يا ملاك التيدا ... اطمنوا التيدا منتشرة فى مصر عن الصنى

كنت فى الحرفين , وكنت بلف على شوية حاجات لقطع الغيار للتيدا هناك

والمفاجاءة ..

انى لقيت عشرات المحلات ويمكن اكتر من اللى بتشتغل فى اليابانى وبالاخص نيسان

والاروع والمفاجاءة واللى فرحنى جدا

عندهم انصاص عربيات كاملة للتيدا كتيررررررررر جدا

وبيبعوا كمان فوانيس ومساعدين وكل حاجة هناك استيراد

ويمكن اللى الناس مش حتصدقوا , انى بصراحة شوفت انصاص التيدا اكتر من الصنى هههههههههههههه حاجة غريبة

بس بصراحة ارتحت جداااا

وارتحت اكتر ان كل المحلات دى اصحابها بيسفروا باستمرار وقالولى اى حاجة محتاجها وناقصة عندنا بنجيبها من بره معانا فى الشحن وبتاخدها بعد شهر , اذا كانت ناقصة عندنا

وفى النهاية

اخدت كارت كام محل من المحلات التقيلة اوى والمشهورة , عشان الواحد لو محتاج حاجة منهم

واى حد عاوز حاجة استيراد يقولى ويبعتلى على ا لخاص لان مينفعش نحط اسامى المحلات وارقامهم , عشان مبيقاش دعاية ليهم وده مخالف لقواعد المنتدى

الحمد لله ان الواحد اطمن بجد

انا حبيت اطمن ملاك التيدا القدامى وملاك التيدا الجدد , وكمان كل واحد حابب يقتنى سيارة تيدا ان قطع غيار التيدا استيراد منتشرة فى الحرفين جدا, وحتى قطع الغيار الجديدة موجودة عند بعضهم
واللى مش مصدق , عشان محدش يقولى بتحيز للعربية ينزل الحرفين ويتفرج هناك

تحياتى للجميع

عندك حق فعلا يا احمد باشا ....

التيدا فعلا منتشرة على الطريق ... و بشوفها كتيييير جدا ...

حتى لما كنت في مودرن الهايكستب لصيانة الالف ... تقريبا كان ثلث العربيات اللي هناك تييدا .. و الثلث صني ....و الثلث الثالث كان سوزوكي بانواعه ( بحكم انهم مركز خدمة لسوزوكي ايضا )

ربنا يبارك لكم في التييييدا .... بس محدش له دعوة بالصني :untitled 1:

مش محتاجة تقولنا يا استاذ احمد
التيدا انتشرت جدا فى الشارع المصرى
الناس قرفت من اسعار الكورى الغير مبررة و موازية لاسعار اليابانى و ارتفاع اسعار قطع الغيار
انا برضو لما نزلت الحرفيين من فترة مش كبيرة لقيت انصاص و ارباع للتيدا كتير و قطع غيار استيراد انا كنت جبت قربة المياه استيردا من هناك
التيدا هى طفرة نيسان بدون مبالغة
للاسف ان خسرت العربية دى لما بعتها :(
و على فكرة اتباعت بسرعة جدا و ماكنتش بعرف انام من المكالمات عشان محدش يقول تقيلة فى البيع :)

موقف طريف حصل
بما العربية اتباعت اتصل بيا واحد بخصوص العربية قلتله لاء اتباعت
قالى طب حضرتك ترشحلى العربية دى ولا لاء ؟
قلتله هى احسن فى السوق دلوقتى حضرتك هاتعشقها لما تركبها
و فعلا بعديها بفترة اتصل بيا برضو و قالى انا جبت العربية يا باشمهندس و فعلا عربية ممتازة فى كل حاجة زى مانتا قلت :)

ماتسمعش كلام اللى يقولك دى مش منتشرة ولا ليها قطع غيار و لا الكلام الفاضى دة
القطع الغيار موجودة فى السوق و لو غالية عليك هاتها استيراد بس كدة :)

ههههههههههههههههههههههههه هههه ..........لا انا مش مطمن برده
ازاي الكلام ده ؟؟؟ ....... قرار جمهوري بقفل جميع محلات بيع قطع غيار التيدا
وممنوع منعا باتا تواجد اي عربية تيدا بجانب اي عربية صني ... ولو حصلت يبقي حكم عسكري :44:
يابو حميد .... مشكور والله علي الخبر المحترم ده
ما بالك ان التيدا قطع غيارها كتير ... اكيد الصني ببلاش بقي ماشاء الله :44:
يلا ربنا يهني سعيد بـ سميرة
اقعد بالعافية :bye2:

الحمد لللللله طمنتني يا احمد والله الواحد علشان بقالو كتير اوي منزلش الحرفيين فا مش عارف الدنيا هناك اية
طاب بقولك اية يا احمد هوا احنا لو اخدنا سبويلر من الناس دية من علي العربيات الاستيراد دية يعمل كام ؟

اقتباس:

---

المشاركة الأصلية كتبت بواسطة sonasteel

يلا ربنا يهني سعيد بـ سميرة
bye2:

---

:36_2_33::36_2_33::36_2_33:

اقتباس:

---

المشاركة الأصلية كتبت بواسطة hacker5

مش محتاجة تقولنا يا استاذ احمد
التيدا انتشرت جدا فى الشارع المصرى
الناس قرفت من اسعار الكورى الغير مبررة و موازية لاسعار اليابانى و ارتفاع اسعار قطع الغيار
انا برضو لما نزلت الحرفيين من فترة مش كبيرة لقيت انصاص و ارباع للتيدا كتير و قطع غيار استيراد انا كنت جبت قربة المياه استيردا من هناك
التيدا هى طفرة نيسان بدون مبالغة
للاسف ان خسرت العربية دى لما بعتها :(
و على فكرة اتباعت بسرعة جدا و ماكنتش بعرف انام من المكالمات عشان محدش يقول تقيلة فى البيع :)

موقف طريف حصل
بما العربية اتباعت اتصل بيا واحد بخصوص العربية قلتله لاء اتباعت
قالى طب حضرتك ترشحلى العربية دى ولا لاء ؟
قلتله هى احسن فى السوق دلوقتى حضرتك هاتعشقها لما تركبها
و فعلا بعديها بفترة اتصل بيا برضو و قالى انا جبت العربية يا باشمهندس و فعلا عربية ممتازة فى كل حاجة زى مانتا قلت :)

ماتسمعش كلام اللى يقولك دى مش منتشرة ولا ليها قطع غيار و لا الكلام الفاضى دة
القطع الغيار موجودة فى السوق و لو غالية عليك هاتها استيراد بس كدة :)

---

يا اهلا يا اهلا باهل الحبايب القدامى ادهم باشا
بقا كدا تبيع التيدا وتسيبنا وتجيب النترا
قولى صحيح ايه الفرق بين الاتنين
وهل فعلا ندمت على بيع العربية زى ما قولت

انا مكنتش اعرف انى حلاقى قطع غيار للتيدا استيراد الا لما نزلت واطمنت جدااا لما شوفت بعينى ان العربية بسم الله ماشاء الله قطع غيارها منتشرة جدا

وكان واجب نطمن الناس وننوه بكدا للناس و عشان اى حد حابب يفكر يجيب تيدا يطمن ,
تحياتى ليك
وياريت دايما تطل علينا وتطمنا عليك يا فندم

اقتباس:

---

المشاركة الأصلية كتبت بواسطة opelvectra

الحمد لللللله طمنتني يا احمد والله الواحد علشان بقالو كتير اوي منزلش الحرفيين فا مش عارف الدنيا هناك اية
طاب بقولك اية يا احمد هوا احنا لو اخدنا سبويلر من الناس دية من علي العربيات الاستيراد دية يعمل كام ؟

---

اولا انا كنت بلف عشان كدا , عشان موضوع الاسبويلر الاصلى واشتريه من عندهم

ملقتش ولا واحد عنده , والمحل الوحيد اللى لقيته عنده راكب على نص عربية وقالى مينفعش افكه وبيبعه مع النص كامل

وزمان كان فى محل سالته بالتليفون من سنة كدا قالى انه بيبعه ب600 جنيه

التيدا منتشره جدااااااااااا يا باشا فعلا بس ان شاء الله محدش يحتاج انصاص خالص وربنا يسترها معاكم جميعا ان شاء الله


الميزه ال عجبانى اوى فى التيدا هيا راحه الركاب بحس انى قاعد فى صالون البيت

مجهود رائع و جبار و في انتظار المزيد


بالنسه للتيدا منتشره في دول كتير علشان بلد المنشا اليابان و بتصدرها لدول كتير
فبالتالي اسعار قطع الغيار الاستيراد او الاستعمال خارج رخيصه و كتيره

بالعكس بالنسبه للصني بلد المنشاء مصر و الله اعلم ببتجمع فين تاني او بتتصدر ولا لأأأأأ
فبالتالي اسعار قطع الغيار غاليه او الاستعمال خارج قليله
اظن الدوله الثانيه في انتشار الصني بعد مصر في شكلها الحالي هيا الفلبين

100% يا احمد .. كويس ان قطع غيار التيدا متوفرة خصوصا الاكسسوارات لأنها بتكون غالية اوي و هي جديدة و انا شخصيا بحب الاستيراد اوي لأني بحس انه اصلي 100%
بالنسبة لـعزيزي محمد ... علي فكرة انا شوفت نيسان صني كتير زيرو لوائح جمرك و كمان في صور علي النت كتير اوي من اليابان و اماكن كتيرة في العالم فيها شكل النيسان اللي موجوده في مصر من الشكل القديم و الجديد كمان و انت عامل تقارير روعة و فيها صور للعربية في اماكن كتير خارج مصر

الف شكر يااستاذ احمد على الموضوع الايجابى ده
وبخصوص الاسعار ممكن تسائلى على فوانيس التيدا اللى وراء موديل 2007 علشان انا واحد خبطنى والفانوش مشروخ

اقتباس:

---

المشاركة الأصلية كتبت بواسطة sedyrohy

مجهود رائع و جبار و في انتظار المزيد


بالنسه للتيدا منتشره في دول كتير علشان بلد المنشا اليابان و بتصدرها لدول كتير
فبالتالي اسعار قطع الغيار الاستيراد او الاستعمال خارج رخيصه و كتيره

بالعكس بالنسبه للصني بلد المنشاء مصر و الله اعلم ببتجمع فين تاني او بتتصدر ولا لأأأأأ
فبالتالي اسعار قطع الغيار غاليه او الاستعمال خارج قليله
اظن الدوله الثانيه في انتشار الصني بعد مصر في شكلها الحالي هيا الفلبين

---

الله يخليك يامحمد وشاكر تقديرك

بص ممكن يكون فعلا كلامك صح ان ممكن يكون التيدا بره ارخص فى اليابانى مثلا او فى دول اوروربا ويمكن ده السبب

وعلى فكرة اللى انا شوفته فى الحرفين بخصوص الصنى شوفت انصاص صنى 2001 لغاية 2006 والصنى الشكل اللى بعد كدا وخصوصا الاشكال الحديثة اللى كمان 2010 مشفتهاش خالص

اقتباس:

---

المشاركة الأصلية كتبت بواسطة احمد المصرى

التيدا منتشره جدااااااااااا يا باشا فعلا بس ان شاء الله محدش يحتاج انصاص خالص وربنا يسترها معاكم جميعا ان شاء الله


الميزه ال عجبانى اوى فى التيدا هيا راحه الركاب بحس انى قاعد فى صالون البيت

---

امين يارب منحتجش حاجة وربنا يكفينا شر الطريق

بس الواحد اطمن ان فى اكصدامات فوانيس انصاص , عشان لو حد عمل حادثة لقدر الله واحتاج طابلوه بايرباجز

كل ده اطمنا عليه , ومش قادر اقولك فرحت جدا والله

اقتباس:

---

المشاركة الأصلية كتبت بواسطة peaceman

100% يا احمد .. كويس ان قطع غيار التيدا متوفرة خصوصا الاكسسوارات لأنها بتكون غالية اوي و هي جديدة و انا شخصيا بحب الاستيراد اوي لأني بحس انه اصلي 100%

---

الله يخليك يا بيشو

انا كمان بفضل قطعة غيار استيراد اصلى بس تكون مضمونة وتكون افضل من قطعة غيار تايوانى مش اصلية وجديدة

وعلى فكرة عاوز اطمن الناس ان قطع الغيار الاستيراد اللى بتيجى من بره مصر سواء من اوروربا او اسيا مش بتكون مستهلكة كتير , يعنى ممكن تكون اخرها مثلا بالكتير 40 الف كيلو واستعمال بره وشوارع بره انظف من عندنا مليون مرة

ده يمكن احنا البلد الوحيدة اللى بتربط عفشة كل 10 الاف كيلو ههههههههههههههههه

اقتباس:

---

المشاركة الأصلية كتبت بواسطة mahamedaraby

الف شكر يااستاذ احمد على الموضوع الايجابى ده
وبخصوص الاسعار ممكن تسائلى على فوانيس التيدا اللى وراء موديل 2007 علشان انا واحد خبطنى والفانوش مشروخ

---

عنيه الاتنين حسالك واوقولك , واعتقد انه يعمل فى حدود 250 تايوان بس حتاكد

انا سالت على الاكصدام الخلفى لتيدا سيدان وكان تمنه 700 جنيه من بوق الراجل , وممكن ينزل مثلا الى 600 جنيه

تسلم يا ابو حميد اخبار حلوة ... والمعلومة دى قالهالى كريم منير لما كنت باقرر اشترى التيدا من سنة فاتت .... تسلم يا باشا

سعر فانوس التيدا الاصلى فى الحرفين 650 جنيه , وده الاصلى , وجارى البحث على ثمن فانوس تيدا تايوانى اقل

واسف على التاخير فى الرد

تحياتى