أنا محتار وعايز رأيكم...قدامى ماتريكس 2008 تركى عاملة 36000 كم على 75000 جنيه و صيانة توكيل كل 5 ألاف
و واحدة 2007 كورى نضيفة جدا عاملة 44000 كم على 71000 بس مش أول بد ( توكيل) ...ايه رأيكم؟ جزاكم الله خيرا مقدما
أنا محتار وعايز رأيكم...قدامى ماتريكس 2008 تركى عاملة 36000 كم على 75000 جنيه و صيانة توكيل كل 5 ألاف
و واحدة 2007 كورى نضيفة جدا عاملة 44000 كم على 71000 بس مش أول بد ( توكيل) ...ايه رأيكم؟ جزاكم الله خيرا مقدما
نصيحة مدام وصلت للمبلغ دة اركبها موديل 2010 وانت اول واحد وزيرو
للأسف مش هيكمل معايا خالص..ده أنا بالعافية هعرف أوفر المبلغ ده..على العموم..ألف شكر على النصيحة...و بالمناسبة صحيح..فيه ناس بتقولى ان بالسعر ده أجيب ياريس أحسن...ايه رأيكم؟ انا عن نفسى معجب جدا بالماتريكس
الماتريكس موتور اقوى وكورى
الياريس 1300 ويابانى الاتنين نفس الوسع مع فرق الياريس فيها شنطة اكبر من الماتريكس عشان سيدان
لو معجب بالماتريكس اتكل على الله واشتريها
ألف شكر على النصيحة..و على سرعة الرد..
و سؤال تانى لو ماباتألش عليك...تعرف لو عايز أركب dvd فى العربية بدل الكاسيت, أرخص حاجة فى حدود كام؟ أنا أسف والله لو بسببلك أى ازعاج..وجزاك الله خيرا على كل حال
مش عارف بصراحة بس فى انواع منوا الية الشاشة فى المخادع ومنوا الية الشاشة فى الجهاز نفسة وفية منوا فى الشماسة
وفى انواع صينى ماركات مش معروفة
ممكن تتفرج عند متخصص زى ادريان او توكيلات زى كلاريون وهاتلاقى انواع كتيير وباسعار مناسبة
اشترى متريكس 2010 قسط من شركة كونتكت بالنظام الاسلامى زى ما اناهعمل ان شا الله وريح دماغك
قدر الله و ما شاء فعل..اشتريت ماتريكس موديل 2007 عاملة 30000 كم و حالتها الحمد لله تمام..بس فعلا فعلا..يا ريتنى كنت اشتريت زيرو...اكتشفت فيها كذا عيب صاحبها ماقليش عليها...هوه ده المستعمل و بلاويه..بس الحمد لله على كل الأحوال..
على العموم..فى حاجة مش فاهمها..نور التابلوة اللى ورا الدريكسيون مفروض ينور بالليل مع نور التابلوة اللى فى النص ولا لا؟ يعنى لما باجى أنور التابلوة كلو بينور ما عدا المستطيل اللى ورا الالدركسيون..مع العلم ان جميع الأشارات شغالة و الأنوار الحمرة ( التحذيرات), بس النور نفسه مش بينور..هل ده طبيعى فى موديل 2007 المانيوال؟ ولو ماكانش طبيعى, أعمل ايه؟ و طبعا ممكن تستنتجوا ان صاحب العربية خلاص قفل موبايلو بعد ما باع..( حسبى الله و نعم الوكيل)
جزاك الله خيرا على ردودك السريعة.. و على مساعدتك ليية , كلامك صحيح..بس أنا كنت شايفه منور فى كل العربيات الماتريكس اللى كانت ماشية جنبى امبارح..(سبت السواقة و فضلت أبص عليهم :), ولا قصدك فى الموديل ده بس _ 2007 مانيوال_ ؟ولا ممكن أكون شرحت الموضوع غلط ؟ :(