بعض مميزات كاسيت البروتون ساجا (حل مشكلة كاسيت الساجا)

**mixd99999** · 05-04-2011 08:40 AM

السلام عليكم ورحمة الله

حبايبي ملاك البروتون عموما والساجا خصوصا
ينفع كده ياشباب اللي بتقولوه ده......... ادي اخرت اللي مابيقراش الكاتالوج (المانيوال) بتاع عربيته

ما علينا

1- بخصوص الموبيلات والكاسيت
الكاسيت فيه خاصية(سنسور) انه لما الموبايل اللي في العربية يستقبل مكالمة (سيجنال) انه يفصل علشان تتكلم براحتك من غير دوشة
---الخاصية دي بقى نتعامل معاها ازاي....في زراراسمه ADJ (الزرار في الدايرة اللي على اليمين اللي فيهاالتشغيل والايقاف والتحويل يمين وشمال) بنضغط عليه وبعدين بواسطة زرار التحويل يمين او شمال بيظهر لنا 5 اوضاع هما
(PTY & PTY SEL & AF &REG & TEL-SW)
وبعدين بواسطة زرار التحويل يمين او شمال بنختار وضع)TEL-SW) اللي هوا اختصار ل(Telephone Switch)
المهم.. خلاص اخترنا الوضع ده. بواسطة بكرة خفض و تعلية الصوت بنختار بين وضعين(MUTE or OFF)
وضع OFF لالغاء الخاصية اللي مجننا الناس ووضع MUTE لتشيغلها والاستمتاع بها
اللي موصلش ليه الشرح بتاعي يرجع للمانيوال صفحة 15 وبعدين13 او يخده معاه وهوا بيعملها
2-تضخيم الصوت
دي بقى سهلة جدا .... لو عايز تسمع صوت قريب من صوت البازوكا والساوند سيستم المحترم,كل ماعليك فعله هوا ان تضغط لمدة 2 ال3 ثانية على الزرار الذي يحمل علامة التون (النغمة الموسيقية) بجوار ازرار 1,2,3,4,5,6 ...
علشان تتاكد انه اشتغل هتلاقي حرفين LD ظهرو في الشاشة جنب علامة الاسطوانة لما بتكون مشغل اسطوانة
ومن ثم استمتع بالصوت وادعيلي....
اتمنى الموضوع يكون افادكم ونال اعجابكم

**Baher_Algogary** · 05-04-2011 03:53 PM

جزاك الله خيرا

**sayed911** · 05-04-2011 03:55 PM

طيب طلب رخم شوية بقى :d :d :d
انا بالفعل مشغل عندي الـ ld ولكن خسب ما فهمت من الكتالوج انه مجرد بيعمل نوع من انواع تشغيل الخصائص اللي انا المفروض مزبطها من بين البيس والتابليت وكده صح ولا ؟ ولا هوة ليه خصائصه وبيفصل الخصائص اللي انا مزبط عليها الكاسيت ؟

**afr80** · 05-04-2011 04:08 PM

الله ينور عليك، محدش بيقرأ اليوزر منيوال

**mememsaid** · 05-04-2011 06:31 PM

تسلم ايدك
اقرا بقي كاتالوج العربيه وادينا اخر الاخبار ايه
هاهاهاهاهاها
بهرج طبعا

**mahmoud_magdy** · 05-04-2011 08:41 PM

ممكن تقرألنا كتالوج كاسيت الجين لو سمحت :d
القراءه ليها فايده برده
شكرا ليك

**mixd99999** · 05-04-2011 11:13 PM

جزاك الله خيرا

وجزاك بمثله يا استاذ باهر

طيب طلب رخم شوية بقى :d :d :d
انا بالفعل مشغل عندي الـ ld ولكن خسب ما فهمت من الكتالوج انه مجرد بيعمل نوع من انواع تشغيل الخصائص اللي انا المفروض مزبطها من بين البيس والتابليت وكده صح ولا ؟ ولا هوة ليه خصائصه وبيفصل الخصائص اللي انا مزبط عليها الكاسيت ؟

اتراخم براحتك يا ابو السيد
طيب انتا عارف الخاصية وتشغيلها و دي حاجة كويسة ...نيجي بقى للخصائص بالنسبة لتظبيط البيس والتابليت انتا بتظبطها على الاوضاع اللي اللي تناسب زوقك واحتياجك للصوت من 1ل7 في كل واحدة (ودول ثابتين بعد ماتختار الدرجة اللي تناسبك في كل واحدة مابيتغيروش الا لو كهربة العربية كلها فصلت )
وضع الld مالوش تاثير على اختيارك اللي انتا اختارته كل اللي بيعمله انه بيضخم الصوت على نفس اختياراتك للبيس والتابلت اللي انتا اخترتها قبل كده
شوفت لما تحط بازوكا في العربية هتعمل ايه الوضع ده زيه كده مع الفرق في الامكانيات

الله ينور عليك، محدش بيقرأ اليوزر منيوال

وعليك ياجميل....ايوه فعلا على الاقل من باب العلم بالشيء... حاجة بسيطة ممكن انا احلها لو قريت عنها احسن ماروح لحد يشتغلني ... صح ولا غلط

تسلم ايدك
اقرا بقي كاتالوج العربيه وادينا اخر الاخبار ايه
هاهاهاهاهاها
بهرج طبعا

على ايه يا باشا من بعض ماعندكم
هرج براحتك يا حبي اهم حاجة ماتكونش بتتريق

ممكن تقرألنا كتالوج كاسيت الجين لو سمحت :d
القراءه ليها فايده برده
شكرا ليك

العفو ميوزيك كايرو
بس للاسف انا ماعنديش اي مانيوال للجين 2 بس انتا لو عندك مشكلة في حاجة ممكن تعرضها على الاعضاء واكيد الناس الخبرة هترد

اسف على الاطالة