من المواقف الغريبه فى حياتنا اليوميه
لما يشوفوك نايم عالسرير ومغمض عينك ويسألوك هتنام ؟
....أمال بحاول أموت مثلاً !
يتصلوا على تليفون البيت ويسألوك: أنت فين ؟
....هكون في الجامعة وساحب السلك هناك!
يشوفوك واقف قدام الأسانسير في الدور الأرضي ييجي واحد ويسألك طالع ؟
...لأ مستني الشقة تنزلي
يشوفوا عربيتك مخبوطة ويسألوك حادثة ؟
....لأ دي العربية عاملة نيولوك
تكون أجرة العربية نص جنيه وتدي للسواق نص جنيه يقولك واحد؟
..... لأ العربية كلها
تقول للسواق علي جنب يا سطا، يقولك نازل ؟
....لأبهزر
وحاجات من دي كتير، أحيانا بضحك وأحيانا مرارتي بتتفقع