دليل شامل عن الهيونداي ماتريكس بواسطه اسئله الاعضاء , قصة حب مع المصريين ..متجدد

**momomania22** · 15-04-2008 05:39 PM

هنتكلم عن الزيوت

**momomania22** · 15-04-2008 05:43 PM

الزيوت الموصى بهى من الوكيل "shell helix"
وله في السوق 3 انواع:
اولا" shell helix Ultra
وهو زيت تخليقي
وتمنه 230 جنيه ويتم تغييره كل 10 الاف
وعلبته رمادي ومعبأ في ماليزيا
ثانيا" shell helix Plus
نصف تخليقي وتمنه 150 جنيه ويتم تغييره كل 7 الاف
وعلبته زرقاء
ثالثا" shell helix Super
زيت معدني وتمنه 77 جنيه ويتم تغييره كل 4 الاف
وعلبته صفراء ومعبأ في مصر

**momomania22** · 15-04-2008 05:45 PM

طبعا كل واحد على حسب استخدامه
مع مراعاة ان الزيت التخليقي افضل للسيارات الحديثة
ومراعاة عدم ترك الزيت في المحرك اكثر من 5 شهور
ودمتم بخير
واللي عنده معلومات زيادة يتفضل يفيدنا

**Ahmed Anwer** · 15-04-2008 05:51 PM

يا ريت حد يجبيلنا ،،

الجوائز و التقييمات اللي خدتها ،،

و كذلك نتائج اختبارات الأمان

**liquidator** · 15-04-2008 06:06 PM

المشاركة الأصلية كتبت بواسطة معاذ الشرباصى

ممكن استعمال بنزين 80 فى الماتريكس, لو اضرتك الظروف

هى الموصى لها ابتداء من بنزين 80

الماتريكس ماينفعش تحطلها 90 حتي مش 80 !!
هما في الكاتلوج بيوصوا باستخدام بنزين مش أقل من 91 يعني في بلدنا يبقي 92 و لو عايز نصيحتي طبقا لمعدل نسبة الانضغاط لموتور الماتريكس اللي هي عشره لواحد النسبه دي يناسبها بنزين 95 أوي و يبقي أحسن للعربيه كتير لان معدل الطرق تقريبا هايختفي تماما ...

تحياتي لك .

**liquidator** · 15-04-2008 06:13 PM

المشاركة الأصلية كتبت بواسطة Ahmed Anwer

يا ريت حد يجبيلنا ،،

الجوائز و التقييمات اللي خدتها ،،

و كذلك نتائج اختبارات الأمان

الماتريكس وخده 4 نجوم من 5 في تقييم الأمان من المعهد euroNCAP الأوروبي الخاص بتقييم و اختبار السيارات الجديده , و يذكر أن الماتريكس قد حرمت من النجمه الخامسه بسبب أن حزام الأمان الموجود في الوسط في الخلف ( في الكنبه ) ليس له غير نقطين تثبيت فقط مما يجعل الراكب في الوسط في الخلف بدون حمايه كامله ... و أنا من رأيي 4 نجوم من 5 دا تقييم عالي جدا و ممتاز كمان ...

المتريكس كان تريبها رقم 29 من أصل 50 عربيه في تقييم معهد JDpower المشهور لاختبار السيارات من حيث اشباع و رضا المستهلك سنة 2006 و كان ترتيبها رقم واحد بالنسبه للعربيات الميني فان في نفس السنه .

هاحاول قريب ان شاء الله أجيبلكم اللينكات بتاعة الكلام ده لاني بقالي كتير أوي مابصتش عليهم ..ز

تحياتي لك يا باش مهندس أحمد أنور و تحياتي لكم جميعا .

**bassam nagy** · 15-04-2008 07:13 PM

المشاركة الأصلية كتبت بواسطة bishoo33

الأخ باسم
أنا أمتلك ماتريكس 2008 تركى وتحتوى على مخرج كهرباء بالشنطة
ولى سؤال بسيط
يوجد خلف الدريكسيون جهة اليسار خلف ذراع النور بالتابلوه (فى الجزء الرمادى الفاتح ) فتحه تشبه فتحة التهويه صغيره جدا بحجم العملة المعدنيه . ياريت اعرف فائدتها ايه
وشىء تانى أود اضافته
الماتريكس بعد 7000 كيلو غير الماتريكس قبل ذلك أو بمعنى أخر فعلا بتحلو جدا وبتنعم وبتأخذ وتدى معاك أفضل من الأول

ركبت ماتريكس فى معرض غبور ابو رواش ماكنش فيها سنتر ولا انذار ولا فتحة كهرباء الشنطة فاممكن يكون نزلها فى موديلات وموديلات
وزى ماقال احمد
ان الفتحة الية بتشبة فتحة التهوية الصغيرة بتاعت جرس الانذار السرعة (120) ولما بتفتح الباب والمفتحا فى الكونتكت بترن برضوا
بالفعل بتختلف فى كل حاجة استهلاك البنزين والسحب

المشاركة الأصلية كتبت بواسطة معاذ الشرباصى

ممكن استعمال بنزين 80 فى الماتريكس, لو اضرتك الظروف

هى الموصى لها ابتداء من بنزين 80

على طول باحط بنزين 92 وباحس انها ساعت بتسقف ودة بسبب البنزينات والغش فى البنزين اختيار البنزينة مهم جدا لان فى بنزينات بيغشوا البنزين وبالنسبة للماتريكس ال 92 معقول عليها وبلاش ال 90 وال 95 طبعا هايخليها تجرى لوحديها

**bishoo33** · 15-04-2008 10:19 PM

شكرا أحمد شكرا باسم على ردكم على سؤالى
وبالنسبه لموضوع الزيوت
التخليقى أحسن من المعدنى
أنا بغير الزيت كل 6 شهور فى مايو (أول الصيف) وفى نوفمبر (أول الشتاء)
تقريبا كل 7500 كم
يوجد الأن shell helix ultra active cleaining
الكود 5w-40
السعر 225 جنيه
فلتر هيونداى 18 جنيه
الكميه حوالى 3 لتر و300 مللى
من ساعة ما جبتها وانا بحط بنزين 92 فقط
25 لتر ب 35 جنيه كلما التنك يبقى على الربع يعنى لا فاضى أوى ولا مليان على الأخر

**bassam nagy** · 16-04-2008 01:31 AM

حد لاحظ لما بيبقى ماشى على طريق بسرعة وبعدين يقف ويبص على rbm
تقريبا بيبقى اقل من الواحد تقريبا بيبقى 0.7 ولما الواحد يمشى فى حتة زحمة بيعلى الى 0.9
هل دة الطبيعى

**theking2690** · 16-04-2008 02:33 AM

يا جماعه طيب انا عندى استفسار انا بعد ما مشيت بالعربيه و عملت صيانة الالف جيتوا انتوا هنا فى المنتدى و قولتوا ان المفروض ان التليين بتاعها 2000 كم ف انا دلوقتى بعد ما عديت الالف بقيت بشغل التكييف و ساعات بضطر اقرص على الماتور فى مواقف معينه فهل كده الماتور عمره الافتراضى هيقصر ولا ايه و بعدين انا ما قرصتش عليه جامد اوى غير مرتين و لاحاجه دول اللى هما يعتبر انا عملت فيهم كيك داون على حق بمعنى ان روحت ضاغط على دواسة البنزين مره واحده لآخره فجأه اما الباقى بيبقى قرصى على الماتور انى بزود دوستى تدريجيا مش مره واحد بس اللى انا استغربته انهارده انى زودت دوستى تدريجى علشان اعدى من اتوبيس كان هيموتنى ف rpm وصل ل 5 فهل ده عادى و لا كده غلط بس كان تدريجيا مش مره واحده و لا هل العربيات ديه معموله علشان rpm فيها اخره يوصل 3 و ينقل و بعد كده غلط على الماتور معلش انا صدعتكوا معايا بس متتصوروش انا بحب عربيتى قد ايه و بخاف عليه قد ايه ف محبش انى اعمل حاجه تبوظها

و بالنسبه للملحوظه بتاعة استاذ بسام بخصوص ال rpm فهى صح انا لاحظتها كتير عندى