الي كل خبراء الفيرنا.....هو ايه اضرار البنزين 80 علي العربية ؟؟؟
انا طول عمري من اول ما جبتها و انا بحطلها 90 .....بس المصاريف زادت اوي بصراحة
الي كل خبراء الفيرنا.....هو ايه اضرار البنزين 80 علي العربية ؟؟؟
انا طول عمري من اول ما جبتها و انا بحطلها 90 .....بس المصاريف زادت اوي بصراحة
انتو فيييين يا جماعة ...ولا واحد يرد ؟؟؟
الأخ العزيز ، مفيش داعي تتلف موتور عربيتك بالبنزين الـ 80 وذلك لأحتوائه على شوائب عالية هتعمل تسلخات في البساتم ، غير تأثيره على اداء العربية وسحبها.
الفرق بين بنزين 90 وبنزين 92 هو 10 قروش بس في اللتر يعني 2 جنيه في الصفيحة ، استعمل 92 افضل للحصول على افضل اداء لمحرك الفيرنا. ولو على التكلفة ممكن توفر شوية لو اعتمدت على المواصلات في المشاوير اللي ليها مواصلات متوفرة زي المترو مثلا او لما تكون لوحدك بدون العائلة زي انا ماعملت وفعلا الحكاية دي وفرت كتير جدا معايا غير استهلاك العربية نفسها.
بيخنق العربيه جدا و كمان بيخليها تصقف و ده غلط جدا جدا
انا فعلا بحط ساعات 92.........اصل انا شوفت ناس كتير في المنتدي بيحطوا بنزين 80 و بيقوله ان مفيش فرق غير في السحب و انك لازم تغير فلتر البنزين كل فترة .... غالبا كدة حفضل علي 92 احسن لأن الواحد مش ناقص اي حاجة تحصل للعربية...انا متشكر جدا يا فندم
الف شكر يا فندم.....يعني بلاش منه احسن..
اوعى من بنزين 80 لسه مبوظ عربيه وموتورها فوت بسببه
موضوع ان ال80 فيه شوائب دة مش صح... الرقم دة بيدل على قابلية الوقود للاشتعال عند ارتفاع الضغط و كل ما الرقم ارتفع كل ما قلت قابلية البنزين للاشتعال تحت ضغط... اذا معنى كدة ان الرقم ملوش اى علاقة مدى نقاء او تلوث البنزين
موضوع النضافة بيرجع للمحطة... يعنى ممكن تخش محطة لسة معمولة جديد او متجددة و تفول 80 و الحياه تبقى زى الفل... و ممكن تخش محطة جربانة تحط 10 لتر 95 و يبقى نصهم كلاب ميتة
و قياسا على كدة نعرف ان قصة "بنزين 80 مينفعش للعربيات الانجكشن" برضة مش صح لان مفيش علاقة بين قابلية البنزين للاشتعال تحت ضغط و بين نظام التغذية بالوقود فى المحرك
طيب امال يفرق فى ايه 80 ولا 90 مع الموتور؟؟؟
يفرق فى نسبة الانضغاط... موتور العربية بيضغط خليط الهوا و البنزين قبل ما شرارة البوجية تحرقة... كل ما كانت نسبة الانضغاط دى عالية كل ما كان لازم الموتور يستخدم بنزين برقم اوكتين عالى (مقاومة اكبر للاشتعال نتيجة الضغط)
عادتا ما بتبقى العربيات الحديثة نسبة الانضغاط فيها عالية و دة بيحتاج بنزين باوكتين عالى... يتصادف دة مع كون العربيات الحديثة انجكشن... بس طبعا احنا عرفنا ان دة مش السبب فى اختيار درجة اوكتين البنزين
طيب يحصل ايه لما الواحد يحط بنزين باوكتين اقل من المطلوب؟؟
البنزين حيشتعل لما ينضغط و دة حيحصل قبل ميعاد الشرارة الصحيح بالتالى بدل ما القوة الانفجارية حتزق البستم لتحت عشان تولد قدرة تحرك العربية... القوة الانفجارية حتقاوم حركة البستم لفوق و تصتدم بيه... و دة سبب صوت التسقيف لان عمليا الموجة الانفجارية بتصدم البستم و هو بيتحرك من تحت لفوق و دى عملية مدمرة للبساتم
MMamdouh
أضراره:
- تدمير كوتشات أويل سيل الصباب
- تدمير دلايل الصبابات
- تدمير الصمامات نفسها
- قد يحدث كسر لصمام
- قد يصل الأمر لكسر عمود الكرنك
والكثير الكثير وكله على المدى الطويل
وراجع الموضوع التالي:
http://www.nilemotors.net/Nile/16758...engine-cr.html
-
انت عالمي والله يا بشمهندس ممدوح....ربنا يخليك للمنتدي...ألف ألف شكر
متقلقش خلاص مش حفكر فيه ده اضراره كتييير اوي...ألف شكر يا فندم
متشكر جدا يا فندم.......انا احط 90 احسن ما اغير الماتور ولا يحتاج مني اعمله عمرة
الف شكر لكل المعلومات القيمه ولكن انا لى رأيى اخر
لا شك ان البنزين 80 يضر بالموتور وده هيقلل من عمره الافتراضى يعنى مثلا بدل ما يبقى عمره الافتراضى 300 الف كيلو هيقل ويصبح 200 الف كيلو
ولكن بحسبه بسيطه انت هتستهلك 20 الف لتر فى خلال السير لمسافة 200 الف كيلو ( واحد لترلكل 10 كيلومتر )
فرق سعر بنزين 80 من بنزين 92 لكل واحد لتر 95 قرش
اذن يكون الفرق فى السعر 19 الف جنيه !!!! فى فتره ال 200 الف كيلو
يبقى الاحسن استخدم بنزين 80 وقلل عمر الافتراضى لموتورك