..إستفسار عن ...سخان الغاز والبوتوجاز..والبتاع اللى بيركب فوقه.....

الموضوع ممكن يكون مطروح من قبل للمناقشه بخصوص أفضل نوع سخان غاز..وإختلفت الاراء وأجمعت عن إن سخان الغاز مرتبط بضغط الميه بشكل أساسى...

وبما أنى عقبال عندكم هقدم على الغاز الطبيعى ..والسخان اللى عندى كهربائى.....والمدام إنتهزت الفرصه وطالبت ببوتوجاز جديد (طباخ بلغه الاسكندرانيه) ...كمان بما إن الشفاط عندى زى قلته (المدور اللى بيركب على زجاج الشباك)والمطبخ ضيق...ومفيش إمكانيه تكسير لتركيب شفاط أكبر.....

إيه الرغى ده كله؟!!!

نيجى بقى للمفيد....

محتاج تجاربكم مع السخان الغاز...يعنى لو حد مركب غاز طبيعى والميه بتطلع بالموتور والضغط معقول إيه الماركات اللى طلعت فاشله وايه اللى أثبتت إنها محترمه....

البوتوجاز..........حد يعرف أيه أفضل نوع وسعره معقول ومتوافق مع الغاز ومش هيعترضوا عليه.....!

فى شفاط بيتركب بدون مدخنه على البوتوجاز على طول.....والمفروض أنه بفلتر وبيتفك الفلتر يتنظف كل فتره زى فلتر التكييف كده.....هل الشفاط ده عملى وبيمنع الدخان والروائح ؟..وهل سعره معقول بالمقارنه بالمنفعه اللى بتيجى منه ولا ديكور وخلاص...وبيعيش ولا سنه او اتنين وارميه؟...


كفايه كده أسئله المره دى والمره الجايه أسئلكم على باقى الأجهزه....:b4_033:


منتظر تجاربكم يا شباب...

تحياتى

السلام عليكم ورحمة الله و بركاته
بالنسبه للسخان أنا معرفش الأفضل أيه لكن عندي أنا فيه تكنو جاز 10 ليتر
هو ببكرتين واحده لمستوي المياه والتانيه للغاز لما بعمل الميه علي اقل حاجه والغاز علي أعلي حاجه الشاشه بتقرأ درجه حراره فوق ال80

وكنت أعرف أن فيه ماركات تانيه أفضل زي اليونيفيرسال لكن مجربتوش

والسخان شغال تمام من شهرين و مكفي أستخدام 6 أفراد

لكن عن تجربه خدمة ما بعد البيع من تكنو جاز ضعيفه جدا لأني جربتها في البوتاجاز و كانت ضعيفه وخبرتهم وحشه جدا

بالنسبه للبوتاجاز أنصحك أبعد عن التكنو جاز غير معمر و غير عملي

أما الشفاط المذكور عن تجربة أحد الأقارب كان عنده جي أم سي ومش عارف يصلحه
أنا معرفش الماركات التانيه أيه نظامها

و بالتوفيق إن شاء الله

اشرف بيك فتحي
بعد التحيه والسلام والبوس والاحضان وسلامات طيبون

نصيحه وعن تجربه
خليك في سخان المصانع الحربيه
انا جبته في شقتي وانا عريس جديد اهو
شكله معفن وكئيب بس عملي وحمار شغل
عاوز اقولك ان اليونيفيرسال والاوليمبك عندنا في البيت والشغل
مطلعين عين اهالينا
واليونيفيرسال ده صلحناه بتاع 3 مرات واهو مكملش سنتين
في حين ان سخان المصانع اللي كان عندنا قبله قاعد مع امي بقالها 25 سنه وكل اللي بيتعمل فيه جلده وخلاص علي كده
ولعلمك سخان المصانع الحربيه غالي مش رخيص ب780 جنيه
واغلي من اليونيفريسال والحاجات دي

وانا بسأل علي الاجهزه الكهربائيه قالولي خليك في المصانع ياااما لو معاك قرشين محيرينك تجيب اريستون مستورد ولا مش عارف ماركه تانيه كده
سعرهم يبتدي من 1500

وعن تجربه كذا واحد صاحبي بردو قرفان من سخانات الغاز الجديده

البوتاجاز افضل ماركه واغلاها
بوتاجاز كريازي وسعره من 1900 ل 2700 اللي هوا الكينج سايز
اعلي بوتاجاز في السوق حاليا
يليه الفريش ولقيت في حدود 1450 وده اللي انا حجيبه ان شاء الله
وفيه منه لحد 1900 الي هوا المتر
يليه الزانوسي وهوا اوحشهم واغلي من الفريش
يونيفرسال مش عارف ايه ظروفه هوا كان زمان حلو دلوقتي مش عارف

الشفاط ابويا جابه فريش وما شاء الله بيلف لوحده وانا معنديش كهرباء في الشقه :)
مراتي قعدت ساعه حتموت وتعرف ده بيلف ازاي من غير كهرباء وفي الاخر اكتشفت السر الرهيب
بعد 3 شهور من توضيب الشقه
طلع الريش الخلفيه بتاعته مفتوحه وهوا عالمنور فعامل تيار :)
صباح الاشتغالات

اقتباس:

---

المشاركة الأصلية كتبت بواسطة hossam99

السلام عليكم ورحمة الله و بركاته
بالنسبه للسخان أنا معرفش الأفضل أيه لكن عندي أنا فيه تكنو جاز 10 ليتر
هو ببكرتين واحده لمستوي المياه والتانيه للغاز لما بعمل الميه علي اقل حاجه والغاز علي أعلي حاجه الشاشه بتقرأ درجه حراره فوق ال80

وكنت أعرف أن فيه ماركات تانيه أفضل زي اليونيفيرسال لكن مجربتوش

والسخان شغال تمام من شهرين و مكفي أستخدام 6 أفراد

لكن عن تجربه خدمة ما بعد البيع من تكنو جاز ضعيفه جدا لأني جربتها في البوتاجاز و كانت ضعيفه وخبرتهم وحشه جدا

بالنسبه للبوتاجاز أنصحك أبعد عن التكنو جاز غير معمر و غير عملي

أما الشفاط المذكور عن تجربة أحد الأقارب كان عنده جي أم سي ومش عارف يصلحه
أنا معرفش الماركات التانيه أيه نظامها

و بالتوفيق إن شاء الله

---

متشكر جدا لإهتمام حضرتك ونقل التجربه ..

اقتباس:

---

المشاركة الأصلية كتبت بواسطة funnymickey

اشرف بيك فتحي
بعد التحيه والسلام والبوس والاحضان وسلامات طيبون

نصيحه وعن تجربه
خليك في سخان المصانع الحربيه
انا جبته في شقتي وانا عريس جديد اهو
شكله معفن وكئيب بس عملي وحمار شغل
عاوز اقولك ان اليونيفيرسال والاوليمبك عندنا في البيت والشغل
مطلعين عين اهالينا
واليونيفيرسال ده صلحناه بتاع 3 مرات واهو مكملش سنتين
في حين ان سخان المصانع اللي كان عندنا قبله قاعد مع امي بقالها 25 سنه وكل اللي بيتعمل فيه جلده وخلاص علي كده
ولعلمك سخان المصانع الحربيه غالي مش رخيص ب780 جنيه
واغلي من اليونيفريسال والحاجات دي

وانا بسأل علي الاجهزه الكهربائيه قالولي خليك في المصانع ياااما لو معاك قرشين محيرينك تجيب اريستون مستورد ولا مش عارف ماركه تانيه كده
سعرهم يبتدي من 1500

وعن تجربه كذا واحد صاحبي بردو قرفان من سخانات الغاز الجديده

البوتاجاز افضل ماركه واغلاها
بوتاجاز كريازي وسعره من 1900 ل 2700 اللي هوا الكينج سايز
اعلي بوتاجاز في السوق حاليا
يليه الفريش ولقيت في حدود 1450 وده اللي انا حجيبه ان شاء الله
وفيه منه لحد 1900 الي هوا المتر
يليه الزانوسي وهوا اوحشهم واغلي من الفريش
يونيفرسال مش عارف ايه ظروفه هوا كان زمان حلو دلوقتي مش عارف

الشفاط ابويا جابه فريش وما شاء الله بيلف لوحده وانا معنديش كهرباء في الشقه :)
مراتي قعدت ساعه حتموت وتعرف ده بيلف ازاي من غير كهرباء وفي الاخر اكتشفت السر الرهيب
بعد 3 شهور من توضيب الشقه
طلع الريش الخلفيه بتاعته مفتوحه وهوا عالمنور فعامل تيار :)
صباح الاشتغالات

---

حبيبى يا صبحى باشا.....

والله يا صبحى انا أخر مره سألت على الحاجات دى كانت من حوالى 12 سنه فبالتالى كنت فى حيره برضو.......بس مكنش فى كل الماركات دى...

كان تلاجه ينى ايديال زانوسى او كريازى..

بوتوجاز...أطلس او تكنو جاز...

سخان ...يعنى اوليمبك...

شفاط يعنى توشيبا..

دلوقتى كل حاجه فيها تلاتين ماركه

وكل حاجه يقولك بلاش القديم من ده او هات القديم ومتجبش الجديد من ده زى سخان المصانع كده كل اللى اكلمه يقوللى هات س 8 القديم ومتشتريش الجديد...

أخويا بيركب غاز برضو وإشترى سخان فريش فقط لأنه عجبه خدمه ما بعد البيع وسرعه الاستجابه واحترام العميل....

وللأسف مفيش سخان غاز توشيبا....

أدينى مستنى باقى الأراء وربنا يتمملك بخير يا صبحى قبل ما تبيع البنطلونين اللى فاضلين!!:Oc_sun1[1]:

اقتباس:

---

المشاركة الأصلية كتبت بواسطة أشرف فتحى

متشكر جدا لإهتمام حضرتك ونقل التجربه ..

---

أنا تحت أمر حضرتك

ده موضوع عن سخانات الغاز فيه ردود ليا ولباقي الناس:
http://www.nilemotors.net/Nile/202593-a.html
من وجهة نظري أحسن ماركتين اوليمبك وينيفرسال


وده عن سخانات الكهرباء بس فيه برده أراء عن الغاز:
http://www.nilemotors.net/Nile/200374-a.html

بالنسبة للبوتجاز...أنا عندي كريازي 4 شعلة بقاله سنتين ونص وشغال تمام والحمد لله...وفعلا ده كان أحسن نوع ساعتها وكل الناس بتشكر فيه
لسه جايب بوتجاز اسمه ويست بوينت صناعة مصري برده وطلع كويس بس لسه استخدامي ليه خفيف
بالنسبة للشفاط اللي فوق البوتجاز..مش عارف ايه نظامه بس شكله مش بيعمل حاجة...هسالك واشوف اذا كنت اقدر افيدك...بس انا ركبت شفاط توشيبا ...حفرتله في الحيط وتمام برده

بالنسبة للشفاط اللي بيركب فوق البوتاجاز (الهود) عندي نوع اسمه تربو وفعلا فيه 2 فلتر كربون بيتغيروا كل فترة.. وفعلا مفيد بيشفط الدهون والابخرة اللي ممكن كانت تترسب على خشب المطبخ والحوائط.. بس هو مزعج شوية
والشفاط دا ممكن تعمله فتحة في الحائط فوقه وتركب فيه زي ماسورة المدخنة ويبقى الشفط على برة على طول ودي احسن نتيجة..
الشفاط دا كان بحوالي 450 ج
وممكن تلاقي منه يونيفرسال بحوالي 700ج
وفيه انواع تانية مستوردة بتبدأ من 2000ج

أول حاجة تقولها هى ميزانيتك و لو الفلوس ما تفرقش معاك يبقى الاحسن بالتجربة كالتالى
سخان غاز باناسونيك (اللى كان ناشونال زمان) و 5 لتر كان من9 سنين بحوالى 1100 ايام ما كان التكنوجاز ب520
بوتاجاز جليم جاز
أما الشفاط اللى بيركب فوق البوتاجاز فلو ها تستخدمة بفلتر يبقى قلته احسن
عشان يبقى شفاط بجد لازم يشتغل بمدخة على برة و لا يكون قدرتة اقل من 450 قدم فى الدقيقة بأى حال و يستحسن 600
أنا مركب عندى اليكا بقاله 5 سنين و الحمد لله كويس جدا

اقتباس:

---

المشاركة الأصلية كتبت بواسطة timtim

بالنسبة للشفاط اللي بيركب فوق البوتاجاز (الهود) عندي نوع اسمه تربو وفعلا فيه 2 فلتر كربون بيتغيروا كل فترة.. وفعلا مفيد بيشفط الدهون والابخرة اللي ممكن كانت تترسب على خشب المطبخ والحوائط.. بس هو مزعج شوية
والشفاط دا ممكن تعمله فتحة في الحائط فوقه وتركب فيه زي ماسورة المدخنة ويبقى الشفط على برة على طول ودي احسن نتيجة..
الشفاط دا كان بحوالي 450 ج
وممكن تلاقي منه يونيفرسال بحوالي 700ج
وفيه انواع تانية مستوردة بتبدأ من 2000ج

---

يبقى كده مش مستاهله طالما تكسير بتكسير يبقى الشفاط العادى ابو 150 جنيه...أرخص واسهل....

اقتباس:

---

المشاركة الأصلية كتبت بواسطة أبو_حمزة

أول حاجة تقولها هى ميزانيتك و لو الفلوس ما تفرقش معاك يبقى الاحسن بالتجربة كالتالى
سخان غاز باناسونيك (اللى كان ناشونال زمان) و 5 لتر كان من9 سنين بحوالى 1100 ايام ما كان التكنوجاز ب520
بوتاجاز جليم جاز
أما الشفاط اللى بيركب فوق البوتاجاز فلو ها تستخدمة بفلتر يبقى قلته احسن
عشان يبقى شفاط بجد لازم يشتغل بمدخة على برة و لا يكون قدرتة اقل من 450 قدم فى الدقيقة بأى حال و يستحسن 600
أنا مركب عندى اليكا بقاله 5 سنين و الحمد لله كويس جدا

---

للأسف أنا عايز حاجه مش بتكلفه متوسطه وخدمه عملاء محترمه...

اقتباس:

---

المشاركة الأصلية كتبت بواسطة swimmer25

ده موضوع عن سخانات الغاز فيه ردود ليا ولباقي الناس:
http://www.nilemotors.net/nile/202593-a.html
من وجهة نظري أحسن ماركتين اوليمبك وينيفرسال


وده عن سخانات الكهرباء بس فيه برده أراء عن الغاز:
http://www.nilemotors.net/nile/200374-a.html

بالنسبة للبوتجاز...أنا عندي كريازي 4 شعلة بقاله سنتين ونص وشغال تمام والحمد لله...وفعلا ده كان أحسن نوع ساعتها وكل الناس بتشكر فيه
لسه جايب بوتجاز اسمه ويست بوينت صناعة مصري برده وطلع كويس بس لسه استخدامي ليه خفيف
بالنسبة للشفاط اللي فوق البوتجاز..مش عارف ايه نظامه بس شكله مش بيعمل حاجة...هسالك واشوف اذا كنت اقدر افيدك...بس انا ركبت شفاط توشيبا ...حفرتله في الحيط وتمام برده

---

أشكر حضرتك جدا على الروابط...أنا بالفعل قريت المشاركات فى المواضيع السابقه لكن اختلاف الاوضاع خلى نفس الماركه ليها اكتر من رد فعل وبالتالى عرضت الموقف عندى للنصيحه.

دور رابع ..موتور مياه وضغط مياه معقول مع ملاحظه ان مش كل السكان ساكنين..يعنى هيضعف ....هوصل غاز ومجربتوش قبل كده...

المعارف وبتوع الغاز قالوا يونيفرسال بس من تجربه اتنان من المعارف فهو سئ وضبطه صعب وبيفصل بصفه متكرره لأنه مرتبط بضغط المياه العالى او المعتدل فقط لكن لو الميه ضعيفه ...عذااااااااااااااب

محتاج رأى فى اتنين ..أوليمبيك أوايديال....لمستخدميهم فى سخان الغاز....وسمعت انهم بقوا واحد

اشرف باشا مبروك الغاز ... وعقبالى ...

بعد تجربة مع سخان مصانع س8 مش لطيفة وشعلة دائمة

تطلع عينك وتفضيلك الانبوبة ... هههههههه وكل شهرين تغير جلدة رداخ

ومرة طبق رداخ ومرة مش عارف ايه وفونية مين ... ده غير لما تيجى تولعه يطلع عينك

وعاوز ضغط ميه "برفكت" والا... انسى انه يشتغل ولما تيجى تستخدمه يا اما ميه بتغلى

يا اما ميه متلجة كانت ايامه سودة ... المصانع كان زماااااااااااان وجبر..!!!!!!!!

وقعدت ادور لحد ماجيبت اولميبك غاز الانتاج الجديد مش القديم

وده فيه اكتر من تكنولجيا جديدة وهما تعدد شمعات الاشعال الذاتى

اللى بمنع صوت الانفجار او (الهبة) اثناء التشغيل وسينسور لضعف الميه وسينسور لما حرراة الميه

تبقى فوق الرنج و سنسور لتسرب الغاز شوفت فيه اد ايه سنسور اكتر من عربيتك ... هههههه

وضمان 5 سنين والتركيب مجانا الحمد لله الحمد لله ماشاء الله داخل على السنة التانية

بدون اى مشاكل مع راحة فى التشغيل وكل الحكاية بطاريتين "تورش" كل 7 او 8 شهور

واحدة للاشعال والتانية للشاشة الديجتال بتاعة درجة الحرارة

التكنوجاز وينفرسال بعد تجربة سيئة لا خواتى فى الجهاز وخدمة ما بعد البيع صرفت عنهم نظر

شفاط البوتجاز ليه 2 اوبش الاول بمدخنة ودى فتحة صغيرة ى الحائط 12 سم

ود الافضل بالنسبة للروائح وسهولة التنظيف

التانى الفلتر ولكن مزعج فى تنظيفه ومش فعال قوى مع الروائح

بالنسبة للبوتجاز الافضل حاليا هو كريازى لان كل المحابس وصممات الامان ايطالية

والسعر حسب الحجم والاوبشن .... مبروك مقدما

على فكرة ايديال غير الاولمبيك الجديد

اقتباس:

---

المشاركة الأصلية كتبت بواسطة ahmed_su

اشرف باشا مبروك الغاز ... وعقبالى ...

بعد تجربة مع سخان مصانع س8 مش لطيفة وشعلة دائمة

تطلع عينك وتفضيلك الانبوبة ... هههههههه وكل شهرين تغير جلدة رداخ

ومرة طبق رداخ ومرة مش عارف ايه وفونية مين ... ده غير لما تيجى تولعه يطلع عينك

وعاوز ضغط ميه "برفكت" والا... انسى انه يشتغل ولما تيجى تستخدمه يا اما ميه بتغلى

يا اما ميه متلجة كانت ايامه سودة ... المصانع كان زماااااااااااان وجبر..!!!!!!!!

وقعدت ادور لحد ماجيبت اولميبك غاز الانتاج الجديد مش القديم

وده فيه اكتر من تكنولجيا جديدة وهما تعدد شمعات الاشعال الذاتى

اللى بمنع صوت الانفجار او (الهبة) اثناء التشغيل وسينسور لضعف الميه وسينسور لما حرراة الميه

تبقى فوق الرنج و سنسور لتسرب الغاز شوفت فيه اد ايه سنسور اكتر من عربيتك ... هههههه

وضمان 5 سنين والتركيب مجانا الحمد لله الحمد لله ماشاء الله داخل على السنة التانية

بدون اى مشاكل مع راحة فى التشغيل وكل الحكاية بطاريتين "تورش" كل 7 او 8 شهور

واحدة للاشعال والتانية للشاشة الديجتال بتاعة درجة الحرارة

التكنوجاز وينفرسال بعد تجربة سيئة لا خواتى فى الجهاز وخدمة ما بعد البيع صرفت عنهم نظر

شفاط البوتجاز ليه 2 اوبش الاول بمدخنة ودى فتحة صغيرة ى الحائط 12 سم

ود الافضل بالنسبة للروائح وسهولة التنظيف

التانى الفلتر ولكن مزعج فى تنظيفه ومش فعال قوى مع الروائح

بالنسبة للبوتجاز الافضل حاليا هو كريازى لان كل المحابس وصممات الامان ايطالية

والسعر حسب الحجم والاوبشن .... مبروك مقدما

على فكرة ايديال غير الاولمبيك الجديد

---

بارك الله فيك يا باشمهندس أحمد...........

كده يبقى السخان اوليمبك ديجيتال..اللى فيه حساسات أكتر من عربيتى...وعربيه أحمد إسماعيل:10_1_102v[2]:

البوتوجاز كريازى او فريش....

الشفاط توشيبا....عادى مش هيدر

والله المستعان.....


أشكركم جميعا على مشاركتكم...


سؤال بقى....

مين اللى بيركب سخان الغاز...الشركه ولا السباك؟

يعنى اتعاقد الاول واشترى السخان وهما يركبوه ولا اشتريه وأجهزه ويرجعوا يغيروا مكانه؟!

اولميبك بتقول التركيب من خللهم مجانى وعلشان يختملك الضمان

انا رأى اشترى وخلى بتوع الغاز يركبوه بمعرفتهم وبعدين مكالمة لخدمة عملاء

اولمبيك يجوا يعاينوا التركيب ويمضيك على شهادة الضمان

اقتباس:

---

المشاركة الأصلية كتبت بواسطة ahmed_su

اولميبك بتقول التركيب من خللهم مجانى وعلشان يختملك الضمان

انا رأى اشترى وخلى بتوع الغاز يركبوه بمعرفتهم وبعدين مكالمة لخدمة عملاء

اولمبيك يجوا يعاينوا التركيب ويمضيك على شهادة الضمان

---

أشكرك على سرعه الرد والاستجابه للتساؤل ...

تحياتى يا هندسه