معايا ما بين 30 و 32 الف جنيه ايه يا ترا افضل عربية مستعمل بالسعر ده؟ ارجو الرد عشان نازل سوق الجمعة اللي جي فى مدينة نصر وعايز ابقى عندى خلفية
عرض للطباعة
معايا ما بين 30 و 32 الف جنيه ايه يا ترا افضل عربية مستعمل بالسعر ده؟ ارجو الرد عشان نازل سوق الجمعة اللي جي فى مدينة نصر وعايز ابقى عندى خلفية
ممكن تبص علي الفيات تيبو و التيمبرا , اسعارهم في الحدود دي .
انا حاليا كنت بدور ولاقيت الموديلات ديه سعرها قريب جدا
سيفيا و النترا 94 و عربية اكسنت 2003 صاحبها بيقول فبريكة داخل وخارج لدواعى السفر لكن ب 35 مع العلم ان الاكسنت ممكن تكون اتباعت فلو حد يقدر يفيدنى ما بين السيفيا والنترا 94 ولا الاكسنت 98 99 ومشكورين
يا باشا لو مكانك اجيب 505 و ادخل بيها في الحيط ولا يحصلها حاجة
لكن لو حضرتك ماتنغعش معاك اهرشحلك الالنترا 94
و ربنا يوفقك
بس موضوع الاتوماتيك اللى فى النترا ده انا اسمع ان الاتوماتيك ليها عيوب ، بس برضه هل ليها ميكانيكيا كتير ولا لأ
بص ياباشا احسن حاجة تنزل السوق تلف لفة محترمة كانك حتشترى و حتلاقى موديلات كتير و تكتب فى ورقة الموديلات دى و تسالنا على مميزات و عيوب اى عربية و احنا تحت امرك فى اى معلومة و ياريت تحدد اولوياتك فى العربية عشان توفر على حضرتك المجهود و الوقت
وبص برضه على الاكسيل والسويفت
مشكورين والله بجد وان شاء الله نازل يوم الحد السوق واول حاجة هعملها لما ارجع انى هنقل اللى هكتبه فى الورقة زى ما قلت ليكو هنا وتقولولي ايه احسنلي انا ممكن ازود المبلغ حاجة بسيطة كده 35 يبقوا ولا حاجة واولاوياتى حاجتين انها متتعبنيش ويكون فيها تكييف لأن اهلى مش مصريين ومش هيستحملوا حر الصيف