بعض مميزات كاسيت البروتون ساجا (حل مشكلة كاسيت الساجا)
السلام عليكم ورحمة الله
حبايبي ملاك البروتون عموما والساجا خصوصا
ينفع كده ياشباب اللي بتقولوه ده......... ادي اخرت اللي مابيقراش الكاتالوج (المانيوال) بتاع عربيته:shyy:
ما علينا:backtotopic:
1- بخصوص الموبيلات والكاسيت
الكاسيت فيه خاصية(سنسور) انه لما الموبايل اللي في العربية يستقبل مكالمة (سيجنال) انه يفصل علشان تتكلم براحتك من غير دوشة
---الخاصية دي بقى نتعامل معاها ازاي....في زراراسمه ADJ (الزرار في الدايرة اللي على اليمين اللي فيهاالتشغيل والايقاف والتحويل يمين وشمال) بنضغط عليه وبعدين بواسطة زرار التحويل يمين او شمال بيظهر لنا 5 اوضاع هما
(PTY & PTY SEL & AF ® & TEL-SW)
وبعدين بواسطة زرار التحويل يمين او شمال بنختار وضع)TEL-SW) اللي هوا اختصار ل(Telephone Switch)
المهم.. خلاص اخترنا الوضع ده. بواسطة بكرة خفض و تعلية الصوت بنختار بين وضعين(MUTE or OFF)
وضع OFF لالغاء الخاصية اللي مجننا الناس ووضع MUTE لتشيغلها والاستمتاع بها
اللي موصلش ليه الشرح بتاعي يرجع للمانيوال صفحة 15 وبعدين13 او يخده معاه وهوا بيعملها
2-تضخيم الصوت
دي بقى سهلة جدا .... لو عايز تسمع صوت قريب من صوت البازوكا والساوند سيستم المحترم,كل ماعليك فعله هوا ان تضغط لمدة 2 ال3 ثانية على الزرار الذي يحمل علامة التون (النغمة الموسيقية) بجوار ازرار 1,2,3,4,5,6 ...
علشان تتاكد انه اشتغل هتلاقي حرفين LD ظهرو في الشاشة جنب علامة الاسطوانة لما بتكون مشغل اسطوانة
ومن ثم استمتع بالصوت وادعيلي....
اتمنى الموضوع يكون افادكم ونال اعجابكم:bye:
