سؤال بسيط في الشكمان

**tito_1980** · 05-04-2011 03:38 PM

لما بنيجي نكشف علي عربيه مستعمله في ناس بتقول سده بايدك و شوف ممانعه الشكمان , مش فاهم يعني ايه ؟ يعني كل ما يمانع يكون افضل و لا ايه بالظبط ؟ و انا عارف معاني الدخان بس عايز اعرف موضوع الممانعه ده

**mido51eg** · 05-04-2011 04:00 PM

موضوع الممانعة ده بيدي مؤشر عن حالة الموتور بمعنى ان لو سديت الشكمان بأيدك هتلاحظ قوة دفع للخارج بسبب عادم الشكمان لو الموتور سليم ومش خفيف او مفوت ممكن العربية تبطل انما لو الموتور خفيف او مفوت العادم هيرتجع للموتور تاني وهيخرج من اي تنفيسة والعربية مش هتبطل ومش هتحس بقوة الدفع للخارج من العادم.

**tito_1980** · 05-04-2011 07:53 PM

يعني لو سديت الشكمان بايدي و المكنه بطلت يبقي كويس و العكس صحيح ؟

**l0new0lf** · 05-04-2011 08:25 PM

الموضوع ده ملوش علاقه بحالة الموتور كويس او مفوت
سواء الموتور كويس او مفوت المفروض المكنه هتبطل
الا اذا الشكمان كان مخروم او منفس من عند الفلنشات او الفرن
لو التنفيس كتير المكنه هتاخد وطت طويل علشان تطفى ده اذا طفت
و لما تطفى خليك سادد الشكمان فتره و لما تشيل ايدك لو لقيت العادم المحبوس طالع بضغط يبقى الشكمان سليم و لو الضغط حسيت انه بيقل مع الوقت قبل ماتشيل ايدك يعنى عندك تسريب بسيط فى الشكمان
لان هو ده الى الناس بتعمله علشان تكشف بيه على الشكمان