مبروك يا معلم
عرض للطباعة
مبروك يا معلم
الف الف مبروك وربنا يباركلك فيها :)
ألف مبروك يا باشا وربنا يكفيك شرها , خلاص تمام كده طالما الكنترول بتاع المانيوال طلع فيه مشكلة يبقى رجعه لمجدي
وحقولك على طريقة تعرف بيها الكنترول مانيوال ولا اوتوماتيك
بص يا باشا مبدئيا كود الكونترول بيبقى مكتوب كده p08-n01 مثلا , p08 و عرفناها اللي بعدها ده بقى اللي بيحدد مانيوال ولا أتوا بس طبعا عايزة سيرش في النت بقى عشان تعرف كود المانيوال إيه والأتوا إيه .
طريقة بقى أسهل من كده وهي إنك تجيب الكنترول وتركبه في العربية وتفصل الفيشة بتاعت الفتيس الي اتكلمنا عليها قبل كده اللي هي حاساسات الفتيس لو ال check-engine نورت يبقى ده كنترول أتوا لانه بيدور على الفتيس وإنت فاصلهوله , ولو مانورتش يبقى ده كونترول مانيوال ومش فارق معاه الحساس ده أصلا :) . وابقى قولي عملت إيه
تمام يا سنهورى
أنت كنت فين من زمان أنت كمان
وألا الواحد لازم يزعق
عشان الناس تصحى
شكرا جزيلا اوي ليكم بجد و الله يبارك فيكم:shine[1]:
طيب تمام انا نازل دلوقتي هجرب بقي الموضوع ده...وشكرا جدا علي ردودك اهتمامك بالموضوع :)
تقرير اليوم السادس و الاخير ان شاء الله (السبت 9 ابريل 2011)
نزلت صبح قيست زيت تمام بس ميه لقيت ردياتير مليان و القربه فاضيه بس الغطا الردياتير تالف فأكيد العيب منه....دورت و روحت بيها مشوار اكتوبر و فضلت ماشي بيها علي مهلي بس بعد كده قرصت مقدرتش استحمل و بعد كده نزلت المعادي علي محمد سعيد بتاع التكييف و قولتلو علي موضوع كومبروسر بص عليه لقا طنبوره مخبوطه عدلهالي بمفك و خلاص و ظبط تاكيف و ما شاء الله عليه تلاجه و بعدها قيست كبس موتور و طلع 84%
ونزلت الحرفين حاسبت مجدي و حكتلو علي كنترول و الحركه الي عاملها قالي جرب و لو في حاجه هغيرهولك و قفلت شغلي و خلاص بقي بس لسه ناقص حبت حاجات بسيطه يعني سلك الاكسلاتير ناشف جدا عشان بتاع الكاربتير و طويل كمان عايز يتغير و ماشي من غير فلتر هوا و ده خطر بس كله فينيش بسيط
وطبعا العصيا مش مظبطه نهائيا مع الفتيس عشان ده 3 شجره و فيه نقله زياده فبكده هحتاج عصيا برده...المشكله انها موجوده في الحرفين بس يمين يعني كتابت النقلات مكتوبه نحيه الي جنب سواق...بس هدور علي وحده شمال ان شاء الله
هصورلكم شويت حاجات و احطهالكو ان شاء الله :Oc_sun1[1]:
الف مبروك يا ياشا و ربنا بديك كل خيرها و يكفيك شرها
الف مبروك اباشا ربنا يباركلك فيها ..