ياترى احنا كام واحد هنا ؟ دعوه لمالكي الباندا ! إجمع !!

طبعا العربيه مازالت نادره الرؤيه في الشوارع ولكن اما بتعدي في أي شارع عمرها ماتعدي مرور الكرام .السياره ملفته جدا ومميزه جدا وانا بعد ما كنت حاسس اني وحيد في شوارع مصر ماشي بالباندا (نخبة السيارات الصيني من وجهة نظري) دلوقتي بدأت اشوف العربيه بدأت تنتشر في شوارع مصر وبنسلم على بعض بإبتسامه رضا عن السياره وكأننا بنهني بعض على الاختيار الصحيح والموفق للعربيه الصيني الشبابيه الاكثر اثاره و احظاء للاعجاب سواء كان من ناحية الشكل أو المضمون.
لكني بتساءل كام واحد من ملاك الباندا موجودين هنا في المنتدى ؟
ياريت اللي موجود يدخل يقول انا معايا باندا .. وافتخر ! :)
عاوزين نتجمع ونفيد بعض وانشاءلله نعمل رابطة ملاك للسياره المثيرهGeely Panda L.C. 1300
تقبلوا تحياتي.:16:

معايا باندا وافتخر

معايا باندا وافتخر

بالصور ... الباندا كانت حاضره وبتمثلكوا يا بانداويه في عيد ميلاد المنتدى الرابع لسنة 2011:yeah:

http://hh7.net/Apr4/hh7.net_13030567071.jpg

http://hh7.net/Apr4/hh7.net_13030567072.jpg

http://hh7.net/Apr4/hh7.net_13030567073.jpg

http://hh7.net/Apr4/hh7.net_13030567074.jpg

http://hh7.net/Apr4/hh7.net_13030567075.jpg
http://hh7.net/Apr4/hh7.net_13030577431.jpg

http://hh7.net/Apr4/hh7.net_13030578861.jpg

مشكور جدا علي الصور وتعديلات رائعة
يا ريت لو تكتبلنا مقاس الجنط والكوتشات الي ركبة

اقتباس:

---

المشاركة الأصلية كتبت بواسطة mizamega

مشكور جدا علي الصور وتعديلات رائعة
يا ريت لو تكتبلنا مقاس الجنط والكوتشات الي ركبة

---

الشكر ليك يا باشا عالاطراء الجميل ده ...

الجنط مقاس : 16
كاوتش مقاس : 16/215/45

أنا عندي باندا أوتو أسود وبصراحة عربية ممتازة بس التعديل اللي عملته ليها هوه الكاوتش أنا فورته أول مجبتها علشان أعليها بقي14/60/185 وفعلا فرق جدا علو وثبات وشكل كمان و بعيد عن المساعدين والكرتيرة وفعلا عفشتها ناعمة جدا

طب سؤال للبانداوية ايه رأيكم في العربية دي بعد فترة من الإستعمال .... كسيارة و كوكيل و توافر قطع الغيار

انا هاجيب العربيه دي قريب .
وعاوز من اصحاب البندا يقلي ايه العيب والميزه في السياره الجميله الصينيه.
اخبار الموتور والعفشه عمله ايه معاه والعربيه بيحصلها حاجه في الطرق المكسره.
انا محتاج رد قاطع عشان هجيب العربيه اول الشهر الجي ان شاء الله.

العربية شكلها حلو اووووووووووى ماشاء الله

بس شايف اختلافات جوهرية فى مقاسات الكاوتش بين الأعضاء وخطر جدا

هى الرسمى الاساسى بتنزل بكاوتش كام ؟؟

معايا باندا و افتخر

متابع باهتمام
عاوز اجيبها للمدام
ياريت تقرير عنها يا رجالة

السلام عليكم يا دكتور. بعد إذنك سؤال عن الكاوتش إلي حضرتك مركبه في الباندا.، هو المقاس الكبير ده مش بيحك في العربيه و إنت بتلف أو بتمشي على مطبات ؟

اقتباس:

---

المشاركة الأصلية كتبت بواسطة marwaeldosoky

أنا عندي باندا أوتو أسود وبصراحة عربية ممتازة بس التعديل اللي عملته ليها هوه الكاوتش أنا فورته أول مجبتها علشان أعليها بقي14/60/185 وفعلا فرق جدا علو وثبات وشكل كمان و بعيد عن المساعدين والكرتيرة وفعلا عفشتها ناعمة جدا

---

طيب سؤال ليكي يأستاذه مروه، العجل الجديد فارق معاكي في المطبات ؟ و.هل العربيه بتحك في المطب مثلا لو في حد بير راكب معاكي العربيه ؟

معايا باندا و افتخر هاصور العربيه وقلولي ايه التعديل في الاستكرات ممكن

انت معاك موديل كام والعربية اخبارها اية معاك واية رايك فى ماتور وعفشة العربية