يا جماعة يا اصحاب الاكسيل انا عايز اشتري العربية دي بس محتار بينها وبين التيمبرا برجاء موافاتي ببميزات وعيوب الهيونداي اكسيل وهل قطع الغيار رخيصة ام غالية برجاء بسرعة للاهمية
عرض للطباعة
يا جماعة يا اصحاب الاكسيل انا عايز اشتري العربية دي بس محتار بينها وبين التيمبرا برجاء موافاتي ببميزات وعيوب الهيونداي اكسيل وهل قطع الغيار رخيصة ام غالية برجاء بسرعة للاهمية
السلام عليكم
ربنا يوفقك فى الاختيار السليم باذن الله
شوف يا سيدي انا معايا اكسيل 1500 كامله مانيوال مو 95 كربراتير
نبدأ بالعيوب :-
1- كبود ضعيف
2- مرايا الجنب مبتتقفلش
3-منخفضه ( اعتقد ده حال كل الجديد ) يعنى تخلى بالك فى المطبات
4- عفشه متوسطه
5- اعتقد كفايه
نيجي للمميزات :-
1- فخمه وصالون واسع
2- خليك فى 1500 عشان التكييف والكماليات
3- استهلاك بنزين جيد انا بحط 80
4- سهولة اعادة البيع
5- قطع غيارها متواجده سواء جديده او استيراد وتعتبر سعرها متوسط
6- ثبات جيد ع الطريق لحد 90-100 كم 7
نيجي للاهم
وهى حالة العربيه
خلى بالك من برومة العتب والشنطه والكارتيرات من جوه والحوض من تحت
وخلى معاك متخصص وأمين
وبرده استني اراء باقي الزملاء
وقبل اى شئ استخير ربنا سبحانه وتعالى وربنا يوفقك
ويارب اكون افدتك
الاخ /wael6
انا متشكر جدا علي ردك السريع وعلي رايك الصادق وفعلا انت اوجزت فانجزت مع خالص تحياتي
قبل ما انسا طيب انته ايه رايك هي احسن ولا التيمبرا
ربنا يعزك
بصراحه مجربتش التمبرا
خش كده على قسم الفيات وشوف ارائهم ايه عليها
واعتقد الهيونداى منتشره افضل
بس برده متستعجلش
وربنا يوفقك ويكرمك
وخد بالك جدا جدا من غش التجار والسماسرة والصنايعيه كمان وحتى اللى بيبيعلك
ربنا يكفيك شرهم
خلى معاك واحد ثقه ولو انى اليومين دول الواحد يثق الا فى نفسه
لكن ربنا هيوفقك باذن الله باستخارته
ارشح لك الاكسيل
بصراحة انا مش عارف اقولك ايه انت فعلا رجل صادق انا دخلت علي الفيات ولاقيت 90% من الناس بيشكروا في التيمبرا لكن عيبها الوحيد عند مقارنتها بالهيونداي هو ذي ما انت قلت هي ثقيلة في البيع عن الهيونداي اكسيل لكن هي اوسع وموتور اشد وصاج اقوي ام الثبات علي الطربق فحدث ولا حرج لغاية سرعة 150 لو تقدر توصل للسرعة دي وذي مبيقولو فيها قوه القديم وشكل الجديد , اما موضوع غش التجارة كلامك صحيح 1000 % ن وانا هاخذ بنصيحتك وهستخير بربنا سبحانه وتعالي طبعا بس انا طمعان اكثر في كرم اخلاقك الفياض لو ادامك العربيتين بعد مقلت لك علي مميزات التيمبرا تختار ايه يا باشا وللعلم دا انتا لو معاك عربية باسلوب ده هشتريها منك الصبح مع خالص تحياتي لكل اهل كفر الشيخ الكرام
خش حضرتك الموضوع ده وانشاء الله تستفيد منه
http://www.nilemotors.net/Nile/200679-96.html
وانا رايي عن تجربه امتلاك الاكسيل انها عربية نعمة بجد ولن تندم ابدا عند امتلاكها وهتعرف ليه لما تجيبها
التمبرا انا اعرف انها ممتازة بس مشكلتها فى اعاده البيع وشكل التابلوه للاكسيل افضل مع شكل عام افضل للاكسيل (ودى وجهة نظرى)
كمان اعتقد ان الاكسيل اخف من التمبرا فى الوزن لان الاكسيل يادوبك طن فعشان كده خفيفة انما لو عايز سرعات ركب جنوط وهتكون العربية ممتازة ثباتا وشكلا
وربنا يوفقك
وزيادة عليهم (العيوب)
ركب بتتكسر
شروخ بجابن بطاحات المساعدين
ثبات سئ بعد 100
وزيادة علي باقي (المميزات)
سعرها ثابت الي حد ما عند اعادة البيع مقارنة بسيارات اخري
قطع الغيار الاصلية متوفرة وباسعار ممتازة
حجم السيارة مقارنة بالموديلات الي بعديها من هيونداي افضل من حيث الوسع الداخلي والشنطة
انا الصراحه مبهور من سرعه الرد والتفاصل الكتيره
ياريت الاسعار واحسن طريقه اشترى العربيه بيها علشان العربيه مش منتشره فى اسيوط