موديلات 2010 مكانش فيها abs الا الهاي لاين هل دلوقتي 2011 برضو الهاي لاين بس فيها abs ولا كل موديلات 2011 بداية من 122 الف بقا فيها abs ؟
مش عارف و اللهى بس ده رقم الوكيل و شغالين النهاردة ممكن تكلمهم 19542
ممكن سؤال خارحي بس عشان كنت عايش برة نص 19 سنة وانا عندي 22 :d يعني بقالي 3 سنين فاعذر جهلي
التراخيص اي نظامها يعني خطوات ترخيص اي سيارة جديدة او قديمة ؟؟
التراخيص سهلة جدا للزيرو المعرض هيجبلك شهادة البيانات و الأفراج الجمركى و لو عاوز تعمل تأمين شامل أضافى بيعملهولك (الكلام ده من عند محمد ذكى) و بعدين بتاخد العربية و الورق ده و تروح على المرور الصبح بدرى هتدخل تشترى شوية ورق أسمه الأورنيك و بعدين هيعملوا فحص لرقم الموتور و الشاسية و بعدين الظابط هيبص على العربية لو لقاها فامية فابريكة بيكتب كده فى الورق بتاعها و بتشترى طفاية حريق و بعدين تعمل التأمين الأجبارى و بعدين تشترى دوسية ترخيص 3 سنين و تطلع لمكتب معين يفضل يلففك بين المكاتب و بعدين فى الأخر تدفع فى الخزنة و تستنى تاخد النمر الموضوع سهل جدا بس بياخد وقت و لو روحت الأيام دى الشرطة متعاونة جدا و هما هيدلوك تعمل أية
تكلفة الترخيص بقى 837 جنية ترخيص 3 سنين + 318 جنية تأمين أجبارى + 120 جنية طفاية حريق و التكلفة الكلية 1275 جنية
بالنسبة للستريب ترونيك انا كان عندي بس كان الجير "الفتيس مفيهوش زرار" دلوقتي لازم كل ما تعمل + او _ تضغط الزارا اللي في الفتيس مع التحريك ولا تحريك بس
لأ مبدوسش الزرار بطلع قدام و ترجع ورا بس
التكييف عامل معاك اي ؟
و اللهى زى الفل بفتحه معظم الوقت على 2 و ساعات ببرد منه و لما الشمس تكون شديدة أوى بفتحه على 3 و بيبقى الجو حلو جدا
ممكن صورة لريموت السيارة
http://www.thekiasoul.com/images/key.jpg
الجلسة ورا مريحة والعربية تقدر تحمل 3 ورا من غير ما تهبط بشوفها تخيل في الكورولا والحاجات دي
القاعدة ورة مريحة و كويسة و تاخد 3 متوسطى الحجم
أنا طولى 190 سم و عريض كمان و القاعدة ورا بالنسبة ليا مريحة فأى حد اقصر منى بيركبها بيبقى مستريح جدا
عزل الصوت عامل اي
عزل الصوت كويس جدا و لكن العربية صوت أحتكاك الكوتش بتاعها مع الطريق عالى و ده يعتبر عيب بس مش عالى أوى يعنى أن بحاول أقلك على كل حاجة بالظبط
واحب اقولك نصيحة بجد في ناس بتطلع القطط الفطسانة في الكيا معرفش ليه خليهم يفتحو موقع top gear وسكتهم
وجزاك الله خير