديل 2000 اللي هيه 1300 سي سي عربية كانت بيتي ومصرفتش معايا حاجة تقريبا غير طقم كاوتش لمدة 3 سنين وكانت مكفياني وكويسة بس متعبة ف التكييف مع السحب خاصة في الصيف وده لانها كربراتير دي كنت شاريها ب34.500 من كذا سنة

وبعتها وجيت موديل 2000 كوري مواصفات خليجي 1500 سي سي حقن ، عربيتي بيتي جدا وعاملة 86000 كيلو فقط شرعي بالكشف علي الكمبيوتر بس كانت مركونة كتير ... ودي اشتريتها ب 37500 وصرفت عليا حوالي 1000 سرفيس نضافة يعني جوز كبالن كاملين استيراد طقم فرامل قدام طقم فرش كاسيت بس في النهاية معايا عربية زي الفل مشاء الله وثمنها وصل حوالي 38500 وحقن وبكاسيت نضيف وسماعات زي الفل وفرش جلد وسنتر وانذار وازاز كهرباء وباور ودريكسيون قابل للتعديل وشنطة مفروشة موكيت ومميزات كتيرة افضل من 1300

انا اسف طولت عليك بس طبعا المفيد اقولك ان السعر اللي حضرتك بتتكلم عليه ده خيالي لو هو فضل متمسك بالسعر ده كلمني 0100499485 وواحد صحبي عاوز يبيع اكسنت 1300 موديل 2005 فابريقة بره وجوه عداد 84000 مفهاش خربوش وعربية بيتي ورخصة سارية وهتزيد شوية صغيرين عن 40.000 بس اسمك راكب 2005 شوف حضرتك وكلمني

والسلام عليكم ورحمة الله وبركاته

جماعه الله يكرمكم معروض عليه هيونداى اكسنت 98 سى دى واستعنال نضيف واللى كشف عليها قال عايزه تربيط عفشه
والسعر 28 نهااااااااااااااااائى
ايه رايكم
ارجو سرعة الرد خايف تضيع منة

اقتباس:

---

المشاركة الأصلية كتبت بواسطة haloo

جماعه الله يكرمكم معروض عليه هيونداى اكسنت 98 سى دى واستعنال نضيف واللى كشف عليها قال عايزه تربيط عفشه
والسعر 28 نهااااااااااااااااائى
ايه رايكم
ارجو سرعة الرد خايف تضيع منة

---

لو حالتها حلوة اتكل على الله بس بص عليها تانى وخد حد بيفهم معاك يبص ع الدهان كويس

هيونداى اكسنت 98 بـ 28 الف ؟!!!!!!!!!!!! ، والله يبقى حضرتك غلطان لو مخلصتش فيها دلوقت حالاً

شكرا لكل من ساهم معي فى هذه المشاركة
ولكن الحقيقة انى اشتريت السيارة خلاص
بسعر 40000 جنيه بعد الفصال والتعب مع صاحبها
العربية نضيفة جدا جدا وناعمة خالص
عداد الكيلومتر 106500
وكمان مفيهاش قلم بوهيه من الاكصدام للاكصدام
والعربية دى طبعا الكوري مواصفات خليجي
وده سبب ارتفاع سعرها عن المصري (الموديلات الاحدث)
ده كمان بالاضافة انها كاربراتير مش انجيكشن
يعنى شغال ببنزين 80 عادى
وده اللى بيرفع سعرها عندنا فى الشرقية
لأنها مرغوبة جدا هى والتويوتا الـ 93 الكورولا
يمكن تستغربوا لو قلتلكم ان الكورولا النضيفة عندنا موديل 93
بيوصل سعرها ال 52 الف و 53 الف جنيه
واللانسر المكواه بتوصل 65 الى 68 الف
برضه عشان كاربراتير
فى النهاية خالص شكري لكل من ساهم فى مساعدتى

اقتباس:

---

المشاركة الأصلية كتبت بواسطة lorans_el3rab

شكرا لكل من ساهم معي فى هذه المشاركة
ولكن الحقيقة انى اشتريت السيارة خلاص
بسعر 40000 جنيه بعد الفصال والتعب مع صاحبها
العربية نضيفة جدا جدا وناعمة خالص
عداد الكيلومتر 106500
وكمان مفيهاش قلم بوهيه من الاكصدام للاكصدام
والعربية دى طبعا الكوري مواصفات خليجي
وده سبب ارتفاع سعرها عن المصري (الموديلات الاحدث)
ده كمان بالاضافة انها كاربراتير مش انجيكشن
يعنى شغال ببنزين 80 عادى
وده اللى بيرفع سعرها عندنا فى الشرقية
لأنها مرغوبة جدا هى والتويوتا الـ 93 الكورولا
يمكن تستغربوا لو قلتلكم ان الكورولا النضيفة عندنا موديل 93
بيوصل سعرها ال 52 الف و 53 الف جنيه
واللانسر المكواه بتوصل 65 الى 68 الف
برضه عشان كاربراتير
فى النهاية خالص شكري لكل من ساهم فى مساعدتى

---

أولا ألف مبروك وربنا يوفقك

أما بالنسبة لأرتباط البنزين 80 بالعربيات الكربيراتير فمش صح
هو العامل الفاصل في أستخدام البنزين 80 هو نسبة الأنضغاط داخل المحرك
وعلي فكره في عربيات كتير أنجكشن معده لأستخدام بنزين أقل من 90

وعلي العموم مبروك

اقتباس:

---

المشاركة الأصلية كتبت بواسطة HOSSAM99

أولا ألف مبروك وربنا يوفقك

أما بالنسبة لأرتباط البنزين 80 بالعربيات الكربيراتير فمش صح
هو العامل الفاصل في أستخدام البنزين 80 هو نسبة الأنضغاط داخل المحرك
وعلي فكره في عربيات كتير أنجكشن معده لأستخدام بنزين أقل من 90

وعلي العموم مبروك

---

الله يبارك فيك

علي فكره ياباشا سعرها كدا جميل جدا ومبروك عليك والله من قبل ماشوفك باقي التعليقات قولت تعمل من 40 ل 41 الف
لان الاكسنت دي ليها بلادها اغلب اللي اتكلم من القاهره وبلاد الاكسنت دقهليه شرقيه دمياط بور سعيد مشهوره في المحافظات دي اوي وهما اللي بيقدرو العربيه دي ومبروك عليك وربنا يملهالك بركه

اقتباس:

---

المشاركة الأصلية كتبت بواسطة cdkareem

هيونداى اكسنت 98 بـ 28 الف ؟!!!!!!!!!!!! ، والله يبقى حضرتك غلطان لو مخلصتش فيها دلوقت حالاً

---

يعنى حضرتك شايف كده مشكلتى ان خبرتى فى العربيات زيروووووووووووو
ومحتاج ناس محترمه زيكم تفيدنى
انا لسه متردد وعايزظ اسالكم العربيه دى مميزاتها حلوه

والله يا صحبى انا لا خبرة ولا حاجة ، بس المنطق بيقول ان مفيش عربية اكسنت نضيفة وعلى الاقل فبريكة جوه ممكن تعمل السعر اللى حضرتك بتقول عليه ، ولو بجد العربية فبريكة دواخل ورشه بره وحتى لو المكنة تعبانة خدها بالسعر ده _ بس الاول تتأكد ان العربية مش عاملة حدثة لا قدر الله ولا فيه حاجة فى الدوخل بتعتها
وربنا يديك خيرها ويكفيك شرها

لا هو الحمد لله تاريخ العربيه عندى زى ماقلتلكم دى بتاعة واحد صاحبى وقبل الثوره كانت جايبه فوق التلاتين بس رخصت مع رخص اليوسد بعد الثوره

يا سيدى الفاضل من الاخر لو العربية دى اكسنت مش اكسل ، ومتأكد ان العربية مفهاش حوادث جامدة _ يبقى تتكل على الله وتشترى دلوقت حالاً قبل ما يرجع فى كلامه

اقتباس:

---

المشاركة الأصلية كتبت بواسطة modo88

علي فكره ياباشا سعرها كدا جميل جدا ومبروك عليك والله من قبل ماشوفك باقي التعليقات قولت تعمل من 40 ل 41 الف
لان الاكسنت دي ليها بلادها اغلب اللي اتكلم من القاهره وبلاد الاكسنت دقهليه شرقيه دمياط بور سعيد مشهوره في المحافظات دي اوي وهما اللي بيقدرو العربيه دي ومبروك عليك وربنا يملهالك بركه

---

الله يبارك فيك
فعلا كلامك مظبوط جدا
العربيات دي بنحبها جدا
وبتمسك سعر كويس عندنا