رد مع اقتباس
ألف مليون مبروك يابوب على الصيانة .. وعقبال ما تعمل صيانة المليون وتكون بخير وسعيد بالعربية .
بس أنت موضحتش نقطة .. حتى بعد الصيانة العضة دي مارحتش؟! .. وهل هي في كل الغيارات ولا في غيار معين؟!! .. وهل أنت متأكد أنك بتدوس ديبرياج على الأخر وأنت بتنقل ولا ما بتدوسش للأخر؟!!! .. هل الدبرياج محتاج يعلى أو يوطى (يتظبط) علشان العضة دي تروح .. كل دي أسئلة محتاجة للإجابة .
بالنسبة للسماعات الخلفية .. هل حفر المكان ليها بيكون في صاج ولا في فبر .
ويا رب يبارك ليك فيها ويبعد عنك أي شر .
النتائج 1 إلى 10 من 26
الموضوع: صيانة الاف كم فى القطامية
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 46839
تاريخ التسجيل : 11Sep2009
المشاركات : 1,042
النوع : ذكر
الاقامة : Cairo - Egypt
السيارة: BYD f3
السيارة[2]: بيجو & هيونداى
دراجة بخارية: لايوجد
الحالة :
صيانة الاف كم فى القطامية -
انشر الموضوع فى : hasad">اعزرونى لانى اتأخرت شوية انتم عارفين ظروف الثورة وكمان انا استهلاكى فى العربية قليل جدا ... هو مشوار الشغل وبس
خلينا فى المهم ...
انا كنت فى مركز الصيانة فى القطامية يوم السبت اللى فات .. وده طبعا بعد مكالمة للانسة داليا واللى كان كلامها معايا بكل زوق واحترام ... فانا بشكرها جدا ..
روحت المركز حسب الميعاد اللى اتحدد معاها وكان الساعة 11 ... كان فية اثنين بيعملوا اوردر الشغل ... وكان كل طلباتى او مشاكلى فى العربية هى العضة اللى فى الفتيس ... وكلمتو عليها فقالى ربنا يسهل ونشوفهالك .. واتفقت معاه على ان الزيت موبيل ويكون 5000 كم ...
بعد نص ساعة تقريبا الفنى اخد العربية وكلمتو على عضة الفتيس ... وسألتو اية رأيك ... قالى والله هو التروس علشان لسة جديدة ... ومع الاستخدام ها تنعم وتبقى كويسة ... واخد حبيبة قلبى ودخل بيها المركز .. وانا طلعت الدور الثانى فى الاستراحة ... وطلبت شاى وانا بتفرج على الشغل بكل وضوح ( ودى ميزة عجبتنى ) ... المهم ... غيرو الزيت .. وفلتر الزيت .. وربطو العفشة ...
وخلصت الشغلانة دى تقريبا فى ساعة اللى ربع ... وبعد كدة حبيبة قلبى اخدها مهندس والفنى اللى اشتغل فيها ... وخرجو وجربوها علشان لو فية اى حاجة تانية ... ووسألت المهندس بعد التجربة .. اية الاخبار ؟؟؟ قالى العربية كويسة ومافيهاش حاجة ..
روحت دفعت الفيزيتا ... وكانت كالتالى :
الزيت 113.00 جم
فلتر 20.00 جم
ضريبة 13.30 جم
الاجمالى 146.3 جم ..... بس
قبل ما انسى ... جركن الزيت اتبقى منة لتر .. تقريبا ... كانو حاطينة فى شنطة العربية ...
طبعا انا اخدت العربية ... وكان الفرق واضح فى تغيير الزيت وتربيط العفشة ... العربية زادت نعومتها على الطريق .. وكمان زاد سحبها بشكل يخوف ( عايزة تجرى )
انا بشكر شركة الامل اللى واضح انها بتحاول جاهده جدا فى انها ترتقى بمسئوليها وفنييها من اجل تقديم خدمة ممتازة لعملائها ..وكمان بشكر الانسة داليا على زوقها واحترامها *
لاكن اتصدمت لما سألت على فانوسين الشبورة فى المخزن ... وعرفت ان سعرهم 170 جم بدون التركيب طبعا ... وكان سعرهم فى التوفيقية .. فى المحل اللى فى المول 80 جم فقط ( كاملين بلمباتهم )
وعلى فكرة ركبت سماعتين وفعلا كان سلكهم واصل للرف اللى خلف الكنبة زى ماكانو بيقولو ... وركبتهم انا وصديق لية امام البيت ... ماكنش فاضل غير اننا نحفر مكانهم فى الرف ... وتم بحمد الله
سألت ميكانيكى عن عضة الفتيس ... قالى سخن العربية كويس الصبح ( انا ماكنتش بعمل كدة ) علشان دورة الزيت للفتيس ... ولما عملت كدة ... العضة اختفت بنسبة 50 % ...
انا اسف للاطالة واسف للتأخير ,, واتمنى اكون افدتكم ...
-
رقم العضوية : 5577
تاريخ التسجيل : 12Feb2008
المشاركات : 4,439
النوع : ذكر
الاقامة : cairo
السيارة: يا رب
السيارة[2]: Fiat One twenty eight M/T
دراجة بخارية: لا يوجد
الحالة :
-
Life's too Short for the Wrong Job
ziabassem سابقا
-
رقم العضوية : 7857
تاريخ التسجيل : 23Mar2008
المشاركات : 1,167
النوع : ذكر
الاقامة : shobra
السيارة: ربنا يكرم ان شاء الله
السيارة[2]: فيات 128 موديل 1986
دراجة بخارية: لايوجد
الحالة :
-
ممكن بس اعرف سعر byd f3 الايام دى كاااااااااااااااااام و ايه الفرق بين موديلاتها
-
رقم العضوية : 46839
تاريخ التسجيل : 11Sep2009
المشاركات : 1,042
النوع : ذكر
الاقامة : Cairo - Egypt
السيارة: BYD f3
السيارة[2]: بيجو & هيونداى
دراجة بخارية: لايوجد
الحالة :
-
حبيب قلبى باسم ... ما تحرمش منك ومن زوقك وبا رب يديم الصداقة بيننا ويا رب يكرمك وتجيب انت ال بى ام مش ال بى واى ... وكتر خيرك على الدعوة الحلوة دى
المشاركة الأصلية كتبت بواسطة ziabassem
العضة موجودة يا باسم ... والفنى خليتة يعلى الدبرياش سنة صغيرة وبردة موجودة .... وهى موجودة فى الغيار الاول والتانى بس ... وبدوس دبرياش للاخر يا باسم ولسة موجودة ... لاكن هى قلت شوية بنسبة 50 % لما بقيت اسخن العربية شوية ... وانا ما كنتش بعمل كدة فعلا .. لاكن موجودة بردة ...
اما بخصوص السماعات .. الحفر بيكون فى الفبر لان الصاج محفور جاهز وزى الفل ... وكمان سلك السماعات جاهز وموجود الفردتين ... بالفيشة الصغيرة بتاعتهم ... وكل حاجة فعلا جاهزة على التركيب ...
-
رقم العضوية : 46839
تاريخ التسجيل : 11Sep2009
المشاركات : 1,042
النوع : ذكر
الاقامة : Cairo - Egypt
السيارة: BYD f3
السيارة[2]: بيجو & هيونداى
دراجة بخارية: لايوجد
الحالة :
-
المشاركة الأصلية كتبت بواسطة mohamed9999
المانيوال الكاملة ب 68000 جم
الاوتوماتيك ب 78000 جم
والاسعار دى سالت عليها من ثلاث ايام فقط
اما الفرق بينهم الاوتوماتيك بتزيد عن المانيوال الكاملة ب
الفتيس - حساسات الركن - حساسات الاضائة - فوانيس الشبورة - فتحت سقف - سماعات خلفية *
-
رقم العضوية : 5577
تاريخ التسجيل : 12Feb2008
المشاركات : 4,439
النوع : ذكر
الاقامة : cairo
السيارة: يا رب
السيارة[2]: Fiat One twenty eight M/T
دراجة بخارية: لا يوجد
الحالة :
-
تمام يا أيهاب باشا .. وأنا متوقع العضة دي تروح مع الاستعمال وبعد ما الفتيس يشتغل ويلين شوية .. وهل تم تغيير زيت الفتيس ولا لآه ؟!! ممكن يكون ليه تأثير برضه .. يا ريت تسأل في القصة دي إذا كانوا غيروا زيت الفتيس ولا لآه لأني اعتقد أنه لازم يتغير علشان لو فيه شوائب تنزل وتحط زيت جديد على نضافة .
وبالنسبة للأسعار أنا على حد علمي أن المانيوال 67 والأتوماتيك 84 .. لو الأوتوماتيك بقت بـ 78 تبقى كويسة طبعاً وخاصة أن الفتيس ياباني بالكامل (Jatco).
Life's too Short for the Wrong Job
ziabassem سابقا
-
رقم العضوية : 5577
تاريخ التسجيل : 12Feb2008
المشاركات : 4,439
النوع : ذكر
الاقامة : cairo
السيارة: يا رب
السيارة[2]: Fiat One twenty eight M/T
دراجة بخارية: لا يوجد
الحالة :
-
مستنين كمان رد الأساتذة الفطاحل في المشكلة دي اللي أكيد مرت عليهم زي أ/ عماد حبيب ، أ/ أسامة ، أ/ أيمن ، أ/ وليد ..إلخ
فينك يا أبو ياسمين ربنا يرجعك بالسلامة إن شاء الله .
Life's too Short for the Wrong Job
ziabassem سابقا
-
رقم العضوية : 46839
تاريخ التسجيل : 11Sep2009
المشاركات : 1,042
النوع : ذكر
الاقامة : Cairo - Egypt
السيارة: BYD f3
السيارة[2]: بيجو & هيونداى
دراجة بخارية: لايوجد
الحالة :
-
لما سألت الفنى عن عضة الفتيس ( وعلى فكرة هو كان شاب مهزب جدا ) وقلتلة اغير الزيت ؟؟؟ قالى الفتيس هايليين مع الاستخدام وزيت الفتيس بيتغير على 15000 كم .. ابقى انت غيرة على 10000 كم .... ده كان كلام الفنى ... المشاركة الأصلية كتبت بواسطة ziabassem
و كنت راكب فى تاكسى بى واى دى قبل ما استلم ... والسواق قالى ان العربية زى الفل بس الفتيس فية عضة ... ولما سألتة عملت اية ؟؟؟ قالى غيرت زيت الفتيس بزيت اتقل شوية ... وبقى الفتيس ناعم وزي الفل ... دة كان كلام صاحب التاكسى ...
بالنسبة للسعر ..
الاسعار اللى انا قلتهالك دى كانت يوم السبت الماضى ... من معرض النزهة
واضم صوتى لصوتك فى موضوع ابو يا سمين ... وربنا يرجعة بالسلامة ان شاء الله .. ولعل المانع خير ... وحشنا والله كتييييييييييييييييير
-
رقم العضوية : 5577
تاريخ التسجيل : 12Feb2008
المشاركات : 4,439
النوع : ذكر
الاقامة : cairo
السيارة: يا رب
السيارة[2]: Fiat One twenty eight M/T
دراجة بخارية: لا يوجد
الحالة :
-
أنصحك يا بوب تحاول تغير زيت الفتيس في أقرب وقت .. ومش حتخسر حاجة .. والزيت الجديد أكيد حيريح الفتيس .. بس أسأل في التوكيل وقول ليهم رغبتك في تغيير زيت الفتيس .
والأسعار بكدة تكون نزلت بالنسبة للأتوماتيك .. ولو أني أشك
Life's too Short for the Wrong Job
ziabassem سابقا
-
رقم العضوية : 68385
تاريخ التسجيل : 19Apr2010
المشاركات : 307
النوع : ذكر
الاقامة : cairo
السيارة: BMW ان شاء الله
السيارة[2]: BYD F3 GLI 2010
دراجة بخارية: لا املك
الحالة :
-
hasad">الف مبروك يا بوب وعقبال ال100000 وبعدين انصحك ما تغيرش زيت الفتيس العضه هتروح مع الاستعمال وذلك لان زيت الفتيس تخليقي وله مميزات عده تغيره هيأثر علي عمر التروس وبعدين انا شايفك انت وغريمك
عمالين تباركوا لبعض وانت تقوله عقبال البي ام طبعا غرضك تبعده عن العروسه ونظام دي قسمه ونصيب وربنا يرزقك بالي احسن منها ويفوز باللذه كل مغامر كلامك مفقوس ريحه وقله ربنا يعوض عليك وانت يا باسم ما تزعلش بكره هجيبلك ست ستها احنا جايين نهدي النفوس لا تنسي ذكر الله
المواضيع المتشابهه
-
صيانة ال 5000 فى القطامية
بواسطة michomiki في المنتدى قسم خاص بالسيارة لـــوجـــــانمشاركات: 14آخر مشاركة: 02-03-2013, 01:39 PM -
صيانة الـ ١٠ في القطامية ولا المقطم
بواسطة amirboulos في المنتدى قسم خاص بالسيارة لـــوجـــــانمشاركات: 8آخر مشاركة: 20-11-2012, 12:23 PM -
مركز صيانة القطامية
بواسطة ozama22 في المنتدى BYDمشاركات: 7آخر مشاركة: 14-09-2010, 09:01 PM -
مركز صيانة القطامية
بواسطة ozama22 في المنتدى BYDمشاركات: 20آخر مشاركة: 23-06-2010, 07:09 PM -
تحذير من فرع صيانة القطامية
بواسطة mohamed2015 في المنتدى كـــــيامشاركات: 13آخر مشاركة: 15-03-2010, 05:45 PM
الكلمات الدلالية لهذا الموضوع
ضوابط المشاركة
Content Relevant URLs by vBSEO 3.6.0 PL2
المفضلات