تجربة سرقة علامات اليارس والبحث والتركيب
السلام عليكم
يوم السبت الي فات نازل اجيب حاجه من العربيه وابص مش ممكن دي مش عربيتي ازاي العربيه شكلها مختلف خااااااااااااااااالص
اتاري البيه الحرامي سرق علامة تويوتا الاماميه وسرق كلمة تويوتا وكلمة يارس الي ورا علي الشنطه وحاول يسرق العلامه الخلفيه بس معرفش
بس للامانه محترف لم يترك اي اثر او خدش علي السياره
المهم
اتعكننت عكننه متتوصفش وقلت الحمد لله انا لله وانا اليه راجعون
بس العربيه شكلها بقي جربوع من غير العلامات وقعدت اقول هي شركة تويوتا هبله متعمل العلامه ثابته في جسم السياره وترحمنا
وفكرت ابعت ذلك المقترح للشركه بس اتكسفت اقولهم اصل احنا عندنا حراميه بتسرق العلامات فمبعتش المقترح
المهم
بدات رحلة البحث عن علامات
اتصلت بالتوكيل يقوم البيه المهندس يقولي العلامه الاماميه ب 190 جنيه ليه ان شاء الله وبيقولي استني اسبوع يمكن ترخص
المهم امبارح في طنطا رحت ادور في اول سكة المحله عند بتوع الاستيراد المهم ملقتش
وانا ماشي رحت شارع حسن رضوان في طنطا وسالت اكتر من حد دلوني علي محل في نفس الشارع اسمه مجدي
رحت والحمد لله لقيتهم عنده
العلامه الاماميه الاصليه ب 90 جنيه والتيواني ب 40 جنيه يولاد ال------ يحراميه يبتوع التوكيل
كلمة يارس وكلمة تويوتا الاصليه الواحده ب 65 جنيه
المهم جبت الكلمتين ب 130 جنيه وجبت العلامه الاماميه التيواني ب 40 جنيه لاني ملقتش فرق بينهم
المهم
الكلمتين الاصليتين تم لصقهم في نفس المكان وبيتم لصقهم بنزع استكر في الخلف ولصقهم بدون الحاجه ل مواد لاصقه
العلامه الاماميه مبتتلصقش بتدخل كبس بس مش سابته كويس ممكن تتشال بسهوله
النهارده هروح لواحد يحطلها ماده لاصقه والصقها علشان لو حد حاول يشلها تتكسر وميستفدش بيها
هذه هي تجربتي مع سرقه العلامات
وحسبي الله ونعم الوكيل
ويجعله عاااااااااااااامر
الي الامام الي الامام ثوره ثوره:untitled 1:
