تم فتح الماتور ... ولكن سؤالين ضرورى جدا ؟؟؟؟
كنت عملت موضوع من حوالى شهر بسأل عن العمرة و الحمد لله الاعضاء فادونى كتيير
و رحت النهردة علشان اعملها لما فتحنا الماتور لقيت
الشميز و البساتم و الكرنك تمام و هغير طقم الشانبر و طقم جوانات و ترسين وكاتينة
بس الميكانيكى بيقولى لازم اودى وش السلندر للخراط علشان مصدى و هو الى هيقول اذا كان عايز طقم صبابات و طقم دليل ولا لأ ...
و كمان قالى ان السبيكة الى هي بين البيل و عامود الكرنك عايزة تتخرط (هو جرب و حط ورقة نتيجة فيها و لف الكرنك لقاه بيلف بس بصعوبة قالى ديه هتتخرط) و قالى هجبلك واحد يعملها هنا هياخد بتاع 100 بدل متوديها للخراط ...
دلوقتى الاسئلة:
هل كلامه عن وش السلندر ده صح ؟؟ و الخراط هياخد حوالى كام ؟؟ و اعرف منين الصبابات و الدليل عايزين يتغيرو او لأ ؟؟
و ايه موضوع السبيكة ده هل الكلام ده صح ولاهيشتغلنى هو والى هيجيبوه ؟؟
معلش طولت بس يا ريت حد يفيدنى بسرعة علشان رايح اكمل المشوار النهاردة ان شاء الله بعد الظهر