عاجل ...مستوى الميه بيعلى في القربة لوحدة

**DONYO** · 05-04-2011 08:52 AM

معلش انا اسئلتي كترت يا اخوانا...
السيينا جيت ازودها مية الصبح ( لاني عارف انها بتنقص بسيط ) لقيت مستوى المية عدى الماكس قمت مشيت ولما وصلت الشغل حاولت افتح القربة لقيت المية كانت هتضرب في وشي فهويت الغطا بس لحد لما تخرج شوية مية فلقيت مستوى المية عالي في القربة لحد قبل الاخر بشوية قمت قرطت على الغطا تاني وسبتها عند الشغل وجيت تاني يوم بس لقيت مستوى الميه ثبت على قبل الاخر بشوية صغيرة ومش عارف ازاي.
كدة خطر امشي بيها ولا اية واية السبب دة ........انا خايف تكون المية بتتجمع في القربة ومابتمشيش في دورة التبريد.
ارجوكم افيدوني

**yoko** · 05-04-2011 09:40 AM

العربيه مش بتسخن منك؟
أخبار الميه إيه معليهاش زيت أو العكس الزيت مدخلش عليه ميه

**yoko** · 05-04-2011 03:03 PM

تمام كده إطمنا على الموتور طب بس شيل الميه الزيادة وخليها تحت الماكس بحاجة بسيطة وهي بارده ويوم وبص عليها تاني وهي باردة برده وشوف فيه فرق ولا ﻷ

**prince93** · 06-04-2011 06:14 AM

هو انت طيب كنت مظبط المية على الماكس (و العربية باردة) و اليوم اللى بعدها جيت تبص على المياة و العربية باردة بردة و لقيت مستوى المية على؟
هو مستوى المية بيعلى طبعا لما بتمشى بالعربية و الموتور يوصل لدرجة حرارته الطبيعية.. و القربة الضغط فيها بيعلى شوية عن و المية باردة فالمية مستواها بيعلى شوية و دة طبيعى، و هم عشان كدة عاملين لك maximum متعديهوش، عشان اعتقد لو مليت القربة كلها و نفضت للmaximum، اول ما الضغط يعلى، اول حاجة ممكن تحصل ان القربة ما تستحملش الضغط فممكن الغطا بتاعها يضرب مثلا او تتخرم بقى من اى حتة ضعيفة فيها ما تستخملش الضغط لأن الضغط حيبقى اعلى من الطبيعى فيها..
خلاصة الكلام، لازم ما متعديش الmaximum خالص عشان انت لما بتمشى المية بتسخن فالضغط فى القربة بيعلى فمستوى المية بيعلى فحيبقى خطر على القربة..
اما بقى لو كنت مظبط المية على الmax و لقيتها زادت و العربية باردة يبقى كدة فى حاجة تانية مش عادية محتاجين نفهم هى ايه

**DONYO** · 06-04-2011 09:42 AM

ابشركم يا جماعة باني اخدت هوا من القربة والمية نزلت لمستواها الطبيعي وفعلا العربية كانت دورة التبريد واخدة هوا وخلاص اتظبطت.
اشكر كل من ساهم في هذا الموضوع على اهتمامة الكريم.