مواقف غريبة ويومية!!!

**mikho83** · 05-04-2011 02:05 PM

من المواقف الغريبه فى حياتنا اليوميه
لما يشوفوك نايم عالسرير ومغمض عينك ويسألوك هتنام ؟
....أمال بحاول أموت مثلاً !
يتصلوا على تليفون البيت ويسألوك: أنت فين ؟
....هكون في الجامعة وساحب السلك هناك!
يشوفوك واقف قدام الأسانسير في الدور الأرضي ييجي واحد ويسألك طالع ؟
...لأ مستني الشقة تنزلي
يشوفوا عربيتك مخبوطة ويسألوك حادثة ؟
....لأ دي العربية عاملة نيولوك
تكون أجرة العربية نص جنيه وتدي للسواق نص جنيه يقولك واحد؟
..... لأ العربية كلها
تقول للسواق علي جنب يا سطا، يقولك نازل ؟
....لأبهزر

وحاجات من دي كتير، أحيانا بضحك وأحيانا مرارتي بتتفقع

**human** · 05-04-2011 02:20 PM

افتح الباب بالمفتاح يشفونى يقولوا انت جيت!!!

تصحى بالليل تخش الحمام و انت ماشى برجليك تلاقى اللى بيسألك انت صحيت

لابس الصبح زى كل يوم و واخد مفاتيحك و بتفتح الباب (انت نازل؟)

تخبيط عليك و انت نايم تصحى و تلاقى اللى بيسأل (انت صحيت؟) او (انت كنت نايم؟)

جاى من الشغل ميت زى كل يوم و اكيد جعان (انت هتتغدى؟؟)

**mailo** · 05-04-2011 02:21 PM

-وياسلام بقى بعد ماتنام تلاقي اللي بيخبأت على كتفك ويقولك إنت نمت؟
يعني لما إنت سألت وانا مردتش أكيد نمت أو بنفضلك يعني مش هرد أصلا
-تروح الشغل اللي قاعد جنبك يبصلك كده ويقولك إيه ده إنت جيت !!!!
لأ أنا لسة فالطريق بس قربت أوصل
-تقف قدام الاسانسير تلاقي اللي جنبك راح جاي ويطلب الاسانسير اللي طالع واللي نازل
يعني إنت هتركب ال 2 ولا كده الاسانسير هيجيلك أسرع
-فالاسانسير برده تبقى رايح الشغل وطالع ومعاك 5 مثلا في نفس الاوضة وكل موحد يخش يدوس على نفس الزرار

هجيلكو كمان شوية